O Kandɔɔ 22:9 - BII BILA

⁹ Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

O Kandɔɔ 22:9 Referans Kwoze

Nsaki 2:21

Vɛ̀ɛ̀ o co le dɛnndan te fuɲa naa mamaa Abraham siŋnun vana sandaa, le tùú o soli Isaak po ndɔ sálàá o fonda-loamaa-lasálàá coo-o le?

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Dɛnnda kiilaa 8:32

Fonda o va dimio o Sɛbɛ Hala-o nin-ndo co hoo ni aa: «Mó yɔŋnun maa saa téndé nda co yɔɔ o fonda diyaa-o, maa saa laandu bobonɔ vanaa co ndu yiinde kilio-a o hɔl, kɛ bako bɛɛ o suu le.

Marke 15:1

Ɲɔɔ tengaa, mí bolii vanaa-solia-lasálàá tundu nda simlacia, vanaa pɛɛkaa latɔŋnda a vanaa bɛndua tɔ̀a kpow. Má viam vannda, má yii Yeesu, má kɔa a ndu, má kɔ mal ndu Pilate o ba.

Matie 27:2

Má yii ndu, má kɔa a ndu, má kɔ mal ndu Pilate masa ibungaa o ba.

Condii lisai 118:27

Mɛlɛka ndu pilɛ kpé co Hala ni, pangele ndɔɔ co naa diondɔɔ coo, la bayiaa visin lasálàn o fonda-loamaa-lasálàá.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

O Kandɔɔ 12:8

Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

O Kandɔɔ 22:8

Mí Abraham mulul ndu aa: «Po nuu, Hala pila nuwviaanin saa téndóó le sálà loamaa kon solio.» Má kɔa nɛɛ nda va kɔlan-nda nda ŋiɔn kpow.

O Kandɔɔ 22:10

Mó siɛndi baa, mó cua mɔɛi le po ndɔɔ bololan kiolɔɔ.

1Masaa 18:33

Mó toosiaa yɔmnde o fonda-loamaa-lasálàá coo, mó siaŋ naw tovaa, mó kɛsi ndu o yɔmii ken coo.