O Kandɔɔ 24:3 - BII BILA

³ ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

O Kandɔɔ 24:3 Referans Kwoze

1Korɛntea 7:39

Vanalanɔɔ bɛnda mò va o yiinan a pɔnɔ ndɔ telen pɔnɔ ndɔ co vɔ yoomu-o. Kɛ te pɔnɔ ndɔ vi pɛ, mɛɛ o tiwnin ba mò cal o nɔ celen nda vana o yeema-o, kɛ fɔ mò va vana Hala-o.

Nehemi 13:25

Mí soaa nda, mí dɔaw nda vɛlɛ danga, mí lɔaa bɛɛ a pum, mí suingi nda yiinde. O kon má mɛnalan ya o diola Hala lan, maa a kɛsi lɛnin cuavaa ndaa laandua o nɔ̀lan mialla o ba le, maa a yil-lɛnin vɛlɛ laandaa mangalaa isɔɔa le poaa ndaa, te kon te le nda pila le few.

O Kandɔɔ 28:8

Mí Esau sina dɔ́ɔ́ maa vanlaandua Kanannda hɛnan fuɲa ndɔ le.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

2Dɛnnda lemasalan 2:12

I co nɔm vanapɔnɔ kɔlkalu caa baalaa taw-vo vim, Hiram-Abi pɛɛn,

Yosue 2:12

Lelan, yandi, la mɛnalan ya sunsun o diola Mɛlɛka lan maa la tosalnin yungu fuɲa nuu dɛnɛ kɛndɔɔ mɛɛ ya tosal niaa dɛnɛ kɛndɔɔ yɛ, la yɔngu ya vɛlɛ tɔɔmasele kpeekpeiyo.

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Kundalan 5:21

mɛɛ mɛnan-ndɔ, mì Mɛlɛka tosa mì sendío ho bii nɔm, mì vanaa niaa cal-la cua tɔɔmaseloo nɔm coo telen nda vanin mɛnaa-o. Màá Mɛlɛka siinguu nɔm vanalanɔ vilu loo, mì demboo pɛ nɔm cɔfuu,

Fulaa 23:13

La bɛnda mì la bii sɔɔn ya dimul niaa-on kpow. La sooluu halaa celen te, la pial bɛɛ nda diolan te.»

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

O Kandɔɔ 50:25

O kon, mí Yosɛf mɛnalan Israɛlla, mó dimul nda aa: «Te Hala sɔɔnguu niaa pɛ ikɛi, mò soli niaa nanu, la va pɛ kɔlan, la kɔɛ a paala nilan o ba.»

O Kandɔɔ 27:46

Mí Rebeka kɔ dimul Isaak pɔnɔ ndɔ aa: «I co a mɔnɛi a dɛnɛ cuavaa Hitiia ha. Te Yakɔb bɛɛ yil pɛ lanɔɔ o lɛŋnden nden nin, mɛɛ piɔ́m nuu bendu lɛ le.»

O Kandɔɔ 21:23

Lelan sunsun, mɛnan le Hala maa a yiinin ya dúmbú naa cuavaa nia a cuavaa nia imamaa le. Mɛnan taa tòsalnin ya pila a lɛŋnde nile n co len icali nin-nden dɛnɛ kɛndɔɔ mɛɛ ya bɛɛ co nɔm dɛnɛ kɛndɔɔ tosallo yɛ.»

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!

O Kandɔɔ 6:4

Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

Hebreea 6:16

Kani vanndacieea va pɛ mɛnanndo, a mɛnan o diola vana hiow nda-o. Mɛnan kon tosà ni mì vannda laalan sɔɛi ndɔɛi, mì sɛɛngianndo cuu.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Esai 65:16

Vana yeema pɛ le duaa dɔwnɔnndo o lɛŋnden nin, o bɛnda mò sɔla duaa kon Hala toɲaa o ba. Vana yeema pɛ le mɛnanndo o lɛŋnden nin, ndu bɛnda mò mɛnan o diola Hala lo o lediom coo-o. Kani sangala imɔnɔla paandulan la hiawnin, sangala lan la faŋannin ya o hɔl.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Esai 45:23

I mɛnan a ya pila, toɲaa co fulaa ya o sondo, nduyɛ sɔɛi fula ya o sondo-e i sandu, sɔɛi ken i feŋan lecoo le: vulan kpow la baŋnunnin ya o labɛngunin, diɛɛmuei kpede i mɛnannin o diola nilan.

