O Kandɔɔ 22:11 - BII BILA

¹¹ O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

O Kandɔɔ 22:11 Referans Kwoze

Fulaa 3:4

Mɛɛ Mɛlɛka ce maa o co sɔɔnguuo le cɔu lapi, mó veelu ndu o bɔɔ nin aa: «Moise! Moise!» Mí Moise cɛl aa: «Yoo!»

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

Dɛnnda kiilaa 26:14

Mí naa kpow n deli lɛŋ, mí tuɛi diomndo pum ya dimullo o aramei nin aa: ‹Sol, Sol, le yɛɛ nɛ n co yɛ ya yɛlen tollo? Fondo fúú n co ya simullo ho ni, mɛɛ visio simul tinda vana co ndu mandaa-o nuaa yɛ pɛɛn.›

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

O Kandɔɔ 16:7

Mí mɛlɛkanɔ Hala-o komal ndu o soon kólaa ikɛi o lɛŋnde veselɛilen nin, o nɛi Sur-o coo.

1Samiɛl 3:10

Mí Mɛlɛka hun sim vɛlɛ o fonda pilɛ kon, mó veelu aa: «Samiɛl! Samiɛl!» Mí Samiɛl muli aa: «Soo, vana nɔm baalaa co nɔm lani.»

O Kandɔɔ 22:16

mó dimul ndu aa: «I mɛnan o diola nilan, ya Mɛlɛka co sɔɛi ni, kani á tuŋ ya po nɔm pilɔɔ le. Le tùú n tosa kon-ndo,

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

O Kandɔɔ 21:18

Cɔn ma cua ndu, kani i siinguunin ndu fuɲa-mamaa le vanaa-mangalaa-isɔaa sɛ́lɛ́ bɛndua pum.»

O Kandɔɔ 22:10

Mó siɛndi baa, mó cua mɔɛi le po ndɔɔ bololan kiolɔɔ.

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

O Kandɔɔ 31:11

Mí mɛlɛkanɔ Hala-o veelu ya o lɔma sɔlaama man nin aa: ‹Yakɔb.› Mí cɛl aa ‹Yoo.›

O Kandɔɔ 46:2

Mí Hala soaa o ndu lo icɔllo, mó veelu ndu aa: «Yakɔb! Yakɔb!» Mí Yakɔb cɛl aa: «Yoo. I co nɔm lani.»

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

Fulaa 3:2

Lon mɛlɛkanɔ Hala-o cɔmnun ndu o yinnde biyaalen nin o bɔɔ nin ni. Moise va yinnden cɔu sandei vulɛi-vulɛi o bɔɔ nin, kɛ bɔɔ kon ve ŋɔ le.

O Kandɔɔ 37:13

Mí Israɛl koma dimul Yosɛf aa: «Bɛndaa nɔmnda kɔɛ cɔlua mandaa Sikɛm, lelan i co nɔm vomɔɔ mà kɔɛ nɛɛ nda co-a.» Mí Yosɛf dimul ndu aa: «Mɛɛ congun ya i kɔa.»

Masaa kialaa n'yamaa 2:1

Mɛɛ mɛlɛkanɔ Hala-o fula Kilkal, mó kɔa Bokim. Mó kɔ dimul Israɛlla aa: «I soli niaa Esipte mí kɔa a niaa o lɛŋnde ya mɛnalan sindɛ fuɲaa niaa mamaa le nda keo len nin. Mí dimul niaa maa i mangalanin kpema ya yiilu niaa-o lɔ́ɔ́-lɔ́ɔ̀ le.

1Samiɛl 3:4

Mí Mɛlɛka veelu Samiɛl. Mí Samiɛl cɛl aa: «Yoo!»

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»