O Kandɔɔ 24:17 - BII BILA

¹⁷ O kon, mí buɛi Abraham vem kon-ndo ɲaanun o ndu lo, mó kɔ dimul ndu aa: «Yɔngu ya mɛmma nɔmndan man o bonyei nin ɲɛ-pɔmbɔ mì kol, yandi.»

O Kandɔɔ 24:17 Referans Kwoze

Nsaŋ 4:7

Mí vanalanɔ Samarinɔɔ pum hun mɛnndan kɔndɔɔ, mí Yeesu dimul ndu aa: «Ke ya mɛnndan mì kol!»

Esai 21:14

La kɔ demul vanaa kolɔɔ bii-a, mì la yoo nda mɛnndan. Vanaa co icali o lɛŋnde Tema len nin-nda yoo vanaa co o ɲaanɔnndo nin-nda ɲɛdiaa,

1Masaa 17:10

Mí Elii bii nɛiyo le kɔlan Sarɛpta. Ndóò tiiyaa ciee-lekɔɔ, mó ca vanalanɔ pɔnɔ ndɔ vi-o pum yɔmnde tingɔɔ. Mí Elii veelu ndu, mó dimul ndu aa: «Kɔ kondul-la mɛnndan ɲɛ-pɔmbɔ o fɛngɔɔ niŋ, mì kol.»

Nsaŋ 4:9

Mí vanalanɔ kon dimul ndu aa: «Nɔm Yuifinɔɔ a piɛi ya mɛnndan le kolɔɔ, ya Samarinɔɔ?» Kani Yuifia nɔ mako a Samaria le.

Esai 49:10

Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.

Esai 30:25

O paale diuvaa n'vanndacieele bɛndulen coo, paale cɛila coocoola vilɛilan la koombiaanin-nden, peelan la vanin a mɛnndan taw o pembun bɛndon a o pembun pɔmbɔn coo.

O Kandɔɔ 24:45

I cii bɛɛ piɛilen te, mí ca dɔ́ɔ́ Rebeka hunɔɔ a bonyei o congú. Mó hun toal o soon kólaa, mó kɔandu mɛnndan. Mɛɛ o fula, mí dimul ndu aa: ‹Ke ya mɛnndan mì kol, yandi.›