Condii lisai 115:15

Màá la sɔla duaa fulaa Mɛlɛka o ba, Mɛlɛka cɔw halataalaa a lɛŋnden-ndo pɛɛn!

1Samiɛl 20:17

Mí Yonatan viam vɛlɛ David mɛnanndo le kaola bɛndu va nda tɛɛn-ndo, kani David ndóò kaola Yonatan mɛɛ ndu pila ndóò kaolan yɛ.

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Fulaa 22:11

Kɛ te ndu macɛlu nda ciimbuu cɔloo ni, o bɛnda mò sala cɔlu pilaa.

O Kandɔɔ 14:22

Mí Abram mulul ndu aa: «I heelu baa mí mɛnan o Mɛlɛka lo, Hala-Hiow-Ɲɔɔn-Kpow-vo, o cɔw halataalaa a lɛŋnden-ndo,

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

O Kandɔɔ 28:1

O kon, mí Isaak veelu Yakɔb, mó dɔaw ndu duaa, mó dimul ndu aa: «Yìl vanalanɔ Kanannɔɔ o nɔ̀u le.

O Kandɔɔ 47:31

Kɛ mí fuɲaa lamban ndu kɔɔli aa: «Mɛnan taa tosanin lende.» Mí Yosɛf mɛnan. O kon, mí Yakɔb baŋ vulan ndu o labɛngunin o kpele ndɔɔ bollen.

Masaa kialaa n'yamaa 14:3

Mí yungu ndɔɔ dimul ndu aa: «Vɛ̀ɛ̀ a ci felengi laandu celen o polale nɔmnden nin, te kon te o vanaa nɔmnda tɛɛn te? Filistia dii haa tooma le-a tɛɛn nɔm co kɔlan lanɔɔ yilɔɔ ni?» Kɛ mí Samsɔn mulul fuɲa ndɔ aa: «Ndu hɛnan ya ni, yil-la ndu mò va laa nuu.»

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.

O Kandɔɔ 34:9

O kon, mì nɔ̀ kon siŋnun kpemaa naa tɛɛn naa niaa. Mì la va cuavaa niaa kɛsio naa o ba o nɔ̀lan, mì niaa bɛɛ va cuavaa naa cuaa.

O Kandɔɔ 38:2

Mó saalun cuaambɔle laandule pilɛ lon, fuɲa ndɔ diolan Sua, Kanannɔɔ o va ni. Mó yil ndu o nɔ̀u nin, mó sina ndu vanalanɔ.

1Samiɛl 30:15

Mí David ɲuna ndu aa: «Vɛ̀ɛ̀ a cɛl mà cɔm ya nɛiyo le kɔlan nɛɛ vanaa kalaa co-a?» Mó muli aa: «Mɛnan le Hala, taa diinin ya, te kon te mà mal-la vana ni bɛndoo o ba le. A mɛnan pɛ, i liila nɔm háá nɛɛ nda co-a.»

Ɛsdras 5:11

Má mulul naa aa: ‹Vanaa baalaa Hala cɔw halataalaa a lɛŋnden-ndo-a naa n co ni, Cɛi-Hala cɔwnun sindɛ nin pá-pá-o naa n co mingio tangullo ni, ò masa bɛndoo pum Israɛl ndóò cɔw mí ndóò cii kpede-o.

Yeremi 29:6

La yil laandua mì la velu cuavaa laandua a à piaandua. La cuel poaa niaa laandua mì la kɛsi cuavaa niaa laandua o nɔlan, haliko ma velu cuawva: a piaandua a à laandua. La kui lon taw-taw, la dɔɔnan te.