O Kandɔɔ 22:1 - BII BILA

¹ O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

O Kandɔɔ 22:1 Referans Kwoze

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Nsaki 2:21

Vɛ̀ɛ̀ o co le dɛnndan te fuɲa naa mamaa Abraham siŋnun vana sandaa, le tùú o soli Isaak po ndɔ sálàá o fonda-loamaa-lasálàá coo-o le?

1Korɛntea 10:13

Tɔɔndan oo tɔɔndan co niaa komallo, tɔɔndannda ivanacieeya lan daama la co ni. Kɛ vana lo o lediom coo-o Hala co ni, nduyɛ o cɛlnin mì tɔɔndanndo hiow niaa mayoomu le. Kɛ te tɔɔnndanndo komal niaa pɛ, o yɔngunin niaa fɛlɔɔ mì la tiwba ndu biuvɔnndo, o kon mì la fulan lenin.

Talelan 17:3

A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

Fulaa 3:4

Mɛɛ Mɛlɛka ce maa o co sɔɔnguuo le cɔu lapi, mó veelu ndu o bɔɔ nin aa: «Moise! Moise!» Mí Moise cɛl aa: «Yoo!»

O Kandɔɔ 22:11

O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

O Kandɔɔ 22:7

Mí Isaak veelu Abraham fuɲa ndɔ aa: «Pua sei.» Mí Abraham cɛl aa: «Yoo, po nuu.» Mí Isaak ɲuna ndu aa: «I ce yinnden a yɔmnde. Kɛ ɔ́ɔ̀ saa téndé naa n co lakɔ sálàá soli-o?»

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Fulaa 16:4

O kon mí Mɛlɛka dimul Moise aa: «Tofa vɔ, i co niaa ɲɛdiaa tuisi coo fulaa o halataala. Vannda vanin fulaa lepalaa-lepala, mà va ndu cɔwviaa mɛɛ o tiw le paale len yɛ. I co vɔ nda tɔɔndan lende, haliko mi sina taa biinin silala nilan, te kon te taa biinin ndan te.

Tɔŋ miingua 13:3

hali sɔɛi o dimi-e te kon te lɔma o sɔl-lan ma peelun, te o dimul niaa pɛ aa: ‹La n kɔnnun mì n kɔ soolun halaa celeŋaa naa n sina le-a›,

Masaa kialaa n'yamaa 2:22

A nda ya co Israɛlla tɔɔndan ni, le sinaa taa lonin o nɛi nuu coo mɛɛ fuɲaa ndaa lo lecoo yɛ.»

2Samiɛl 24:1

Tuma pum, mí Mɛlɛka tuulu vɛlɛ kɔl taw a Israɛlla, mó luei David yiyanndo nin le Israɛlla dɛnɛ bɛnda loo tosallo, mó dimul ndu aa: «Kɔ mà kɔ cɔm Israɛlla a Yudaa tɛ́kpɛ́-tɛ́kpɛ́, mà sɛva nda diolan.»

Condii lisai 11:5

Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 21:11

Mí sɔɛi ken tɛɛmbuu Abraham kɔllo taw. Mí mɔnɛi bii ndu le Ismaɛl po ndɔ.

O Kandɔɔ 37:13

Mí Israɛl koma dimul Yosɛf aa: «Bɛndaa nɔmnda kɔɛ cɔlua mandaa Sikɛm, lelan i co nɔm vomɔɔ mà kɔɛ nɛɛ nda co-a.» Mí Yosɛf dimul ndu aa: «Mɛɛ congun ya i kɔa.»

O Kandɔɔ 46:2

Mí Hala soaa o ndu lo icɔllo, mó veelu ndu aa: «Yakɔb! Yakɔb!» Mí Yakɔb cɛl aa: «Yoo. I co nɔm lani.»

1Samiɛl 3:4

Mí Mɛlɛka veelu Samiɛl. Mí Samiɛl cɛl aa: «Yoo!»