O Kandɔɔ 23:11 - BII BILA

¹¹ «Yaŋ-ndɔ nilan, vana bɛndoo. I yɔngu nɔm cɛi ken a buulula lan kpow, o co a vɔngu le. Vanaa nia naa n co haa sɔɛi mangalɛi pilɛi dimio mì n va súú pilɔɔ-a o hɔl ya ke nɔm yondo ni kon ni, nda co seiya ni. Kumbu vana vílɛ́i nɔmndo lon.»

O Kandɔɔ 23:11 Referans Kwoze

Luke 19:24

O kon, mó dimul vanaa va lon-nda aa: ‹La hiɔlu sianii ken ndu o ba, mì la yɔngu vana nɔ sianion tɔ́-o!›

Esai 32:8

Kɛ vana tɔ́ɔ́ kɛndɔɔ ndu, sɔɔn latɔ́ɔ́-tɔ́ɔ́n o tuu ni, o tuu vɛlɛ pɛ sɔɔn bɛndun vaa lende, o sim yili, le lou lecoo.

Ruti 4:11

Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

Ruti 4:9

O kon mí Boas dimul kaasoŋaa kɔlkalua a vanaa va lon-nda kpow aa: «Niaa kpow la co hau lesei mí baŋa Noemi ɲɛm fɔ̀nɔ̀ɔ́ Elimelɛk-on, ɲɛm Kilyon-ndon a ɲɛm Malɔn-ndon o ba,

Ruti 4:4

Lelan ya veelu nɔm ni, mì dimul nɔm, haliko ma baŋa ndu kaasoŋaa kɔlkalua cal haa-a a vanaa co nanu-a kpede o hɔl. Taa yeema pɛ le ndu baŋaa, mɛɛ baŋa ndu, taa co yɛ vɛlɛ baŋa le, a dimul-la, i sina. Kani vana-vana bɛnda mò baŋa ndu o nɔm kɔɔli le. Te nɔm faŋan dɔ́ɔ́ pɛ, mɛɛ ya ni.» Mí langbanɔ kon muli aa: «Bala tiɔn, ya co baŋa ni.»

Ruti 4:1

Mí Boas kɔa, mó kɔ cal o dio kobio sondoo. Fɔ́ɔ́fɔ̀, mí vana baŋaa ndu Boas ndóò dimul Ruti sɔɛi ndɔɛi-yo va hiovɔɔ o fonda kon. Mó veelu ndu aa: «Caan ni sei! Sɔɔnguu vɔ nanu mà cal.» Mí langbanɔɔ kɔa, mó cal.

Tɔŋ miingua 19:15

«Seile seiyo ndu pilɛ timbi len le tiw le vanndo yaalaa le tɛɛmbuu oo tɛɛmbuu, te kon te le haki oo haki le. Fɔ mi seiya a ŋiɔn, te kon te a yaa a timbi seilen malan yamɛi kialun.

Tɔŋ miingua 17:6

Kɛ fɔ mì seiya a ŋiɔn, te kon te a yaa a timbi fɔlɔn seilen maa lende o tosa ni, malan niaa dii ndu. Seile vana pilɛ le tiw le vanndo diyɔɔ le.

Kundalan 35:30

Te vanndo dii pɛ vanacieo, fɔ mì seiya taw a tɛnda fɔlɔn seilen malan vana dii kon vanacieo-vo sɔla piɔ́mndo. Seiyo ndu pilɛ bɛnda mò tɛnda seilen mì vana kelu yamɛi vana dii kon vanacieo-vo le ndu diyɔɔ le.

O Kandɔɔ 23:18

i siŋnun ɲinkon kɛ́ Abraham-ndo Hitiia a vanáà hin o fonda dimia nsɔɔ kobi kon-nda o hɔl.

O Kandɔɔ 23:6

«Yaŋ-ndɔ nilan, vana bɛndoo. Naa naa n co nɔm cɔu naa tɛɛn maa cua lemasa Hala-o. Lelan, o sɛila naalan nin, sɛi oo sɛi n ce pɛ mò hɛnan nɔm, a kumbu laa nɔm lenin. Vana-vana kuunanin nɔm laa nɔm kumbɔɔ o sɛi ndɔɔ nin te.»

O Kandɔɔ 23:12

Mí Abraham baŋ vulan pilacieaa kan o labɛngunin,