O Kandɔɔ 24:26 - BII BILA

²⁶ O kon mí buɛi Abraham kon baŋ vulan, mó Biilu Mɛlɛka.

O Kandɔɔ 24:26 Referans Kwoze

O Kandɔɔ 24:48

O kon, mí baŋ vulan, mí yil Mɛlɛka nuvalio, Hala vana ni bɛndoo Abraham pɛɛn. Mí mel ndu balika le simnda o sim ya laci mó cɔm ya cua imama puapilɛ Abraham vana ni bɛndoo-o lan, haliko mo siŋnun lanɔɔ po ndɔɔ, mì yoo ndu ndu.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

O Kandɔɔ 24:52

Mɛɛ buɛi Abraham-ndo tuei sɔɛi ken, mó baŋ vulan Mɛlɛka o labɛngunin.

Fulaa 12:27

La mulul nda aa: ‹Sálàá ho naa n solúl Mɛlɛka o paale kafo-hiavaa-coo len coo ni. Kani telen naa Israɛlla n va o lɛŋnde Esipte len nin-ndo, mí Mɛlɛka tuisi Esiptea kpundɛ piɔ́mndo coo. Kɛ mɛɛ o tiiya o cɛila naalan, mó hiawnun, o sim mò tuisi naa a yungula naalan kpundɛ kon coo le.›» O kon, mí Israɛlla baŋ vulan Mɛlɛka o labɛngunin, má biilu ndu.

Filipea 2:10

haliko mi vana-vana o halataala, o lɛŋnden coo a ciee-piɔ́m a baŋ vulan telen nda tuɛinin diola Yeesu lan-ndo,

Misee 6:6

«A yɛɛ kpeekpei ya fula yɛnin Mɛlɛka o hɔl? A yɛɛ o ba ya baŋ yɛnin vulan Hala co coocoo-o o labɛngunin? Bàà a navaa téndéa nɔ vosio pilɛ-a ya fulanin ndu o hɔl ni le sálàla loamaalan solio?

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Condii lisai 72:9

Vanaa co o lɛŋnde veselɛilen nin-nda baŋnin vulan ndu o labɛngunin, yaamɔaa ndɔa deembuunin cundoo lɛŋ.

Condii lisai 66:4

Màá vanaa co o lɛŋnden coo-a kpow a baŋ vulan nɔm o labɛngunin, mà lisa nɔm! Mbɔ̀, màá a lisa diola nɔmndan!»

Condii lisai 22:29

Kani Mɛlɛka nɔ masalen o ba ni, ndu o ba bɛngu vanaa-mangalaa-isɔɔa kpow a co ni.

Nehemi 8:6

Mí Ɛsdras mel Mɛlɛka, ó co Hala bɛndoo-o balika, o kon mí vannda kpow a va cɛlɔɔ a balan heeloo aa: «Amiina!Amiina!» O kon má tundun má baŋ vulan Mɛlɛka o hɔl le ndu biiloo.

2Dɛnnda lemasalan 29:30

O kon kɔɔli, mí masaa Esekia a vanaa bɛndua a dimul leviia le Mɛlɛka biiloo o condun David nda Asaf vana-tɛɛngaa-diom Hala-o ndáà toosiaa-on nin. O kon, má biilu ndu a ɲaale bɛndu-bɛndoo, má baŋ vulan, má tundun háá lɛŋ.

2Dɛnnda lemasalan 20:18

Mí Yosafat tundun háá lɛŋ Mɛlɛka o hɔl, mí Yudaa a vanaa fula Yerusalɛm-nda bɛɛ a deli lɛŋ kpow Mɛlɛka o hɔl, má biilu ndu.

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

Fulaa 34:8

Mɛɛ Moise tuei sɔɔn mun, mó tundun, mó baŋ vulan.

O Kandɔɔ 22:5

Mó dimul buɛyaa ndɔa aa: «La koma cum naa nanu a sofɛlɔɔ, n co lakɔ naa po nuu, mì n kɔ biilu Hala. N cii pɛ, n muungu nanu.»

O Kandɔɔ 24:25

Mí Rebeka dimul ndu vɛlɛ aa: «Foeende a bil puiyaa co o naa lo taw le cɔlua, fondaa co vɛlɛ lon le lɔan.»

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

Masaa kialaa n'yamaa 7:15

Telen Sedeɔn cii lɔma sɔlaama man a tɛɛsiaa ndɔɔ tueyɔɔ-o, mó baŋ vulan le Hala balikaa mello. O kon kɔɔli, mó muungu o dɔ́ɔ́ngɔ́ Israɛlla nin, mó kɔ yonda aa: «La cɔn, Mɛlɛka cii dɔ́ɔ́ngɔ́ Madiannda malɔɔ naa o ba.»