O Kandɔɔ 21:12 - BII BILA

¹² Kɛ mí Hala dimul ndu aa: «Tambu kɔl le poombɔɔ a le cɛ nɔm laandoo ho tovɔɔ le. Ɲɛ-ɲɛ Sara ɲuna nɔm pɛ le ndu tosallo, a tosal ndu lende. Kani cuavaa Isaak-a vanin polale nɔmnde solinin diola nɔmndan tɔ́ɔ́ len ni.

O Kandɔɔ 21:12 Referans Kwoze

Hebreea 11:18

Mí Hala ndóò dimul ndu aa: «A Isaak n sɔlanin cuavaa-imamaa solinin diola nɔmndan tɔ́ɔ́-a ni.»

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

1Samiɛl 8:9

Lelan cɛl nda diom. Kɛ nduyɛ, yondal nda vakpa, mà cɔm nda ɲɛ masa hun vanin kon nda coo-o bɛnda le sɔlaa nda o ba-o.»

1Samiɛl 8:7

Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.

Esai 46:10

O kandɔɔ tasoo pɔ́ ya dimi ɲɛ co hunɔɔ yɔŋnɔn-ndo ni, o tasendɔ pɔ́-pɔ́ ya dimi ɲɛ peelun-ndɔ loo ni. Ya dimi ni aa tuu nuu peelunnin lekɛ́ndɛi. I tosanin hɛnan nuu kpow.

O Kandɔɔ 17:21

Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.

Kalatea 4:30

Kɛ vɛ̀ɛ̀ Sɛbɛ Hala-o ndu dimi yɛ? Aa: «Tow cɛɔ ho nda po ndɔɔ, kani po cɛɔ muuliannin kɛ́ɔ cuaa nda po lanɔ co o ba ndɔɔ coo-o le!»