O Kandɔɔ 21:7 - BII BILA

⁷ Kani nɛ̀ɛ́-nɛ̀ ndóò nɔla yɛ lɛ̀ Abraham dimullo maa Sara co hunɔɔ cuawva vɔɛsi? Kɛ nduyɛ, má ce mɛɛ ya vilul ndu hɔ́ɔ́ piaandoo o yuuvɛi ndɔɛi nin yɛ.»

O Kandɔɔ 21:7 Referans Kwoze

Esai 66:8

Nɛ̀ɛ́-nɛ̀ tuei yɛ nin dɛnɛ vaa lende? Nɛ̀ɛ́ ce yɛ nin dɛnɛ kaamaa vaa lende? Vɛ̀ɛ̀ lɛŋnden le nɔla mì le siŋnun lɛŋnden o paalen ten pilɛ kpé bɛngu? Vanaa-mangalaa-isɔɔa nɔla pá mà velun o lepilɔɔ? Pulii vialɛi kandɔɔ dɔ́ɔ́ Siɔn biŋinndo, mó vialu poaa ndɔa kpede!

2Tesalonikea 1:10

paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Kundalan 23:23

Dɛnɛ viamaa yava co o polale Yakɔb len coo le. Dɛnɛ lemande co Israɛlla tɛɛn te. O telen kelun-ndo nda dimulnin pulun Yakɔb-on ɲɛ Hala co tosa-o ni, Israɛlla-la pɛɛn.

Condii lisai 86:10

Kani a co o bɔɔ, a co sɔɔn kaaman tosaa, nɔm pilɛ kpé co Hala kpeekpeiyo ni.

Condii lisai 86:8

Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

Esai 49:21

O kon, nɔm pila ɲunannin o kɔl nin aa: «Nɛ̀ɛ́ vilul lɛ ya cuawva ha nɛ? Kani i vannun ya pilɛ kpé, yáà nɔ n'cuaw le, bɔlɔkɛɔ daama ya vannun ni. O lekáá ya vannun ni, i va o kɛyaa few-few, mì nɛ̀ɛ́ manda yɛ niko cuawva ha? Yaa lonnun ya pilɛ doolɛ, kuɛɛ nɛ haa va yɛ?»

O Kandɔɔ 17:17

Mɛɛ Abraham tuei sɔɛi ken, mó baŋ vɛlɛ vulan, mó tundu hɔlla lɛŋ, mó mam ciki-ciki. Mó dimi o kɔl ndɔɔ nin aa: «Vanapɔnɔ yuuvɛi cii nin vɔsilan kɛmɛ-o nɔla pá mo velu hɔ́ɔ́? Yee Sara cii nin hoo vɔsilan belaŋɔmahiɔɔlu-o nɔla vɛlɛ mò cua folio, mo velu hɔ́ɔ́?»

O Kandɔɔ 18:13

O kon, mí Mɛlɛka ɲuna Abraham aa: «Le yɛɛ nɛ Sara mam yɛ, mó dimi aa: ‹Mɛɛ ya yuuva nin nuaa yɛ, i nɔla lɛ pá mì velu hɔ́ɔ́?›

O Kandɔɔ 21:8

Mɛɛ Isaak sul, mí Sara soli ndu mɛɛlen o sondo. Paale nda soli ndu mɛɛlen o sondo len, mí Abraham tosa kafo bɛndoo, mó toosiaa ɲɛdiaa taw.

Yeremi 20:15

Dangaa co le vana kɔ pei fuɲa nuu ɲaaloo o kɔl, mó dimul ndu aa: «Hɔ́ɔ́ piaandoo vilun nɔm»-ndo!

1Masaa 3:21

Yáà cɔnɔnndo idiiyo le po nuu vɔɛsio, mí ca ndu o vílɛ́iyo. Kɛ ɲɔɔ tengaa, mí mɛɛndian ndu ɲɛkɛndɛi, mí ca maa o co po ni ya velu-o le.»

1Masaa 11:20

Mí pɔmbɔɔ Tapenɛs vilul Hadad poo diolan Kenubat. Mí Tapenɛs kalaa manda hɔ́ɔ́ kon o Faraɔnnɔɔ lo cɛinin, mí Kenubat sul nda poaa Faraɔnnɔ kon latulu o ndu lo cɛinin.