O Kandɔɔ 23:4 - BII BILA

⁴ «I co icali niaa tɛɛn, kɛ miallo ya co o lɛŋnde niaalen nin ni. Lelan, a yandi, la pisi ya fonda kumbaa n'vanvílɛ́iyo o ba, mì kumbu laa ni vi-o.»

O Kandɔɔ 23:4 Referans Kwoze

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

1Dɛnnda lemasalan 29:15

Mɛɛ fuɲaa naa mamaa kpow a yɔŋnun yɛ, naa bɛɛ mialla a vanaa hiavannda naa n co nɔm o hɔl ni. Maa levundu palɛi nɛi i co o lɛŋnden coo ni, n nɔ tiindan kɛ́-kɛ̀ le.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Condii lisai 119:19

Miallo ya co o lɛŋnden coo ni, vin ya tɔŋnda nɔmndan te.

Dɛnnda kiilaa 7:5

Hala ke ndu lɛŋnde len mì le va ɲɛ ndɔ le, hali nɛɛ kɛsiaa ipelu bɛɛ o ke ndu le. Kɛ mó dimul ndu maa o hun kenin ndu lɛŋnde len kɛ́ɔ, ndu a cuavaa ndɔa imamaa. Nduyɛ o telen kon, Abraham ndóò nɔ vɔ hɔ́ɔ́ le.

Condii lisai 39:12

Le vanacieo mingio o nɛi n bandìla ndu ni, ma tuisi ndu sangaa coo le tɛɛmbuula ndɔlan, ma siɔŋi ɲɛ o kɛsi kɔllo coo-o mɛɛ kaangoa sɔam ɲɔɔ nuaa yɛ. Hoeiye daama vanacieo co ni.

Tɔŋ lasálàá 25:23

«Lɛŋnden le bɛnda mi le pisin few-few le, kani Mɛlɛka ya nɔ lɛŋnden ni. Niaa co macoaa maa mialla a vanaa hiawnannda o lɛŋnde nilen nin.

O Kandɔɔ 49:30

Buulula co lan Mak-pela lan pɛɛn, Mamre o hɔl-ndɔ, o lɛŋnde Kanaan-nden nin. Buulula Abraham pendu a yondo kon latulu Efrɔn Hitiinɔ o ba le vanvílɛ́iya kumbɔɔ lenin-ndan.

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Vana Kɔlkaloo 12:5

Siòònde biinin vannda le helɔɔ o fondala yesalan coo, mà buulan le balɔɔ o nɛilan coo. Yiinde muungunin nda o lebol ihumbu mɛɛ yɔmndo yandu peengela humbulan nuaa yɛ. Diallon lusulnin vannda mɛɛ sóónɔɔ lusulun mò del nuaa yɛ. Mɛɛ kullon deli o yɔmndo nuaa yɛ, lende ceendo hiawnin ni. Paale len, vana-vana kɔanin ciee-piɔ́m, calta ndɔla mɛɛlaalan la co lan ni. Vanaa caŋaa vanin pɔɔ hiiliaa o nɛilan coo.

Vana Kɔlkaloo 6:3

Mì vana pum velu cuawva kɛmɛ, mò viow yoomu vɔsilan taw-taw, kɛ mɛ̀ɛ́-mɛ̀ɛ́ o palɛi ndɔɛi bandu bɛɛ, te o ve o dɛnɛ kɛndɛ nin te, te sɔla bɛɛ kumbɔɔ kɛndɛ le, tɔnɔ yɛɛ co yɛ o kon nin? I ce maa hɔ́ɔ́ velun o vilɛiyo-o co fisa a vana kon.

SƐBƐ YƆB-O 30:23

I sina maa ciee-piɔ́m n co ya yɔ̀ɔ́ ni, nɛɛ ɲaa yoomaa kpede kɔa bɔɔŋianndo-a pɛɛn.

O Kandɔɔ 50:13

Má kɔa a ndu o lɛŋnde Kanaan-nden nin, má kɔ kumbu ndu o buululan nin Mak-pela, buulula Abraham muulian piondɔɔ a lɛŋnden latulu Efrɔn Hitiinɔ o ba le vanvílɛ́iya kumbɔɔ lan pɛɛn, la va Mamre o hɔl-ndɔ lan.

O Kandɔɔ 47:9

Mí Yakɔb muli aa: «Vɔsila ya tosa o kelaa nin-ndan la co kɛmɛ a beleyaa. Palɛi ya tosa o ceendo coo-e co ibɔɔ le, palɛi dɛnɛ palɛi i yɔŋnun ni. I suilinin vɔsilan mɛɛ fuɲa nuu a fuɲa ni mamaa a cii lan o kelaa nin yɛ le.»

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Dɛnnda kiilaa 7:16

Má muungu a dialun ndan Sikɛm, má kɔ kumbu mun o sɛi Abraham ndóò pendu poaa Hamɔr-a o ba, Sikɛm lon-ndo nin.

O Kandɔɔ 23:5

Mí Hitiaa kan a mulul ndu aa:

Fulaa 2:22

Mí Sefora kon vialu hɔ́ɔ́ piaandoo, mí Moise ke ndu diolan aa Kɛrsɔm (kon co dimio ni aa «Miallo»). Kani mó dimi aa: «Vana viannanndo ya co o lɛŋnde isumialten nin ni.»