O Kandɔɔ 24:21 - BII BILA

²¹ Mí buɛi Abraham-ndo va Rebeka mɛɛndanndo, o dimul ndu ɲɛ-ɲɛ le. Kani o va tofaa le sinaa te Mɛlɛka yeeliaa kela ndɔɔ, te kon te, te o yeeliaa ndu le.

O Kandɔɔ 24:21 Referans Kwoze

Condii lisai 107:43

Vana-vana nɔ pɛ kɔlkaloo, o canin dɛnnda lan, mò sina kaola Mɛlɛka nɔ le ndu-o.

O Kandɔɔ 24:12

Mó dimi aa: «Mɛlɛka, Hala Abraham vana ni bɛndoo, tosa mì saalun vanalanɔ sɔvɛɔ. Lo o diomnde nɔmnden coo lende a vana ni bɛndoo Abraham.

Luke 2:51

Mí Yeesu muungu nda ndaa Nasarɛt, mó bii sɔɛi ndɛi. Kala ndɔ va sɔɔn mun kpow mandanndo o kɔl.

Luke 2:19

Kɛ Mari ndu va dɛnnda lan kpow mandanndo o kɔl, o va kɔllo keelaa lecoo ɲɛkɛndɛi.

Condii lisai 107:15

La lisa Mɛlɛka le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Condii lisai 107:8

La mel Mɛlɛka balika le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Condii lisai 107:1

La lisa Mɛlɛka, kani o naŋ, kaola ndɔɔ nɔ lamɛɛlu le.

O Kandɔɔ 24:56

Kɛ mó ɲɔɔlu nda aa: «Mbɔ̀ la mingi lɛ ya kɔɔli le, yandi. Kani Mɛlɛka pila cii sɔɛi toosiaa mí kela nuu yeela. La mal-la n'pelu cɔ́-cɔ́ mì muungu vana ni bɛndoo o ibuŋ.»

O Kandɔɔ 24:20

Mó hulu mɛmma tɔ̀ma lo o bonyii ndɔɛi nin-ndan o ɲɛ cɔlua kol nin-ndo nin a kiltan, mó ɲaanun o soon kólaa, mó kɔ kɔandu mɛnndan le ɲɔɔmɛɛa kpow.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»