O Kandɔɔ 21:16 - BII BILA

¹⁶ mó kɔ calnun lándán. Nɛɛ o mɛi po ndɔɔ-a a nɛɛ o va icali-a, ɲɔɔ va bandei maa le dunndo kɛmɛ lediin. Kani nuaa ndóò dimi ni aa: «I yeema mì ce po nuu o piɔ́mndo le.» Le hee, mó kɔ calnun kpengei pilɛi, mó va hiilaa a caŋndo coocoo.

O Kandɔɔ 21:16 Referans Kwoze

Esai 49:15

Vɛ̀ɛ̀ vanalanɔ komsaa nɔla pá mò pɔɛɛnun cɛlɛkpɛ o co vɔɛsio-o? Vɛ̀ɛ̀ ɲíí bii ndu a hɔ́ɔ́ o solin o ipulu-o le? Hali ndóò va bɛɛ maa komsaa nɔla mò pɔɛɛnun cɛlɛkpɛ ndɔɔ, ya ya, i pɔɛɛnunnin niaa co Siɔn-nda le few!

Ɛstɛr 8:6

Kani vɛ̀ɛ̀ ya lo yɛnin tofaa mì dɛnɛ palaa tol vanaa nia coo? Bàà mì lo tofaa mì polale vanaa nia le cuu?»

1Masaa 3:26

Mí ɲííye bii cua velu cɛlɛkpɛ va kon yoomu-o-o, mí kɔllo ɲiiya ndu nin. Mó tɛɛlun masaa aa: «Te lende ni, mɛɛ a dii poombɔɔ le. À yɔngu cuaa ho ndu.» Kɛ mí cuaa pilɔɔ ndu dimi aa: «Ya i cɛl! La kiolu ndu tɛɛn. O kon, nɔm sɔlà lɛ ndu le, ya bɛɛ i sɔlà lɛ ndu le.»

Luke 15:20

O kon mó can, mó muungu o fuɲa ndɔ lo. O lo nɛɛ levil, mí fuɲa ndɔ ca ndu, mí ɲííye bii ndu taw. Mó ɲaanun, mó kɔ kɔman po ndɔɔ, mó sɔsa ndu sondoo.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

1Samiɛl 30:4

O kon mí David nda vanaa va ndu kɔɔli-a lo caŋndo háá mí yoomuma caŋan ma cuu nda.

1Samiɛl 24:16

Mɛlɛka co naa yamɛi kiolɔɔ tɛɛn naa nɔm. O co mɛɛndan mò soo le ya, mò baŋa ya nɔm o ba.»

Ruti 1:9

Màá Mɛlɛka ke niaa piaandua celen, mì calta sɛnɛila lan la yelelal niaa!» O kon, mó kɔɔmian nda, má hiiliaa hiko-hiko a caŋndo.

Masaa kialaa n'yamaa 2:4

Lɔ́ɔ́ mɛlɛkanɔ Hala-o cii Israɛlla kpow sɔɔn mun dimul-lo, mí vannda kpow soli diomndan, má caŋ.

O Kandɔɔ 44:34

I bɛnda mì muungu o fuɲa nuu lo le, te o co a poombɔɔ ho le. Kani i yeema mi kɔ cɔ fuɲa nuu mɔnɛi biyɔɔ le.»

O Kandɔɔ 29:11

Mɛɛ o cii nda koesi, mó kɔman Rasɛl, mó piɔndi a caŋndo.

O Kandɔɔ 27:38

Mí Esau ɲuna ndu aa: «Pua, mɛɛ duaa pilɔɔ ho koni co nɔm o ba ni? A yandi, ya bɛɛ dɔw ya duaa.» Mó kandu dɔ́ɔ́ caŋndo coocoo kpélén.

O Kandɔɔ 21:15

Mɛɛ mɛmma va ndu o ba o bɔlɔ yáw cuinndo nin-ndan má cuu, mó kɔ yambu po ndɔɔ o bɔɔ bɛngu,

1Masaa 17:12

Kɛ mí cua kalaa mɛnalan ndu po aa: «Le Mɛlɛka Hala nɔm co hoo yoomu-o, i nɔ bulu loamaa nanu le. Kpeyanndo baa ca daama ya nɔ nihau o bonyei nin ni a cuɛiyan ɲɛ-pɔmbɔ o kúŋndo nin. Yɔmnde ya hin tingɔɔ nuaa ni, mì kɔ toŋ ɲɛ tɔ̀ kon, mì n de naa po nuu, mì n cal piɔ́mndo cum.»

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.