O Kandɔɔ 23:2 - BII BILA

² mó vu Kiriat-Arba, Hebrɔn pɛɛn, o lɛŋnde Kanaan-nden nin. Mí Abraham pɔnɔ ndɔ hun tosa biisi ndɔɔ, mó caŋ ndu taw.

O Kandɔɔ 23:2 Referans Kwoze

O Kandɔɔ 23:19

Le hee, mí Abraham kumbu Sara laa ndɔ o buulula lan nin Mak-pela lon, Mamre ikɛi, Hebrɔn pɛɛn, o lɛŋnde Kanaan-nden nin.

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

1Dɛnnda lemasalan 6:57

O lɛŋnde polale Isakar len léè sɔla len nin, má ke nda Kedɛs, Dobrat,

Masaa kialaa n'yamaa 1:10

Má kɔ del vɛlɛ Kanaŋaa va icali Hebrɔn-nda coo, kobi ndáà veelu kon paandu aa Kiriat-Arba-o pɛɛn, má nɔla yungula Sesai lan, yungula Ahiman-ndan a yungula Talmai lan.

Dɛnnda kiilaa 8:2

Mí vanaa vo Hala-a kumbu Etiɛn, má caŋ ndu taw.

Nsaŋ 11:35

Mí Yeesu caŋ.

Nsaŋ 11:31

Yuifia va cɛinin Mari ikɛi má va ndu ɲɔɔloo-a cɔu Mari cɔnɔnndo ɲaali le fulaa, má del ndu kɔɔli, a va yiyanndo maa o sɛiyo coo o co kɔlan caŋndo ni.

Yeremi 22:18

Sɔɛi Mɛlɛka dimi a Yehoyakim po Yosia va masaa Yuda-o o kɔɔ-e co hee ni aa: «Lɔ́ɔ́ o vunin-ndo, vana ceŋnin caŋ biisi le. Vana diminin aa: ‹Taanin puapilɛ nuu te kon te, taanin yeman-ndo› le. Vana ceŋnin ndu coo aa: ‹Taanin vana ni bɛndoo te kon te, taanin masa nuu› le.

Yeremi 22:10

Niaa vannda Yuda, la caŋ vana vi-o le, masaa Yosia pɛɛn, mɔnɛi bii niaa le ndu le. Kɛ la caŋ taw le vana co kɔnndan-ndo, masaa Salum pɛɛn! Kani o muungu lɛnin te, o ci lɛnin lɛŋnde ndɔle o velun nin-nden te.

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

2Samiɛl 5:5

O tosa masalen vɔsilan tan ŋɔmmɛw a tálá o polale Yuda len coo Hebrɔn, mó tosa vɛlɛ masalen Yerusalɛm vɔsilan beleyaa a layàá Israɛlla kpow coo a o polale Yuda len coo.

2Samiɛl 5:3

O kon mí kaasoŋaa kɔlkalua Israɛl kpow a kɔa Hebrɔn nɛɛ masaa David va-a, mí David yii kpemaa a nda Mɛlɛka o hɔl Hebrɔn ndon. O kon kɔɔli, má pɔla David, mó siŋnun masa Israɛlla.

2Samiɛl 2:11

Mí David tosa masalen vɔsilan tan ŋɔmmɛw o polale Yuda len coo, Hebrɔn o va icali telen kon ni.

2Samiɛl 1:17

Mí David soli condii biisiei he Saul nda Yonatan po ndɔ coo.

2Samiɛl 1:12

Má caŋ, má somisomin, má bii sumndo háá icɔllo le piɔ́m Saul nda Yonatan-ndo a le vanaa Mɛlɛka-a vi o mɔɔn cɔwvon bɛngu-a kpow, Israɛlla pɛɛn.

1Samiɛl 28:3

Lɔ́ɔ́ Samiɛl vi-o, mí Israɛlla kpow a tosa biisi ndɔɔ, má kumbu ndu Rama o kobi ndɔɔ nin. O kon kɔɔli, mí Saul kɛɛ vanaa soolaa n'vanvílɛ́iya a vanaa viamaa yavaa o masale ndɔlen nin.

1Samiɛl 20:31

Kɛ nduyɛ, te po Yisai-yo ho co vɔ pɛ yoomu o lɛŋnden nden coo, nɔm a siŋnunnin vanapɔnɔ lɔ́ɔ́-lɔ́ɔ̀ le, hali masale nɔmnden bɛɛ le venin lemasa le. Lelan viom vannda mà kɔ bii ndu, mà cuu ya ndu nanu, kani o bɛnda mò vi.»

