O Kandɔɔ 21:21 - BII BILA

²¹ Mó kɔ cal o lɛŋnde veselɛilen Paran nin. Mí kala ndɔ yil ndu lanɔɔ fulaa o lɛŋnde Esipte len nin.

O Kandɔɔ 21:21 Referans Kwoze

1Korɛntea 7:38

Lelan vana-vana yil pɛ balufaa ndɔ sínà vɔ dɛnɛ vanapɔnɔ loo o nɔ̀u nin, mɛɛ ndu caa tosa. Kɛ vana yil ndu o nɔ nin too hiow caa tosa.

1Samiɛl 25:1

A boondii ken, mí Samiɛl vu. Mí Israɛlla kpow a cuungian le biisi ndɔɔ tosaa, má kumbu ndu o ndu lo Rama. O kon kɔɔli, mí David can, mó tuusu o lɛŋnde veselɛilen Paran nin.

Masaa kialaa n'yamaa 14:2

Ndóò muungoo, mó kɔ dimul yungu ndɔɔ aa: «I saalun felengi laandu Filistinɔɔ pum Timna, i yeema mì la cuel-la ndu mò va laa ni.»

Kundalan 13:26

Má komal Moise, Aarɔn a Israɛlla kpow nɛɛ nda va icali o lɛŋnde veselɛilen Paran nin Kadɛs-a, má downun nda kona, má cɔm nda kɔmnde tɔlɔɔla co o lɛŋnde len nin-ndan.

Kundalan 13:3

O kon, mí Moise viam vannda cɔnɔnndo nɛɛ nda va icali o lɛŋnde veselɛilen Paran nin-nda, mɛɛ Mɛlɛka ndóò dimul ndu yɛ. Nda kpow simlacia Israɛlla nda va ni.

Kundalan 12:16

O kon kɔɔli, má faŋan o fonda kon Haserɔt lon, má kɔ kila dɔ́ɔ́ngɔ́ɔ̀ o lɛŋnde veselɛilen Paran nin.

Kundalan 10:12

O kon, mí Israɛlla faŋan o lɛŋnde veselɛilen Sinai nin, má bii kɔlan o pɔm-pɔmbɔ. Mí kumnde kɔ sim o lɛŋnde veselɛilen Paran nin.

O Kandɔɔ 27:46

Mí Rebeka kɔ dimul Isaak pɔnɔ ndɔ aa: «I co a mɔnɛi a dɛnɛ cuavaa Hitiia ha. Te Yakɔb bɛɛ yil pɛ lanɔɔ o lɛŋnden nden nin, mɛɛ piɔ́m nuu bendu lɛ le.»

O Kandɔɔ 14:6

Mɛɛ nda cɛn ndon, má kɔ tisa Horiia coo o pembei Seir coo. Má lo nda tovɔɔ háá má tiiya Paran, o lɛŋnde veselɛilen ikɛi.

O Kandɔɔ 25:18

Mí cuavaa ndɔa a cuavaa ndɔa imamaa cal o lɛŋnde cɛn Havila le kɔlan Sur len nin, o lɛŋnde Esipte len ikɛi, le kɔlan a ba Asiri-o. Lende nda cal polama cuavaa tɔ̀a Abraham-nda levil ni.

Habakuk 3:3

Hala co fulaa Teman mò va hunɔɔ. O-Diandaa co fulaa o pembei Paran coo mò va hunɔɔ. Bɔɔbɔɔyɛi ndɔɛi tiw o halataala sɔ́ mí lɛŋnden le pia a biilu ndɔɔ.

O Kandɔɔ 16:3

O kon, mí Sarai cua Akar cɛ ndɔ laandoo, mó hivi Abram pɔnɔ ndɔ kɔɔli. Abram ndóò cii nin vɔsilan tɔ́ o lɛŋnde Kanaan-nden nin ndon.

1Masaa 11:18

Má can Madian, má kei Paran, má bii vannda pum ndon, má hiaw a nda o Faraɔnnɔɔ lo, masaa Esipte pɛɛn. Mí masa kon ke Hadad cɛiyo, mó va ndu baloo dɔvɔɔ, mó ke vɛlɛ ndu yondoo.

2Dɛnnda lemasalan 24:3

Mí Yehoyada yil laandua nda ŋiɔn le Yoas, mí Yoas vialu hɔ́aa piaandua a à laandua.

Yeremi 29:6

La yil laandua mì la velu cuavaa laandua a à piaandua. La cuel poaa niaa laandua mì la kɛsi cuavaa niaa laandua o nɔlan, haliko ma velu cuawva: a piaandua a à laandua. La kui lon taw-taw, la dɔɔnan te.