O Kandɔɔ 21:8 - BII BILA

⁸ Mɛɛ Isaak sul, mí Sara soli ndu mɛɛlen o sondo. Paale nda soli ndu mɛɛlen o sondo len, mí Abraham tosa kafo bɛndoo, mó toosiaa ɲɛdiaa taw.

O Kandɔɔ 21:8 Referans Kwoze

1Samiɛl 1:22

Kɛ Anɛɛ kue lɛ nda pɔnɔ ndɔ le. Mó dimul pɔnɔ ndɔ aa: «O co fisa mì cum háá mì poo mal mɛɛlen, o kon i kɔɛ niko a ndu Silo, i kɔ yɔngu Mɛlɛka ndu, o lo niko lon le lɔ́ɔ́-lɔ́ɔ̀.»

Osee 1:8

Mɛɛ nda hiwnun Lo-Ruhama («Kaolan te») labɛngu, mí Komɛr cua vɛlɛ folio, mó vialu hɔ́ɔ́ piaandoo.

Condii lisai 131:2

Kɛ i cii kɔl nuu biyɔɔ mì meinun kpili mɛɛ cɛlɛkpɔɔ mɛinun o mɛɛle kala ndɔlen bɛngu nuaa yɛ. I nɔ kɔlkɛsiaa maa cɛlɛkpɛ kon.

1Masaa 3:15

Mɛɛ Salomɔn tendu, mó sina maa lɔma sɔlaan ni. Mó muungu Yerusalɛm, mó kɔ sim o kesu kpema Mɛlɛka-o hɔl-ndɔ, mó soli sálàla loamaalan a sálàla kɔlɲululan, mó tosa vɛlɛ kafoo le vanaa ndɔa baalaa kpow.

2Samiɛl 3:20

Mɛɛ Abnɛr tiiya o David lo Hebrɔn nda vanpiaandua bidiiŋaa liila ndu-a, mí David toosiaa ɲɛdiaa sɔvɛɔ le ndu Abnɛr kon a le langbaa va ndu kan kɔɔli-a.

O Kandɔɔ 40:20

Mɛɛ palɛi yaa hiow, mí Faraɔnnɔɔ tuisi kafoo le paale o velun-nden yelelaa. Mó toosiaa ɲɛdiaa kafoo le vanaa bɛndua kpow.

O Kandɔɔ 29:22

Mí Laban tosa kafoo, mó veelu vanaa va o tàndà kon nin-nda kpow.

O Kandɔɔ 26:30

Mí Isaak toosial nda ɲɛdiaa lemasa kɛndɛ-kɛndɔɔ, má dia, má kol.

O Kandɔɔ 19:3

Kɛ o lo nda landɔnndo tei, má cɛl le kɔlan o ndu lo cɛinin. Mɛɛ nda tiiya lon, mó bɛɛndial nda ɲɛdiaa, mó lum nda bulu toosian a lɛvɛn too, má dia.

Ɛstɛr 1:3

o vɔsi yàándɔɔ nin o masale ndɔlen nin, mó tuisi kafoo, mó toosiaa ɲɛdiaa sɔvɛɔ, mó veelu vanaa ndɔa baalaa, langbaa ndɔa kɛsun kálàá, simlacia vanaa cɔvaa Pɛrsea a Mɛdea, handɔɔ o vanaa bɛndua a masaa n'bungaa coo.

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.

Masaa kialaa n'yamaa 14:12

Mí Samsɔn dimul nda aa: «I co niaa taloo pum dimul, te la cɔm pɛ kɔlɔ ndɔɔ, mì la tɛɛsial-la ndu, nanu a palɛi ŋɔmmɛvii kafoei he cuvɔɔ, i yɔngunin niaa domala lebɛngulan beleyaa a domala kafolan beleyaa.

Masaa kialaa n'yamaa 14:10

Mí fuɲaa Samsɔn kɔa o cuaambɔ kalaa lo, mí Samsɔn bɛɛndiaa ɲɛdiaa sɔvɛɔ lon, kani lende langbaa felengia ndáà tosa o nɔlan yiiyo ni.

O Kandɔɔ 21:7

Kani nɛ̀ɛ́-nɛ̀ ndóò nɔla yɛ lɛ̀ Abraham dimullo maa Sara co hunɔɔ cuawva vɔɛsi? Kɛ nduyɛ, má ce mɛɛ ya vilul ndu hɔ́ɔ́ piaandoo o yuuvɛi ndɔɛi nin yɛ.»

O Kandɔɔ 21:9

Paale pilɛ, mí Ismaɛl, po Akar Esiptenɔ vilul Abraham-ndo va pisultan. Mɛɛ Sara ce ndu,

1Samiɛl 1:24

Lɔ́ɔ́ Anɛɛ soli poo mɛɛlen o sondo-o, má bii naw tova vɔsila yaa-o nda pɔnɔ ndɔ, má cua kpeyanndo bɔlɔɔ pilɛ a mɔiyan hemndo ca, má kɔa a Samiɛl o Cɛi-Mɛlɛka-o nin Silo. O va vɔ o pɔmbɔ-pɔmbɔ má kɔa a ndu.