O Kandɔɔ 24:14 - BII BILA

¹⁴ O kɛ́-kɛ̀ ya dimul pɛ aa: ‹Yandi nengul-la bonyii nɔmnde mì kol›, mò mulul-la aa: ‹Kol mì koesi vɛlɛ ɲɔɔmɛaa nɔmnda›, mɛɛ ndu n kɛsi le siŋnɔnndo lanɔɔ vana nɔm baalaa Isaak ni. O kon, i sina dɔ́ɔ́ maa a lo o diomnden coo a vana ni bɛndoo».

O Kandɔɔ 24:14 Referans Kwoze

Masaa kialaa n'yamaa 6:37

mɛɛ i co lakɔ pulii kola yiiŋii saa pɛngɛla o kpele lɔaa n'mallo coo, te kɛmndan ma cɛɛluu pɛ lecoo kínɛí, mì fonda tɔ̀u lo o vesɛi sɛ́ɛ́n, mɛɛ i sina dɔ́ɔ́ maa lekɛ́ndɛi ya n siminin laci le Israɛlla baŋaa mɛɛ n dimi yɛ ni.»

Masaa kialaa n'yamaa 6:17

Mí Sedeɔn muli aa: «Taa cɛl pɛ, tuinun ya iɲíí ma cɔm ya tɔɔmaseloo pum, le sinaa maa nɔm lekɛ́ndɛi co sɔɛi o ya lo ni.

O Kandɔɔ 15:8

Mí Abram ɲuna ndu aa: «Maalii Hala, vɛ̀ɛ̀ ya sina yɛnin pɛɛngu maa lɛŋnden nden le vanin ɲɛ ni?»

Esai 7:11

«Ɲuna Mɛlɛka Hala nɔmndo mo cɔm nɔm dɛnɛ tɔɔmaseloo pum le nɔm pila, ɲuna ndu mò cɔm nɔm ndu, o va o lɛŋnden bɛngu di-di ni, o va o halataala coocoo pɔ́-pɔ́ ni.»

Talelan 19:14

Vana tiwba mà loo cɛiyo a ɲɛm kɛndɔn kɛ́ɔ fulaa fuɲaa-mamaa o ba. Kɛ lanɔ taasio ndu, Mɛlɛka ke vana ndu ni.

2Samiɛl 5:24

Tuma n tuɛinin bɛngulan diom o yúii ken coo-o, a keleŋa cɔnɔn cɔ́-cɔ́. Kani ya Mɛlɛka vanin nɔm fulaa laci lende le vanaa cɔvaa Filistia tolɔɔ coo ni.»

Masaa kialaa n'yamaa 18:5

O kon má dimul ndu aa: «Ɲunal-lɔ naa Hala, le sinaa te kela naa ho yelelalnin naa.»

Rɔmnda 1:10

o piɛile nilen nin. I co lambanndo ɲunaa le niaa kɔlan yilɔɔ, te Hala cɛl pɛ.

2Samiɛl 20:9

Mí Yoab ɲuna Amasa aa: «Puapilɛ nuu, vɛ̀ɛ̀ a co kɛndɛ?» Mó bii ndu siaiye a ba ndɔ kɛndɔɔ le ndu kɔmanndo.

1Samiɛl 20:7

Te o dimi pɛ aa: ‹O naŋ›, mɛɛ i peŋ, ya buɛi nɔmndo. Kɛ te o tuulu pɛ kɔl, mɛɛ sina niko pɛɛngu maa o cii tùú le ya diyɔɔ.

O Kandɔɔ 24:44

mò dimul-la aa: «Kol mì kɔndu vɛlɛ le ɲɔɔmɛaa nɔmnda koesio-o», mɛɛ ndu vanin lanɔ n tuu le po vana ni bɛndoo-o ni.›

O Kandɔɔ 24:13

I co va isisi o soon kólaa ho ikɛi, mì cuavaa laandua vannda ha ciee nanu a hin le mɛnndan kɔndɔɔ.

O Kandɔɔ 24:15

O cii bɛɛ piɛilen tosa le, mí Rebeka hun a bonyei o congú. Cua Betuɛl-lo Rebeka kon va ni, cua imama Milka nda Nahɔr-o pɛɛn. Nahɔr kon va pɔmbɔɔ Abraham ni.

O Kandɔɔ 24:18

Mí cuaambɔɔ mulul ndu aa: «Bii mà kol, vana ni bɛndoo.» Mó tuisi bonyii va ndu ken o congú-e a kiltan, mó bii ndi o ba, mó ke ndu, mó kol.

O Kandɔɔ 24:19

Mɛɛ langbanɔ kon cii kolɔɔ, mí cuaambɔɔ dimul ndu aa: «Mɛi-yɔ mì kɔndu mɛnndan, mì koesi vɛlɛ ɲɔɔmɛaa nɔmnda háá ma pim.»

O Kandɔɔ 24:43

I co va isisi o soon kólaa ikɛi, cuaambɔ laandu co hunɔɔ mɛnndan kɔndɔɔ, mì piɛi ndu mɛmma co o bonyii ndɔɛi nin-ndan ɲɛ-pɔmbɔ le kolɔɔ,