Biblia Todo Logo
Bib sou entènèt

- Piblisite -




O Kandɔɔ 21:3 - BII BILA

3 Mí Abraham ke po Sara vilul ndu kon-ndo diolan aa Isaak (kon co dimio ni aa «O mam»).

Gade chapit la Kopi




O Kandɔɔ 21:3
11 Referans Kwoze  

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.


Kani cuavaa-imamaa Abraham-nda nda co ni, o co mɛɛ nda co kpede yɛ le nda co cuavaa Abraham-nda le. Kani mí Hala dimul Abraham aa: «O Isake nin cuavaa-imamaa ya yiilu nɔm kpemaa-a fulanin ni.»


O kon, mí Sara dimi aa: «Hala mɛmi ya, vanaa tuɛinin sɔɛi he-a kpow a mamnin a kɔlkɛndɔɔ le dɛnɛ yɔŋnun ya hoo-o.


Mí Hala ndóò dimul ndu aa: «A Isaak n sɔlanin cuavaa-imamaa solinin diola nɔmndan tɔ́ɔ́-a ni.»


Abraham violɔɔ Isaak, mí Isaak vialu Yakɔb, mí Yakɔb vialu Yuda a puapilɛa ndɔa.


Mí faŋa Abraham fuɲa niaa mama nɛɛ o va icali peo leeloo-a, mí yaa ndu o lɛŋnde Kanaan-nden nin, mí keeliaa ndu lenin kpow, mí soli cuawva sɛ́lɛ́ bɛndoo ndu o ipulu, mí yɔngu ndu Isaak.


O kon kɔɔli, mí Hala yii kpemaa a Abraham, tɔɔmasele kpema kon co toomaa diyɔɔ ni. O kon mí Abraham vialu Isaak. Palɛi ŋɔmaa o kon kɔɔli, mó dii ndu tooma. Mí Isaak ndu vialu Yakɔb, mí ndu bɛɛ dii Yakɔb tooma. Mí Yakɔb ndu vialu fuɲaa naa mamaa tɔ́ a à ŋiɔnda, mó dii nda tooma.


Mí Hala dimul ndu aa: «Cuá po nɔmndo, po nɔm pilɛ n kaola kon taw-taw-vo, Isaak pɛɛn, mà kɔɛ a ndu o lɛŋnde Moria len nin. La tiiya pɛ lon, a soli ndu sálà loamaa le ya o pembii ya cɔmnin nɔm-nde coo.»


Kɛ mí Hala dimul ndu aa: «Tambu kɔl le poombɔɔ a le cɛ nɔm laandoo ho tovɔɔ le. Ɲɛ-ɲɛ Sara ɲuna nɔm pɛ le ndu tosallo, a tosal ndu lende. Kani cuavaa Isaak-a vanin polale nɔmnde solinin diola nɔmndan tɔ́ɔ́ len ni.


Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.


Polale Isaak len le yɔŋnun nden ni. Abraham velu Isaak kon ni.


Swiv nou:

Piblisite


Piblisite