O Kandɔɔ 22:15 - BII BILA

¹⁵ O kon kɔɔli, mí mɛlɛkanɔ Hala-o lo vɛlɛ coocoo, mó veelu Abraham veelu diinndɔɔ,

O Kandɔɔ 22:15 Referans Kwoze

O Kandɔɔ 16:7

Mí mɛlɛkanɔ Hala-o komal ndu o soon kólaa ikɛi o lɛŋnde veselɛilen nin, o nɛi Sur-o coo.

O Kandɔɔ 16:10

Mó dimul ndu vɛlɛ aa: «I co nɔm cuavaa-imamaa yɔngu, a vanin sɛ́lɛ́ bɛndoo taw, vana nɔlanin nda cɔmndo le.

O Kandɔɔ 22:14

Mí Abraham ke fonda kon diolan aa Adonai-Yiire (kon co dimio ni aa «Maalii nuwviaanin»). Lelan vannda co vɔ dimio háá hau a pembii ken o kɔɔ ni aa: «O pembii Mɛlɛka-e coo, Mɛlɛka pila nuwviaanin.»

O Kandɔɔ 22:16

mó dimul ndu aa: «I mɛnan o diola nilan, ya Mɛlɛka co sɔɛi ni, kani á tuŋ ya po nɔm pilɔɔ le. Le tùú n tosa kon-ndo,

O Kandɔɔ 31:11

Mí mɛlɛkanɔ Hala-o veelu ya o lɔma sɔlaama man nin aa: ‹Yakɔb.› Mí cɛl aa ‹Yoo.›

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

Fulaa 3:2

Lon mɛlɛkanɔ Hala-o cɔmnun ndu o yinnde biyaalen nin o bɔɔ nin ni. Moise va yinnden cɔu sandei vulɛi-vulɛi o bɔɔ nin, kɛ bɔɔ kon ve ŋɔ le.

Tɔŋ lasálàá 26:42

I loonunnin a kpema co naa tɛɛn naa Yakɔb-o, i loonunnin a kpema co naa tɛɛn naa Isaak-o, i loonunnin vɛlɛ a kpema co naa tɛɛn naa Abraham-o. O kon, i loonunnin a ciɛ́ɔn ya cua a lɛŋnde ndalen o kɔɔ-on.

O Kandɔɔ 18:10

O kon mí o pilɔɔ dimul ndu aa: «A boondei he ɲinasiaŋ, i muungunin o nɔm ndo nanu, nduyɛ Sara laa nɔm co hɔ́ɔ́ piaandoo violɔɔ a telen kon.» Sara va nilan yaŋɔɔ o cɛi-kola-toandaa dio, mó tuɛi sɔɛi ken.

Esai 45:23

I mɛnan a ya pila, toɲaa co fulaa ya o sondo, nduyɛ sɔɛi fula ya o sondo-e i sandu, sɔɛi ken i feŋan lecoo le: vulan kpow la baŋnunnin ya o labɛngunin, diɛɛmuei kpede i mɛnannin o diola nilan.

Sakari 3:6

Mí mɛlɛkanɔ Hala-o sila Yosue aa:

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Dɛnnda kiilaa 7:30

Vɔsilan belehiɔɔlu o kon kɔɔli, mí mɛlɛkanɔɔ cɔmnun Moise o yinnde biyaa len nin o bɔɔ nin, o lɛŋnde veselɛilen nin, o pembei Sinai ikɛi.

Hebreea 6:13

Lɔ́ɔ́ Hala yiilu Abraham kpemaa-o, mó mɛnalan ndu o diola ndɔla ndu pila lan, kani vana celen co le, o hiow ndu Hala-o, haliko mi ndóò mɛnan o diola vana kon.

Dɛnnda cɔɔmuanndan 10:5

O kon mí mɛlɛkanɔ ya ce kon isisi o mɛmma ihɛllan a o lɛŋnden coo-o heelu ba kɛndɔɔ o halataala,