O Kandɔɔ 24:24 - BII BILA

²⁴ Mí cuaambɔɔ mulul ndu aa: «Betuɛl co fuɲa nuu ni, po Milka vilul Nahɔr-o pɛɛn.»

O Kandɔɔ 24:24 Referans Kwoze

O Kandɔɔ 24:15

O cii bɛɛ piɛilen tosa le, mí Rebeka hun a bonyei o congú. Cua Betuɛl-lo Rebeka kon va ni, cua imama Milka nda Nahɔr-o pɛɛn. Nahɔr kon va pɔmbɔɔ Abraham ni.

O Kandɔɔ 22:23

Betuɛl kon yɔŋnun fuɲaa Rebeka ni. Poaa ŋɔmaa Milka vilul Nahɔr, pɔmbɔɔ Abraham-nda yɔŋnun kan ni.

O Kandɔɔ 22:20

Mɛɛ sɔɔn mun hiow, má dimul Abraham maa Milka bɛɛ vilul Nahɔr pɔmbɔ ndɔ cuavaa piaandua.

O Kandɔɔ 11:29

Mí Abram yil lanɔɔ, diolan Sarai. Mí Nahɔr bɛɛ yil lanɔɔ, diolan Milka, cua Haran-ndo o va ni. Haran kon koni velu vɛlɛ Yiska ni.

O Kandɔɔ 24:23

Mó ɲuna ndu aa: «Nɛ̀ɛ́ velu yɛ nɔm? Cɔm ya vana kon. Yandi dimul-la te fondaa co pɛ o fuɲa nɔm ndo cɛinin haliko mi n kɔ lɔl lon?»

O Kandɔɔ 24:25

Mí Rebeka dimul ndu vɛlɛ aa: «Foeende a bil puiyaa co o naa lo taw le cɔlua, fondaa co vɛlɛ lon le lɔan.»

O Kandɔɔ 24:47

O kon kɔɔli, mí ɲuna ndu aa: ‹Nɛ̀ɛ́ velu yɛ nɔm?› Mó mulul-la aa: ‹Fuɲa nuu co Betuɛl ni, po Milka vilul Nahɔr-o pɛɛn.› Tuma ya tuei lende-o, mí vow ndu kelɛi o milin a kelan baan o laba.

O Kandɔɔ 29:5

O kon, mó ɲuna nda aa: «La sina pá Laban, po imama Nahɔr-o?» Má muli aa: «Oi, n sina ndu.»