O Kandɔɔ 21:14 - BII BILA

¹⁴ Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

O Kandɔɔ 21:14 Referans Kwoze

Nsaŋ 8:35

Nduyɛ, cɛɔ lò o yungulen nin le lɔ́ɔ́-lɔ́ɔ̀ le, po vialaa yɛ ndu, mò lo lon le lɔ́ɔ́-lɔ́ɔ̀.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Talelan 27:14

Idii púŋ-púŋ, vanndo pena pɛ vana nda cal nɛɛ pilɛ-o yilɔɔ coocoo kpélén, maa yei yilɔɔ vaa lende co ni.

Condii lisai 119:60

I co keleŋaa, i yangaanin le silala nɔmndan biyɔɔ le.

Condii lisai 107:4

Vanaa pum va kelanndo o lɛŋnde veselɛilen nin, a ve nɛi kɛ́-kɛ̀ cɔ le kɔlan calle o kobi pum nin te.

1Masaa 19:3

Elii cɔu lende, mó can, mó kɔannun le yoomu ndɔɔ ciindiaa. Mó kɔa Bɛɛr-Seba, o tàndá Yuda-o nin, mó kɔ mɛi buɛi ndɔɔ lon,

O Kandɔɔ 26:31

Diimandɔɔ idiiyo púŋ, má pena kpemaa yii vellaa-velle, mí vana-vana mɛnan. Mɛɛ nda cii, mí Isaak mal nda n'pelu, má congan o kɔlɲuloo nin.

O Kandɔɔ 25:6

Mó yɔngu vɛlɛ poaa ndɔa o velu a laandua celennda-a ɲɛm ndɔn n'pum. Kɛ telen o va yoomu-o, mó faŋa nda Isaak po ndɔ ikɛi few-few. Mó yaa nda o lɛŋnde celen nin a ba paalen le can-ndo.

O Kandɔɔ 21:31

Lelan nda ke fonda kon diolan ni aa Bɛɛr-Seba, kani lon nda mɛnan nda ŋiɔn kpow ni.

O Kandɔɔ 16:7

Mí mɛlɛkanɔ Hala-o komal ndu o soon kólaa ikɛi o lɛŋnde veselɛilen nin, o nɛi Sur-o coo.

Esai 16:8

Kani yondolan Hɛsbɔn la kpennda, vanaa bɛndua vanaa-mangalaa-isɔɔa yimi tumnda n'rɛsɛnndan Sibma, tumnda n'rɛsɛnnda va kɔlan tiiyaa háá Yaesɛr lan, la va lativaa o lɛŋnde veselɛilen nin-ndan, lɛwvon va kɔlan a piɔsio a táláá háá o mɛmma ihɛllan leeloo polon.

O Kandɔɔ 46:1

Mí Israɛl cua ɲɛ-ɲɛ va ndu o ba, mó bii nɛiyo le kɔlan Esipte. Mɛɛ o tiiya Bɛɛr-Seba, mó solul Hala Isaak fuɲa ndɔ-o sálàlan.

O Kandɔɔ 37:15

Tuma o va hiŋnɔnndo yondoo nin-ndo, má bɔŋan nda langbanɔɔ pum. Mí langbanɔ kon ɲuna ndu aa: «Yɛɛ n co yɛ nuwviaa?»

O Kandɔɔ 26:33

Mí Isaak ke dɔ́ɔ́ soon kólaa kon diolan aa Sibea (kon co dimio ni aa «Mɛnanndo»). Lelan nda ke kobi kon diolan ni aa Bɛɛr-Seba (kon co dimio ni aa «Soon kólaa mɛnanndo»). Háá paalen nden hau, lende soon kon nɔ diolan ni.

O Kandɔɔ 24:54

Mɛɛ nda cii, má dia niko ɲɛdiaa, má kol nda vanaa liila ndu o sɔɛi ken-nda. Ndáà ciiyo ɲɛdiaa dioo, má luɛi cɛinin, má kɔ lɔl lon. Idiiyo púŋ, mí buɛi Abraham kon congun aa: «La mal-la n'pelu mì tofan kɔɔli, mì muungu vana ni bɛndoo o ibuŋ.»

O Kandɔɔ 22:19

Sɔɛi ken cuvɔɔ, mí Abraham muungu nɛɛ buɛyaa ndɔa va-a, má bii nɛiyo le muungoo Bɛɛr-Seba, mó kɔ cal lon.

O Kandɔɔ 22:3

Diimandɔɔ, mí Abraham pena cɔnɔn idiiyo púŋ, mó bɛɛndiaa ɲɛ-calaa o sofɛlɛ ndɔɔ coo, mó cua buɛyaa ndɔa nda ŋiɔn a Isaak po ndɔ, mó tɛɛndiaa yɔmnde le sálà loamaa kɔlan solio. Má bii nɛiyo le kɔlan o fonda Hala cɔm ndu-o.

O Kandɔɔ 21:33

O kon kɔɔli, mí Abraham tɔal yɔmndo, tamariio, Bɛɛr-Seba lon. Mó biilu Mɛlɛka, Hala co le fɛɛn a fɛɛn-ndo pɛɛn.

O Kandɔɔ 19:27

Idiiyo púŋ, mí Abraham muungu nɛɛ ndóò va suukanndo nda Mɛlɛka-a.

O Kandɔɔ 21:13

Kɛ o va bɛɛ lende, i siinguunin po cɛ laandoo ho velu-o fuɲa-mamaa le vanaa-mangalaa-isɔɔa pum. Kani hɔ́ɔ́ nɔmndo ndu bɛɛ co ni.»

O Kandɔɔ 21:15

Mɛɛ mɛmma va ndu o ba o bɔlɔ yáw cuinndo nin-ndan má cuu, mó kɔ yambu po ndɔɔ o bɔɔ bɛngu,

Talelan 27:8

Maa yow co kelanndo vɛɛnnde ndɔlen levil-lo vana kɔɛ kaunalen lɛŋnde ndɔlen levil-lo co ni.

O Kandɔɔ 28:18

Diimandɔɔ idiiyo púŋ, mó can, mó cua pow ndóò yambu kon bollen coo-o, mó siinguu ndu pow sálàá, mó baŋ ndu lɛŋ, mó tala cuɛiyan lecoo.

Yosue 3:1

Mɛɛ Yosue nda Israɛlla kpow a cɛn Sitim idiiyo púŋ, má tiiya o peo Yurdɛn kɔngɔ. Má kila caltan le telen taŋaa pee kalaa cumndo lon.

1Samiɛl 15:12

Diimandɔɔ idiiyo púŋ, mó can le kɔlan o Saul-lo. Má dimul ndu aa: «Saul kɔɛ Karmɛl mó kɔ cownun pow sálàá lon, mɛɛ o cii, mó tuusu Kilkal.»

2Dɛnnda lemasalan 29:20

Diimandɔɔ idiiyo púŋ, mí masaa Esekia cuungiaa simlacia va o kobio nin-nda, má hel o Cɛi-Mɛlɛka-o.