O Kandɔɔ 23:6 - BII BILA

⁶ «Yaŋ-ndɔ nilan, vana bɛndoo. Naa naa n co nɔm cɔu naa tɛɛn maa cua lemasa Hala-o. Lelan, o sɛila naalan nin, sɛi oo sɛi n ce pɛ mò hɛnan nɔm, a kumbu laa nɔm lenin. Vana-vana kuunanin nɔm laa nɔm kumbɔɔ o sɛi ndɔɔ nin te.»

O Kandɔɔ 23:6 Referans Kwoze

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 14:14

Mɛɛ Abram tuei maa a bii po pɔmbɔ ndɔ-o má kɔannun a ndu, mó bɛɛndiaa vanaa cɔvaa velun o ndu lo cɛinin-nda kɛmɛ leyáá a tɔ́ a à ŋɔmaa. Mó diam masaa bii Lɔt-a háá Dan.

Esai 45:14

Mɛlɛka dimi aa: «Ɲɛ-sɔlaa Esipte, tɔnɔɔ Etiopii a bolofaa vannda Saba, a bandu kan taw-va o hiawnin nɔm o ba, mò siŋnun ɲɛ nɔm kɛsɛ-kɛsɛ. Vanaa kan kɔanin nɔm kɔɔli, a kɔanin a yiyaa o yɔlɔn, a baŋnin vulan nɔm o labɛngunin ma dimul nɔm a tɛɛlɔnndo aa: «Nɔm ikɛi kínɛí vana saalun Hala ni, nduyɛ, Hala celen co o ndu kɔɔli le.»

Fulaa 32:22

Mí Aarɔn mulul ndu aa: «Tuulu kɔl te vana ni bɛndoo. Nɔm pila sina maa yiyan tosaa dɛnɛ vɔɔndo tuŋ co vannda ha nin ni.

O Kandɔɔ 44:8

Tuma naa n cɛn Kanaan le muungoo nanu-o, mí n cuu nɔm volin naa n kɔ saalun o bɔlɔla naalan nin-ndon. Yɛɛ viam yɛnin naa vɛlɛ mì n ciimbuu volion, te kon te sianion o vana nɔm bɛndoo lo cɛinin?

O Kandɔɔ 44:5

Le yɛɛ niaa ciimbuu yɛ taala kólaa vana ni bɛndoo kol nin-ndo? A taala kólaa kon koni o dimi vɛlɛ sɔɔn yɔŋnunnin laci-on ni. La tosa kɔlvesɛi bɛndu!›»

O Kandɔɔ 42:10

Mí bɛndaa ndɔa muli aa: «O co vanaa vaa lende le naa n co le, vana bɛndoo. Le baloo piondɔɔ kínɛí naa buɛyaa nɔmnda n hin ni.

O Kandɔɔ 32:18

O kon kɔɔli, mó sila buɛi ndɔ tasoo aa: «Te la bɔŋan pɛ niaa Esau bɛ ni mò ɲuna nɔm aa: ‹Nɛ̀ɛ́-nɛ̀ co yɛ vana nɔm bɛndoo? Kuɛɛ n co yɛ kɔlan? Nɛ̀ɛ́ nɔ yɛ cɔlua co nɔm haa laci-a?›.

O Kandɔɔ 31:35

Mí Rasɛl dimul fuɲa ndɔ aa: «Vana ni bɛndoo, te i cen nɔm o hɔl mì sim te, tambu kɔl te, kani o paangei nin ya co ni.» Mó cɔɔlu vɛlɛ yaasiaa, kɛ o seelun nda le.

O Kandɔɔ 24:18

Mí cuaambɔɔ mulul ndu aa: «Bii mà kol, vana ni bɛndoo.» Mó tuisi bonyii va ndu ken o congú-e a kiltan, mó bii ndi o ba, mó ke ndu, mó kol.

O Kandɔɔ 21:22

O telen pilɛ kon bɛngu, mí Abimelɛk cua Pikɔl, bolle vanaa ndɔa cɔwva, má kɔa o Abraham ndo, mó dimul ndu aa: «Hala co nɔm ikɛi o dɛnnda n co tosaa lan kpow nin.

O Kandɔɔ 18:12

Le hee, mí Sara mam o kɔl ndɔɔ nin, mó dimi aa: «Yee a yuuvɛi naa n yuuva nin hee naa pɔnɔ nuu kudɛɛ-kudɛɛ-e naa n can vɛlɛ fafala kon ni?»

O Kandɔɔ 13:2

Vana bolofaa bɛndoo pila Abram va ni, ndóò nɔ cɔlua, volion a sianion taw.

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»

O Kandɔɔ 20:7

Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

O Kandɔɔ 23:5

Mí Hitiaa kan a mulul ndu aa:

O Kandɔɔ 23:7

Mí Abraham can, mó baŋ vulan Hitiaa va lon-nda o labɛngunin,