O Kandɔɔ 22:2 - BII BILA

² Mí Hala dimul ndu aa: «Cuá po nɔmndo, po nɔm pilɛ n kaola kon taw-taw-vo, Isaak pɛɛn, mà kɔɛ a ndu o lɛŋnde Moria len nin. La tiiya pɛ lon, a soli ndu sálà loamaa le ya o pembii ya cɔmnin nɔm-nde coo.»

O Kandɔɔ 22:2 Referans Kwoze

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

O Kandɔɔ 22:16

mó dimul ndu aa: «I mɛnan o diola nilan, ya Mɛlɛka co sɔɛi ni, kani á tuŋ ya po nɔm pilɔɔ le. Le tùú n tosa kon-ndo,

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

2Masaa 3:27

O kon, mó bii po ndɔ tase óò bɛnda le koma siŋnɔnndo masaa ndu kɔɔli-o, mó soli ndu sálà loamaa o kpaki kobio coo. Israɛlla cɔu ken, mí siòònde bii nda taw-taw, má puusiaa dɔ́ɔ́ngɔ́ ndaa, má muungu o lɛŋnde ndalen nin.

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

2Dɛnnda lemasalan 3:1

Mí Salomɔn kandu Cɛi-Mɛlɛka-o tangullo Yerusalɛm, o pembei Moria coo, nɛɛ Mɛlɛka ndóò cɔmnun David fuɲa ndɔ-a. O fonda David ndóò toosiaa o kpele lɔaa n'mal Ɔrnan Yebusiinɔ-o nin-ndo nin.

Masaa kialaa n'yamaa 11:39

Ciiyo paangun miuŋun mun, mó muungu o fuɲa ndɔ lo, mí fuɲa ndɔ kɔ tosa a ndu mɛɛ ndóò cua ciɛ́i yɛ. Cuaambɔ kon ndóò sina vɔ dɛnɛ vanapɔnɔ le few. Kandɔɔ o telen kon, mí dɛnɛ kon siŋnun naamoo Israɛlla tɛɛn.

Masaa kialaa n'yamaa 11:31

lɔ́ɔ́ ya vanin cɔnɔnndo o lɛŋnde ndalen nin le muungoo-o, vana tase fulanin ya o hɔl o yungu nuu nin le ya bɔŋaa-o, i yɔngunin nɔm vana kon, mì solul nɔm ndu sálà loamaa.»

O Kandɔɔ 21:12

Kɛ mí Hala dimul ndu aa: «Tambu kɔl le poombɔɔ a le cɛ nɔm laandoo ho tovɔɔ le. Ɲɛ-ɲɛ Sara ɲuna nɔm pɛ le ndu tosallo, a tosal ndu lende. Kani cuavaa Isaak-a vanin polale nɔmnde solinin diola nɔmndan tɔ́ɔ́ len ni.

Rɔmnda 5:8

Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Misee 6:7

Mɛlɛka cɛlnin pá saa kóndóa hali sɛ́lɛ́ bɛndoo? O cɛlnin pá cuɛima lakongima cuu man kɔɔli le-an? Vɛ̀ɛ̀ mì ke ndu po ni tasoo haliko mo mal-la haki a kɔlvesɛi nuu? Bàà mì ke ndu hɔ́ɔ́ ya solin o ipulu-o le haki ni ya pila tosa-o?

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

O Kandɔɔ 22:3

Diimandɔɔ, mí Abraham pena cɔnɔn idiiyo púŋ, mó bɛɛndiaa ɲɛ-calaa o sofɛlɛ ndɔɔ coo, mó cua buɛyaa ndɔa nda ŋiɔn a Isaak po ndɔ, mó tɛɛndiaa yɔmnde le sálà loamaa kɔlan solio. Má bii nɛiyo le kɔlan o fonda Hala cɔm ndu-o.

O Kandɔɔ 22:9

Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

O Kandɔɔ 21:3

Mí Abraham ke po Sara vilul ndu kon-ndo diolan aa Isaak (kon co dimio ni aa «O mam»).