O Kandɔɔ 24:15 - BII BILA

¹⁵ O cii bɛɛ piɛilen tosa le, mí Rebeka hun a bonyei o congú. Cua Betuɛl-lo Rebeka kon va ni, cua imama Milka nda Nahɔr-o pɛɛn. Nahɔr kon va pɔmbɔɔ Abraham ni.

O Kandɔɔ 24:15 Referans Kwoze

O Kandɔɔ 11:29

Mí Abram yil lanɔɔ, diolan Sarai. Mí Nahɔr bɛɛ yil lanɔɔ, diolan Milka, cua Haran-ndo o va ni. Haran kon koni velu vɛlɛ Yiska ni.

Esai 65:24

O kon, telen pá mì nda piɛi ya, mì ya sina pɔɔ piɛile len.

O Kandɔɔ 24:45

I cii bɛɛ piɛilen te, mí ca dɔ́ɔ́ Rebeka hunɔɔ a bonyei o congú. Mó hun toal o soon kólaa, mó kɔandu mɛnndan. Mɛɛ o fula, mí dimul ndu aa: ‹Ke ya mɛnndan mì kol, yandi.›

Esai 58:9

O kon, telen niaa veelunin-ndo, ya Mɛlɛka mululnin niaa. Te la hun yonda pɛ, i diminin aa: «Yoo! I co nanu!» Te la pɛngi pɛ vannda volɔɔla lusulaalan handɔɔ o lebol, te la mal pɛ dɛnnda kɔngɔlanndan, a tombola tɛɛmbuu vana kɔllo-o,

Condii lisai 65:2

Biiloo co le nɔm Hala co Siɔn-ndo. N peelunin ciɛ́ɔn naa n cua o nɔm ndo-on,

Condii lisai 34:15

Kpakpala dɛnɛ vɔɔndo, ma tosa dɛnɛ kɛndɔɔ, nuwviaa kɔlɲuloo, ma kela ndu kɔɔli.

Fulaa 2:16

Vana-solia-lasálàá pum va o lɛŋnde Madian-nden nin, ndóò nɔ cuavaa laandua nda ŋɔmmɛw. Mí cuavaa ndɔa kan hun mɛnndan kɔndɔɔ lon le ɲɛla cɔlua kol nin-ndan peiyo le cɔlua fuɲa nda-a koesio.

Ruti 2:17

Mí Ruti niinu yasala lan cɔwviaa o Boas lo panga háá icɔllo. Mó soonda yasala o cɔwviaa lan, mó sɔla ɔrse bɔlɔ bɛndoo ca.

Ruti 2:2

Paale pilɛ, mí Ruti Moabunɔ dimul Noemi aa: «I yeema mì kɔɛ kela yasalan o ciɛɔn nin vanaa koavaa kɔɔli. Nɛɛ nda cɛl-la pɛ, i cɔwviaa lon.» Mì Noemi mulul ndu aa: «O naŋ, kɔ cuanndo.»

O Kandɔɔ 29:9

Tuma nda va suukan kon-ndo kínɛí, mí Rasɛl hun a cɔlua fuɲa ndɔ-a: saa a cuinnda. Kani ndu Rasɛl bɛɛ, vana mandaa n'cɔloo o va ni.

O Kandɔɔ 24:24

Mí cuaambɔɔ mulul ndu aa: «Betuɛl co fuɲa nuu ni, po Milka vilul Nahɔr-o pɛɛn.»

O Kandɔɔ 11:27

Diola vanaa fula o polale Tera len nin-nda la co lan ni, Tera yɔŋnun kon fuɲaa Abram, Nahɔr a Haran-ndo pɛɛn: mí Haran vialu Lɔt.

Talelan 31:27

O nɔ hɔlten o ɲɛ-ɲɛ co tosanndo o ndu lo cɛinin coo. O cɛl le calle mò kafala balan te.

O Kandɔɔ 21:14

Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

O Kandɔɔ 24:14

O kɛ́-kɛ̀ ya dimul pɛ aa: ‹Yandi nengul-la bonyii nɔmnde mì kol›, mò mulul-la aa: ‹Kol mì koesi vɛlɛ ɲɔɔmɛaa nɔmnda›, mɛɛ ndu n kɛsi le siŋnɔnndo lanɔɔ vana nɔm baalaa Isaak ni. O kon, i sina dɔ́ɔ́ maa a lo o diomnden coo a vana ni bɛndoo».

O Kandɔɔ 25:20

Isaak ndóò nɔ vɔsilan belehiɔɔlu, mó yil Rebeka o nɔ̀u. Cua Betuɛl Aramiinɔ fula Padan-Aram-ndo a yemaa Laban Aramiinɔ Rebeka kon va ni.

1Samiɛl 9:11

Mɛɛ nda va kɔlan, má bɔŋan nda felengia laandua pum, a va kɔlan mɛnndan kɔndɔɔ. Má ɲuna nda aa: «Vɛ̀ɛ̀ vana sina hoo sɔɔn viannanndon-ndo co pá ciee?»

O Kandɔɔ 29:5

O kon, mó ɲuna nda aa: «La sina pá Laban, po imama Nahɔr-o?» Má muli aa: «Oi, n sina ndu.»