O Kandɔɔ 22:7 - BII BILA

⁷ Mí Isaak veelu Abraham fuɲa ndɔ aa: «Pua sei.» Mí Abraham cɛl aa: «Yoo, po nuu.» Mí Isaak ɲuna ndu aa: «I ce yinnden a yɔmnde. Kɛ ɔ́ɔ̀ saa téndé naa n co lakɔ sálàá soli-o?»

O Kandɔɔ 22:7 Referans Kwoze

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Nsaŋ 18:11

Mí Yeesu dimul Piɛr aa: «Mingi mɔɛi nɔmii cɔwve o boo ndɔɔ nin. Vɛ̀ɛ̀ ya kɛɛ yɛnin kolɔɔ o taala kólaa imɔnɔ Fuɲa nuu ke ya le kolɔɔ lenin-ndo nin?»

Matie 26:42

Mí Yeesu faŋan vɛlɛ faŋan diinndɔɔ, mó kɔ piɛi Hala aa: «Pua, te o nɔla tosan mì taala kólaa sangaa ho faŋan ya ikɛi le, maa fɔ mi i kol a ndu, maa hɛnan nɔmndo tosan!»

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Fulaa 12:3

La kɔ dimul Israɛlla maa te paangei he tiiya pɛ palɛi tɔ́, yungu oo yungu bii saa téndóó, te kon te cuin téndóó o pilɛ, cɛi oo cɛi bii vɛlɛ saa téndóó, te kon te cuin téndóó o pilɛ.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Nsaŋ 1:36

mó ca Yeesu hiovɔɔ, mó dimi aa: «Má cè Saa téndé Hala-o!»

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

O Kandɔɔ 22:8

Mí Abraham mulul ndu aa: «Po nuu, Hala pila nuwviaanin saa téndóó le sálà loamaa kon solio.» Má kɔa nɛɛ nda va kɔlan-nda nda ŋiɔn kpow.

Fulaa 29:38

«Ɲɛ n bɛnda vɛlɛ ma tosa o fonda-loamaa-lasálàá coo le fɛɛn a fɛɛn-ndo co hoo ni: lepalaa-lepala, a bɛnda mà soli sálàá a saa téndéa nɔ vɔsio pilɛ-a nda ŋiɔn o fonda-loamaa-lasálàá coo.