O Kandɔɔ 20:9 - BII BILA

⁹ O kon, mí Abimelɛk veelu Abraham, mó ɲuna ndu aa: «Dɛnɛ yɛɛ n tosal-lɛ naa hoo? Yɛɛ ya yɔŋ yɛ nɔm, má hendul-la yaŋɔɔlen haliko mi yáà tosa hakio, ya pila a masale nilen? O co dɛnɛ vana bɛnda le tosa le n tosal-la hoo le.

O Kandɔɔ 20:9 Referans Kwoze

O Kandɔɔ 12:18

O kon mí Faraɔnnɔɔ viam kilaa, ma kɔ veelu Abram. Mó ɲuna ndu aa: «Dɛnɛ kɔlvesɛi yɛɛ n tosal-lɛ ya hoo? Le yɛɛ n kɛɛ yɛ ya dimul maa laa nɔm cuaa ho co ni?

O Kandɔɔ 39:9

O hiw lɛ ya ivanabɛnduya cɛinin nanu le, o tuŋ ya ɲɛ-ɲɛ celen te, fɔ nɔm, kani laa ndɔ n co ni. Le yɛɛ nɛ ya tosa yɛnin dɛnɛ kɔlvesɛi bɛndu vaa lende mì cua hakio a Hala?»

O Kandɔɔ 26:10

Mí Abimelɛk ɲuna ndu vɛlɛ aa: «Dɛnɛ yɛɛ nɛ n tosal-lɛ naa hoo? Ndóò lo cobe mì vana pilɛ o lɛŋnde nilen nin ndóò tɛɛmbuu dɛnɛ a laa nɔm. Ndíì tosan yɛ pɛ lende, mɛɛ dɛnɔɔ le nɔm óò kondu naa nuaa le?»

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Rɔmnda 2:11

Kani Hala hiyan vannda le.

Talelan 28:10

Vana tosa pɛ mì vanaa sandaa kɔɛ o nɛi vɔɔndo coo, ndu delnin o soon ndu pila tow-vo nin. Kɛ dɛnɛ kɛndɔɔ co le vanaa co kela sandaa-a.

2Samiɛl 13:12

Kɛ mí Tamar mulul ndu aa: «Ɛ-ɛ yema, kpuva ya ma va a ya le. Vana tosa dɛnɛ vaa lende o lɛŋnde Israɛl-ten nin te. Tosa dɛnɛ lamàà kon te.

2Samiɛl 12:5

O kon mí David tuulu kɔl taw-taw a vana bolofaa kon, mó dimul Natan aa: «Te Mɛlɛka co yoomu, vana tosa dɛnɛ kon-ndo bɛnda mò sɔla piɔ́mndo!

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

Tɔŋ lasálàá 20:10

Te vanndo suunda pɛ a lanɔ pilaa, nda ŋiɔn kpow a bɛnda mà sɔla piɔ́mndo.

Fulaa 32:35

Mí Mɛlɛka soaŋ vanaa kan le piɔm n'siani Aarɔn cow nda kon maa naw téndé-o.

Fulaa 32:21

Mó ɲuna Aarɔn aa: «Yɛɛ nɛ vannda ha yɔŋ yɛ nɔm má luei nda o yɔŋ vɔɔn bɛndoo ho nin?»

O Kandɔɔ 38:24

Paangon mún yáá o kon kɔɔli, má hun dimul Yuda aa: «Tamar, lanɔɔ po nɔm suunda, mó cua folio o suunda kon nin.» Mí Yuda dimi aa: «A soli ndu mà lom ndu kpúlúká!»

O Kandɔɔ 34:7

Poaa Yakɔb-a ndáà muungu nin ciee, má tuɛi sɔɛi he. Mɛɛ nda tuei ndi, mí mɔnɛi bii nda taw. Má tuulu kɔltan taw-taw, kani Sikɛm tosa dɛnɛ lamàà bɛndoo Israɛl le kpuva o kpuva cua Yakɔb-o mó hini a ndu-o. O co dɛnɛ bɛnda le tosan te o co le.

O Kandɔɔ 20:8

Idiiyo púŋ, mí Abimelɛk veelu vanaa ndɔa baalaa, mó cɔm nda ɲɛ yɔŋnun ndu o lɔma sɔlaan nin-ndo. Mɛɛ vanaa kan tuei sɔɛi ken, mí siòònde bii nda taw.

O Kandɔɔ 20:10

Le kɔlɔ yɛɛ n tosa yɛ dɛnɛ vaa nuaa?»

O Kandɔɔ 29:25

Mɛɛ paalen le sɛ, mí Yakɔb sina maa o co nda Rasɛl te lɔl te, kɛ nda Lea ni. Mó kɔ ɲuna Laban bom ndɔ aa: «Dɛnɛ yɛɛ n tosal-lɛ ya hoo? O co le Rasɛl te ya tosal nɔm vallo le? Le yɛɛ nɛ n hui yɛ ya?»