O Kandɔɔ 23:13 - BII BILA

¹³ mó dimul Efrɔn vanaa kan kpow o hɔl aa: «Taa cɛl pɛ, nɔm bɛɛ yaŋ-ndɔ nilan mì soo. Cɛl mì pendu lɛŋnden nden nɔm o ba a ɲɛ-sɔlaa. Cɛl mì yɔngu nɔm vɔngu ndɔɔ, mì kumbu vana vílɛ́i nuu lon.»

O Kandɔɔ 23:13 Referans Kwoze

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Rɔmnda 13:8

Kuee vana-vana va niaa le, fɔ kaolianndo vellaa-velle. Kani vana kaola pɛ caanda, mɛɛ ndu peelu tɔŋndo.

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

2Samiɛl 24:24

Kɛ mí masaa dimul Haarawna aa: «Ɛ-ɛ! Piondɔɔ ya yeema ni mì pendu ɲɛm mun nɔm o ba mɛɛ n nɔ báà yɛ. Kani i yeema mì solul Mɛlɛka Hala nuu sálàá a ɲɛm ya sɔla fondo-on te.» O kon, mí David yɔngu ndu volin latámán beleŋuɛɛnu le kpele lɔaa n'mal kon a navaa kan piondɔɔ.

O Kandɔɔ 23:12

Mí Abraham baŋ vulan pilacieaa kan o labɛngunin,

O Kandɔɔ 23:14

Mí Efrɔn mulul ndu aa:

O Kandɔɔ 33:19

Mó piandu lɛŋnden cuavaa-imamaa Hamɔr-a o ba volin latámán kɛmɛ, Hamɔr kon kelu Sikɛm ni. Lon Yakɔb simi cɛila-kolala-toandaala ndɔlan ni.