O Kandɔɔ 24:10 - BII BILA

¹⁰ Mó cua ɲɔɔmɛaa Abraham-nda tɔ́ a ɲɛm kɛndɛ-kɛndɔn taw. Mó can, mó bii nɛiyo le kɔlan o ciee Nahɔr-o nin o lɛŋnde Mesopotamii len nin.

Gade chapit la Kopi

« Previous

tounen moute ⬆

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

Gade chapit la

Mí Tera cua Abram po ndɔ, a Lɔt po ndɔ mama, po Haran-ndo pɛɛn, mó cua vɛlɛ Sarai lanɔɔ Abram po ndɔ, mó faŋan Ur o lɛŋnde Babilonii len nin, mó kɔa a nda o lɛŋnde Kanaan-nden nin. Mɛɛ nda tiiya Haran ciee, má cal lon.

Gade chapit la

Dɛnnda kiilaa 2:9

Nduyɛ, Partea, Mɛdea a Elamnda a co naa tɛɛn. Vanaa pum a fula Mesopotami, Yuda, Kapadɔse, Pɔn, a o lɛŋnde Asii len nin,

Gade chapit la

1Dɛnnda lemasalan 19:6

O dɛnɛ kon nin, mí Amɔnnda sina maa a tɛɛmbuu David kɔllo. Le hee, mí Hanun nda Amɔnnda piandu ɲɛla ɲaanannda soa nan-ndan, vanaa ɲaanun o soa coo-a, Aramiia Mesopotamii a Aramiia Maaka a haa Soba o ba, a volion kilolan vaalan beleyaa.

Gade chapit la

O Kandɔɔ 29:1

Mí Yakɔb faŋan nɛɛ o lɔ́l-la, mó bii nɛiyo le kɔlan o lɛŋii co a ba paalen le can-nde-e nin.

Gade chapit la

O Kandɔɔ 27:43

Lelan, yaŋ ya nilan mà tosa mɛɛ ya co nɔm dimul-lɛ. Faŋan nanu few-few, mà kɔɛnnun Haran o Laban bom nɔm ndo.

Gade chapit la

O Kandɔɔ 24:2

Paale pilɛ, mó dimul buɛi ndɔ viow nin ndu o ba taw-vo, ó va hɔlten o ɲɛm ndɔn sɔlan kpow coo-o aa: «Luéi ba nɔmndo o lɔlu nuu bɛngu,

Gade chapit la

O Kandɔɔ 11:29

Mí Abram yil lanɔɔ, diolan Sarai. Mí Nahɔr bɛɛ yil lanɔɔ, diolan Milka, cua Haran-ndo o va ni. Haran kon koni velu vɛlɛ Yiska ni.

Gade chapit la

O Kandɔɔ 11:32

Tera ciiyo vɔsilan kɛmɛ lediin a laŋuɛɛnu, mó vu Haran ciee lon.

Gade chapit la

O Kandɔɔ 24:22

Mɛɛ ɲɔɔmɛɛa cii kolɔɔ, mó cua kelɛi n'sianiei, ì va le kalamulan laŋɔmpum, mó cua vɛlɛ kelan laban nda cɔw a sianion-ndon mún miun, ipilɛ ndíì hiow lusoo le kalamulan kɛmɛ, mó yɔngu Rebeka.

Gade chapit la

O Kandɔɔ 24:53

Mó soli ɲɛm nda cɔw a volin humbon-ndon, ɲɛm nda cɔw a sianion-ndon a volɔɔla cuɛinanndan, mó yɔngu Rebeka. Mó yɔngu Laban yema ndɔ a kala ndɔ ɲɛm kɛndɔn taw.

Gade chapit la

O Kandɔɔ 29:2

Paale pilɛ, mó saalun soon kólaa yondoo nin. O soon kólaa kon vannda ndáà hun cɔlua ndaa koesio ni. Saa a cuinnda kundalan layàá a va ihini o soon kólaa kon ikɛi. A pow yɛ́ndɛ́ bɛndoo pum ndáà kinda soon kalaa ni.

Gade chapit la