O Kandɔɔ 21:22 - BII BILA

²² O telen pilɛ kon bɛngu, mí Abimelɛk cua Pikɔl, bolle vanaa ndɔa cɔwva, má kɔa o Abraham ndo, mó dimul ndu aa: «Hala co nɔm ikɛi o dɛnnda n co tosaa lan kpow nin.

O Kandɔɔ 21:22 Referans Kwoze

O Kandɔɔ 26:26

Mí masaa Abimelɛk cua Ahusat vana ndɔ silaa a Pikɔl, ó va bolle vanaa ndɔa cɔwva-o, má kɔa o Isaak lo fulaa Kerar.

Yosue 3:7

Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

O Kandɔɔ 26:28

Má mulul ndu aa: «N ce maa Mɛlɛka co nɔm ikɛi, lelan naa n dimi ni aa n bɛnda mì n yii kpemaa naa niaa. N yeema, nɔm a naa, mì vana-vana cua kpemaa mò mɛnan le kpema kon yiiyo.

O Kandɔɔ 20:2

Mó dimul vannda maa yema ndɔ Sara co ni, nduyɛ laa ndɔ o va ni. O kon, mí Abimelɛk, masaa Kerar cua ndu le ndu siinguuo laa ndɔ.

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

1Korɛntea 14:25

mì sɔɔn viannan n co ndu o kɔl-lon n cɔmnun. O kon, o delnin o kɔl coo hɔlla a kuumbuan lɛŋ, mò biilu Hala, mò dimi aa: «Lekɛ́ndɛi, Hala co niaa tɛɛn.»

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Esai 8:10

La tuu dɛnndan taw le tosaa, kɛ tuula lan la co cuvɔɔ laasian. La dimi sɔɔn, kɛ sɔɔn mun tosannin te. Kani Hala co a naa latulu.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Esai 45:14

Mɛlɛka dimi aa: «Ɲɛ-sɔlaa Esipte, tɔnɔɔ Etiopii a bolofaa vannda Saba, a bandu kan taw-va o hiawnin nɔm o ba, mò siŋnun ɲɛ nɔm kɛsɛ-kɛsɛ. Vanaa kan kɔanin nɔm kɔɔli, a kɔanin a yiyaa o yɔlɔn, a baŋnin vulan nɔm o labɛngunin ma dimul nɔm a tɛɛlɔnndo aa: «Nɔm ikɛi kínɛí vana saalun Hala ni, nduyɛ, Hala celen co o ndu kɔɔli le.»

2Dɛnnda lemasalan 1:1

Mí Salomɔn po David-o simi masale ndɔlen yili, kani Mɛlɛka Hala ndɔɔ va ndu ikɛi, mó siinguu ndu masa tɔ́ɔ́ bɛndoo.

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

O Kandɔɔ 20:17

Mí Abraham piɛi Hala, mí Hala singi Abimelɛk, laa ndɔ a buɛyaa ndɔa laandua. Mí vanlaandua kan vialu cuawva.

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

O Kandɔɔ 20:14

O kon, mí Abimelɛk bii saa, cuinnda, nawva, buɛyaa piaandua a buɛyaa laandua, mó yɔngu Abraham, mó mingul ndu vɛlɛ laa ndɔ.

O Kandɔɔ 31:5

mó dimul nda aa: «I ce maa fuɲa niaa nɔ lɛ kɔl ni kɛndɛ maa paandu le. Kɛ Hala fuɲa nuu co ya ikɛi.

1Samiɛl 3:19

Mɛɛ Samiɛl va sulɔɔ yɛ, lende koni Mɛlɛka va ndu ikɛi ni. Lelan sɔɔn o va dimio-on kpow n va peelɔnndo ni.

2Samiɛl 24:7

Má hiaw laci, má tiiya Tir, kobi va kon o kpakio nin-ndo pɛɛn, má kɔa vɛlɛ o kobila Hiviia a o kobila Kanannda kpow nin, má kɔ tiiya háá Bɛɛr-Seba a ba too, o tàndá Yuda-o nin.

1Samiɛl 24:22

Lelan cuel-la ciɛ́ɔn o diola Mɛlɛka lan maa te i vi pɛ, a koma diwnin poaa nia ma ɲumi diola nilan o yungu nuu nin te.»