O Kandɔɔ 24:12 - BII BILA

¹² Mó dimi aa: «Mɛlɛka, Hala Abraham vana ni bɛndoo, tosa mì saalun vanalanɔ sɔvɛɔ. Lo o diomnde nɔmnden coo lende a vana ni bɛndoo Abraham.

O Kandɔɔ 24:12 Referans Kwoze

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

2Masaa 2:14

Mó bii doma kon, mó lɔaa mɛnndan a ndu, mó deŋi aa: «Kuɛɛ nɛ Mɛlɛka, Hala Elii-o co yɛ? Kuɛɛ nɛ o co yɛ kpeekpei?» Lende ndu bɛɛ lɔɔ mɛnndan ni, mí ma sɛyan tɛɛn o ba kɛndɔɔ a o ba mɛllo coo, mó taŋ.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 24:48

O kon, mí baŋ vulan, mí yil Mɛlɛka nuvalio, Hala vana ni bɛndoo Abraham pɛɛn. Mí mel ndu balika le simnda o sim ya laci mó cɔm ya cua imama puapilɛ Abraham vana ni bɛndoo-o lan, haliko mo siŋnun lanɔɔ po ndɔɔ, mì yoo ndu ndu.

O Kandɔɔ 24:42

Nduyɛ, mɛɛ ya tiiya hau o soon kólaa, mí piɛi Mɛlɛka aa: ‹Mɛlɛka, Hala vana ni bɛndoo Abraham, tosa mì sɔɛi ya hin hee toosiaa-e bɛnda ya o ba.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Matie 22:32

‹Ya co Hala Abraham-ndo ni, Hala Isaak-o a Hala Yakɔb-o›? Hala co Hala n'vanvílɛ́i le, kɛ Hala vanaa yoomaa o co ni.»

Talelan 3:6

Kindin le hɛnan Mɛlɛka-o sinaa o dɛnnda n co tosaa lan kpede nin, ndu siɛɛnduunin nɛila nɔmndan ni.

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Condii lisai 122:6

La piɛi, mì Yerusalɛm sɔla kɔlɲuloo. Màá vanaa kaola Yerusalɛm-nda vannun nila ɲulu!

Condii lisai 118:25

Éé Mɛlɛka! Vana ciindiaa naa! Cɛl mì n sɔla dɛnɛ kɛndɔɔ.

Condii lisai 37:5

Mal dɛnnda nɔmndan Mɛlɛka o ba, ma laalan ndu, o tosanin.

Nehemi 2:4

O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

1Masaa 18:36

Telen solia lasálàá tiiyaa, mí Elii vana-tɛɛngaa-diom Hala-o sɔɔnguu, mó piɛi aa: «Mɛlɛka, Hala Abraham-ndo, Hala Isaak-o a Hala Yakɔb-o! I yeema mì vannda sina hau maa nɔm kpeekpei co Hala o lɛŋnde Israɛl-ten nin ni, maa vana nɔm baalaa ya co ni, maa nɔm cɛl vɛlɛ ni mí tosa dɛnndan ndan kpow.

O Kandɔɔ 43:14

Màá Hala Vana-Kpaayaa-Kpow tosa mì langbanɔ kon ce niaa ɲia telen niaa tiiyanin o ndu lo-o! Màá o mingul niaa Simeɔn mò mal vɛlɛ niaa hunɔɔ a Bɛnyamɛn! Le ya yɛ, te o va pɛ maa hiɔlɔnndo koni cuawva ha hɛlun ya nuaa ni, mɛɛ o va lende.»

O Kandɔɔ 32:9

Kani nuaa o va dimio o kɔl nin ni aa: «Te Esau del pɛ kundaa pilɛ coo mò nɔla ndu, kundaa pilɔɔ ɲaanun.»

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 27:20

Mí Isaak ɲuna ndu aa: «Vɛɛ n looku yɛ dɔ́ɔ́ hau visio diyɔɔ nuaa cɔ́-cɔ́?» Mí Yakɔb muli aa: «Mɛlɛka, Hala nɔmndo soli ndu ya o hɔl nuaa ni.»

O Kandɔɔ 27:10

I cii pɛ toosiaa, a cua a yoo ndu mun, haliko mo de, mò dɔw nɔm duaa telen pá o vu.»

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 24:21

Mí buɛi Abraham-ndo va Rebeka mɛɛndanndo, o dimul ndu ɲɛ-ɲɛ le. Kani o va tofaa le sinaa te Mɛlɛka yeeliaa kela ndɔɔ, te kon te, te o yeeliaa ndu le.

O Kandɔɔ 32:10

O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.