O Kandɔɔ 24:30 - BII BILA

³⁰ Mó ca kelɛi suei a kelan baan Rebeka yema ndɔ o ba, mó tuɛi vɛlɛ Rebeka ɲɛ langbanɔ kon dimul ndu-o kala ndɔ cɔmndo. Le hee, mó kɔ komal langbanɔɔ isisi a ɲɔɔmɛaa ndɔa o soon kólaa kon ikɛi,

O Kandɔɔ 24:30 Referans Kwoze

O Kandɔɔ 24:22

Mɛɛ ɲɔɔmɛɛa cii kolɔɔ, mó cua kelɛi n'sianiei, ì va le kalamulan laŋɔmpum, mó cua vɛlɛ kelan laban nda cɔw a sianion-ndon mún miun, ipilɛ ndíì hiow lusoo le kalamulan kɛmɛ, mó yɔngu Rebeka.

O Kandɔɔ 24:29

Rebeka ndóò nɔ yema piaandoo pum diolan Laban. Mí Laban kon fula a kiltan, mó kɔa nɛɛ buɛi Abraham kon va o soon kólaa sondoo-a.

O Kandɔɔ 24:31

mó dimul ndu aa: «Hun o yiya o naa lo cɛinin, nɔm Mɛlɛka dɔw hoo duaa-o. Vɛ ma va isisi ciee-lekɔɔ nanu? I cii nɔm cɛi hinia toosial, mí bɛɛndiaa vɛlɛ fondaa le ɲɔɔmɛaa nɔmnda.»

Esekiɛl 23:42

Vɔkɔ-vɔkɔ kponyo bɛndoo va sɔɛi, vanpiaandua taw-taw va lon, mí vannda hun a vannda Saba, mí vanpiaandua kan a vow vanlaandua ŋiɔnda ha kelan o laba, má vow nda mɔsilta kɛndɛ-kɛndɛla lemasalan o lebol.

Masaa kialaa n'yamaa 17:2

Paale pilɛ, mó ɲuna kala ndɔ aa: «A loonun pá maa lɔ́ɔ́ nda ciimbul nɔm volin latámán vàá pilɛ a kɛmɛ-o, má mɛna vui kon ya o hɔl? Volin mun co ya o ba. Yáà cua mun ni.» O kon, mí kala ndɔ dimi aa: «Po nuu, màá Mɛlɛka dɔw nɔm duaa!»

Esai 3:19

kelan lanion, kelan laban, kolala vaan-vaannda nda kuumbun o hɔl-tan,

Yeremi 2:32

Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»