Yosue 20:7

Le hee, mí Israɛlla hɛli kobio Kedɛs o tàndá Kalile-o nin, o lɛŋnde n'pembule polale Nɛftali len le sɔla len nin, má hɛli vɛlɛ kobio Sikɛm, o tàndá n'pembu Efraim-ndo nin a kobio Kiriat-Arba (o ndáà veelu vɛlɛ aa Hebrɔn-ndo), o co o tàndá n'pemboo Yuda nin-ndo.

Yosue 10:39

Má bii ndu a masa ndɔɔ, má bii kobila pɔmbɔlaa balu ndu lan, má diw vanaa va lenin-nda kpow. Vanndo ndu pilɛ bɛɛ a mɛi yoomu le. Mí Yosue tosa a kobio Debir a á masa ndɔɔ mɛɛ o tosa a kobio Hebrɔn yɛ, a mɛɛ o tosa a kobio Libna á masa ndɔɔ yɛ.

Tɔŋ miingua 34:8

Mí Israɛlla caŋ ndu o palɛi beleyaa bɛngu o dɛɛlala vesɛilan Moab nin. O kon kɔɔli, mí biisi Moise-o cuu.

Kundalan 20:29

Mí sɛ́lɔ́ɔ́ kpow ca maa Aarɔn vi. O kon, mí Israɛlla kpow a tosa biisi ndɔɔ o palɛi beleyaa bɛngu.

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

O Kandɔɔ 50:10

Mɛɛ nda tiiya o kpele lɔaa n'mallo Atad nin, ó co o peo Yurdɛn leeloo-o, má tosa dɛnɛ biisio lon, mí tɔ́ɔ́ tiw sɔ́. Mí Yosɛf va o mɔnɛi biisi fuɲa ndɔɛi nin ndon o palɛi ndii ŋɔmmɛw bɛngu.

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

O Kandɔɔ 23:1

Mɛɛ Sara cii vɔsilan kɛmɛ a bidiin a laŋɔmmɛw,

O Kandɔɔ 24:67

Mɛɛ o cii, mí Isaak cua Rebeka, mó kɔa a ndu o cɛi-kola-toandaa Sara kala ndɔ-o nin. Mí nɔu luɛi nda tɛɛn, mó kaola ndu taw. Sɔɛi ken yɔŋ ni mí Isaak sɔla ɲɔɔloo le vu kala ndɔ vi-o.

O Kandɔɔ 35:27

Mí Yakɔb muungu Isaak fuɲa ndɔ ikɛi Mamre, Kiriat-Arba ciee, ciee kon nɔ hau diolan ni aa Hebrɔn, lon Abraham nda Isaak kei calle ni.

O Kandɔɔ 37:14

Mí Israɛl fuɲa ndɔ dimul ndu aa: «Kɔ mà kɔ tofa mɛɛ bɛndaa nɔmnda co lon yɛ, mà mɛɛndan vɛlɛ mɛɛ cɔlua co yɛ. A cii pɛ, a muungu nanu, a hun downun ya kona.» O kon, mí Yosɛf can nɛɛ nda va o dɛɛlaa Hebrɔn nin-nda, mó kɔ tiiya Sikɛm.

Yosue 15:13

Má ke Kalɛb, po Yefune-o yondoo o lɛŋnde polale Yuda len léè sɔla len nin mɛɛ Mɛlɛka ndóò dimul Yosue yɛ. Mí Kalɛb sɔla Kiriat-Arba, kobi fuɲaa Anak-o, o nda veelu sisa aa Hebrɔn-ndo pɛɛn.

Yosue 15:54

Humeta, Kiriat-Arba (o ndáà veelu vɛlɛ aa Hebrɔn-ndo) a Siɔr. Faw-faw, kobilan tan ŋɔmahiɔɔlu a cieon va lan o ba bɛngu-on.

Yosue 21:11

Má ke nda Kiriat-Arba (o nda veelu sisa aa Hebrɔn-ndo), a yondola balu ndu lan kpow. O tàndá n'pembu Yuda-o nin o va ni. Arba yɔŋnun fuɲa-mama Anak-o ni.

Nehemi 11:25

Yungula Yuda lan lapum la va lasɛŋianndan o cieon va yondolan nin-ndon nin, mun co mun ni: Kiriat-Arba a cieon balu ndu-on, Dibɔn a cieon balu ndu-on, Yekabseɛl a cieon balu ndu-on,

O Kandɔɔ 50:1

Mí Yosɛf del fuɲa ndɔ coo, mó kɔman ndu, mó koŋul kpélén.

1Samiɛl 25:1

A boondii ken, mí Samiɛl vu. Mí Israɛlla kpow a cuungian le biisi ndɔɔ tosaa, má kumbu ndu o ndu lo Rama. O kon kɔɔli, mí David can, mó tuusu o lɛŋnde veselɛilen Paran nin.