O Kandɔɔ 21:17 - BII BILA

¹⁷ Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

O Kandɔɔ 21:17 Referans Kwoze

O Kandɔɔ 16:11

Foli n nɔ hoo-o, vanapɔnɔɔ n co violɔɔ ni, mà ke ndu diolan aa Ismaɛl (kon co dimio ni aa ‹Hala tuɛi›), kani Mɛlɛka tuei nɔm kuŋndan o sanga nɔmndo nin.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Marke 5:36

Kɛ Yeesu yeŋ bɛɛ sɔɔn ndan mun lani le, mó dimul simlacinɔ cɛi lekaanndo aa: «Siòòŋii bii nɔm te, laalan daama.»

Matie 15:32

Mí Yeesu veelu kaandeŋaa ndɔa, mó dimul nda aa: «Ɲííye co ya a sɛ́lɛ́ bɛndoo ho, kani o co nihau palɛi ndii yáá n co nanu naa ndaa, a nɔ yɛ ɲɛdiaa le. I yeema ma muungu a yiaan lende le, yɔŋii nda kei deli nɛi-tɛɛn.»

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Esai 22:1

Sɔɛi dimin o ból vana ca siɔdii lacio nin-ndo coo-e co hee ni: «Yɛɛ nɛ yɔŋnun yɛ nɔm mi vanaa nɔmnda kpow va helɔɔ o yindɔla cɛilan coo?

Condii lisai 65:2

Biiloo co le nɔm Hala co Siɔn-ndo. N peelunin ciɛ́ɔn naa n cua o nɔm ndo-on,

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

2Masaa 13:4

O kon, mí Yoahas tɛɛlun Mɛlɛka, mí Mɛlɛka tuɛi ndu diom. Kani o va dɛnɛ palaa masaa Aram va Israɛlla tuisio coo-o cɔu.

1Samiɛl 11:5

Tuma kon kpafii Saul va fulaa yondoo nin a navaa ndɔa ni. Mó ɲuna aa: «Vóólun-vóólun yɛɛ vannda co yɛ hoo?» Má downun ndu kona a sɔɔn vannda Yabɛs soo-on kpede o kɔɔ.

Masaa kialaa n'yamaa 18:23

A lo nda yoondiaalan kɔɔli, mí vanaa fula kan o polale Dan-nden nin-nda mulin, má ɲuna Mika aa: «Yɛɛ nɛ yɔŋnun yɛ nɔm ma va yonda bɛndoo ho?»

Fulaa 22:27

La soaa diomnde vɔɔnnden a Hala le, la soaa diomnde vɔɔnnden a vana co simlacinɔɔ yungu niaa coo-o le.

Fulaa 22:23

O kon, i tuulu kɔl a niaa, i tuisi niaa cɔwvo coo, la cuu vu kpow, haliko mi laandaa niaa bɛɛ nda siŋnun vanlaandua piaandaa ndaa vi-a, mì poaa niaa bɛɛ siŋnun vííya.

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

O Kandɔɔ 16:9

Mí mɛlɛkanɔ Hala-o dimul ndu aa: «Muungu vana nɔm bɛndoo o ibuŋ, mà kɔ tuisin ndu o labɛngunin.»

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 16:7

Mí mɛlɛkanɔ Hala-o komal ndu o soon kólaa ikɛi o lɛŋnde veselɛilen nin, o nɛi Sur-o coo.

O Kandɔɔ 22:11

O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

Fulaa 3:2

Lon mɛlɛkanɔ Hala-o cɔmnun ndu o yinnde biyaalen nin o bɔɔ nin ni. Moise va yinnden cɔu sandei vulɛi-vulɛi o bɔɔ nin, kɛ bɔɔ kon ve ŋɔ le.

Tɔŋ miingua 26:7

Kɛ mɛɛ naa n koŋul o Mɛlɛka Hala fuɲaa naa mamaa lo, mó tuɛi somisominnda naalan, mó ca mɔnɛi naa n va nin-nde, mó ca sanga naa a bɛpɛla naa n va nin-ndo.

Condii lisai 6:8

Le tùú yaamɔaa nia co sɛ́lɛ́ taw-vo, hɔlta nilan la yɔŋnun yifidii a mɔnɛi, i co lɛ cɔ valan a lan te.

O Kandɔɔ 16:8

Mó ɲuna ndu aa: «Akar, cɛ Sarai-yo, kuɛɛ n cɛn yɛ? Kuɛɛ n co yɛ kɔlan?» Mó muli aa: «Sarai vana ni bɛndu ya co ɲaanɔnndo ni.»

Condii lisai 10:14

Nɔm pila tofa vɔ sangaa a dɛnɛ palaa co vanaa bala fondoa coo-o. Cua sɔɛi ndɛi balan tan tiɔn. Nɔm o ba vana dɛnɛ palaa sɔɔnun ni, nɔm malà vííyo ni.