O Kandɔɔ 20:7 - BII BILA

⁷ Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

O Kandɔɔ 20:7 Referans Kwoze

SƐBƐ YƆB-O 42:8

La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»

1Samiɛl 7:5

Mí Samiɛl dimul nda vɛlɛ aa: «Niaa kpow, la kɔ cuungian Mispa, mì piɛi Mɛlɛka le niaa.»

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

2Samiɛl 24:17

Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

1Dɛnnda lemasalan 16:22

mó dimul nda aa: «La pilan vanaa nia ya pɔla-a le, la tosal vanaa co diom nuu tɛɛnguuo-a dɛnɛ vɔɔndo le.»

2Masaa 5:11

Mí Naaman tambu kɔl, mó va kɔnndan a dimio aa: «I va yiyanndo maa vana-tɛɛngaa-diom Hala-o ho ndóò fulanin mì naa n ciikan naa ndu, mì ndóò piɛi Mɛlɛka Hala ndɔɔ, mì ndóò piilian ya o fondala naa co ya lan, o kon mì nàà siaŋaa ho ndóò mal-la.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

1Korɛntea 14:4

Vana soo pɛ o sɔɔn mangalan celen nin, ndu pila malan. Kɛ vana tɛɛngu pɛ diom Hala-o, ndu hivi vanaa laalannda laci o laalan ndaa nin.

Esekiɛl 33:8

Te i dimul pɛ vana kɔlvesɛiyo aa: «Nɔm vana kɔlvesɛiyo a co vu!» Te nɔm (Esekiɛl) a suu o vana kɔlvesɛiyo lo a kela ndɔ vɔɔndo o kɔɔ le, vana kɔlvesɛi kon vunin lekɛ́ndɛi le tɛɛmbuu ndɔ ndu pila-o, kɛ i heelunin sɔɛi piɔ́m ndɔɔ nɔm o lebol.

Esekiɛl 3:18

Te i dimul pɛ vana kɔlvesɛiyo aa: «Nɔm vana kɔlvesɛiyo, a co vu! Te nɔm (Esekiɛl) tɛɛngul vana kon sɔɛi ken te, taa suu le vana kɔlvesɛi kon kanalanndo le kela ndɔ vɔɔndo malɔɔ a le yoomu ndɔɔ ciindiaa le, vana kɔlvesɛi kon vunin lekɛ́ndɛi o sandii lepɛŋii ndɔɛi nin, kɛ nɔm (Esekiɛl) ya handunin sɔɛi piɔ́m ndɔɔ o lebol ni.

Yeremi 27:18

Te vanaa-tɛɛngaa-diom Hala-a kpeekpei nda co ni, te Hala soo o nda lo lekɛ́ndɛi ni, mɛɛ a tɛɛlun ndɔ Mɛlɛka-Nɔ-Kpaayaa-Kpow-vo, mì ɲɛm-laandun tɔ̀un lo o Cɛi-Mɛlɛka-o nin, mì n lo o cɛi masaa Yuda-o nin a o kobio Yerusalɛm nin, a kɔa a mun Babilɔn te.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 14:11

Mí Mɛlɛka dimul-la aa: «Tɛɛlun ya o lepiɛi nin le vannda le.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

1Masaa 13:6

Mí masaa soaa, mó dimul vana-tɛɛngaa-diom Hala-o aa: «Yandi, piɛi Mɛlɛka Hala nɔmndo, mó mal-la haki, mì baa ho sengu ya.» Mí vana-tɛɛngaa-diom Hala-o piɛi Mɛlɛka, mí ba masaa siangu, mó muungu maa paandu.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

1Samiɛl 12:19

Mí nda kpow a dimul Samiɛl aa: «Tɛɛlun Mɛlɛka Hala nɔmndo le naa, yɔŋii naa n vu. Kani n handu haki celen o hakila naala paandulan coo, le tùú naa pila n ɲuna le masa celen sɔlaa-o.»

1Samiɛl 7:8

Má dimul Samiɛl aa: «Mal naa le. Piɛi Mɛlɛka Hala naa le naa le, haliko mo baŋa naa, mì n fula Filistia o ba bɛngu.»

Tɔŋ lasálàá 6:7

«Nuaa nda bɛnda le sálàla ɲɛm-vaalan solio ni: poaa Aarɔn-nda bɛnda ni mà cɔm Mɛlɛka sálà ɲɛm vaa kon o fonda-loamaa-lasálàá hɔl-ndɔ.

Tɔŋ lasálàá 6:4

Kon cuu pɛ, o soli volɔɔla co ndu lekɔɔ lan, o vownun volɔɔla súú celen, o soli pultan o dɔ́ɔ́ngɔ́ɔ̀ kɔɔli, o kɔɛ a lan nɛɛ diandaa pum.

Fulaa 18:17

Mí Yetro lefu ndɔ dimul ndu aa: «A bɛnda ma tosa lende le.

Fulaa 7:1

Mí Mɛlɛka dimul Moise aa: «Tofa vɔ, i siinguu nɔm maa hala Faraɔnnɔɔ o hɔl, mí siinguu Aarɔn bɛ nɔm vana-tɛɛngaa-diom Hala-o le nɔm.

Fulaa 4:16

Ndu Aarɔn cuanin fonda nɔmndo le sɔɛi o Israɛlla lo ni. Ndu vanin sondo nɔmndo ni, mì nɔm va maa Hala le ndu sɔɔn o bɛnda le vannda tɛɛngullo-on dimullo.

O Kandɔɔ 20:18

Kani Mɛlɛka ndóò cii nin vanlaandua va o Abimelɛk lo cɛinin-nda kpow violɔɔ tɛɛmbuu o n'dial le hiɔlɔɔ ndóò hɛlu kon Sara, lanɔɔ Abraham-ndo.

O Kandɔɔ 12:17

Kɛ mí Mɛlɛka tuisi masa kon nda vanaa ndɔa dɛnnda palaala bɛndulan coo le Sarai kon, lanɔɔ Abram pɛɛn.

O Kandɔɔ 12:15

Mí vanaa va baalaa o Faraɔnnɔɔ lo bɛ́ɛ̀-a kɔ kpingal masaa naŋɔɔ cuaa ho. Le hee, má cua ndu, má yàà ndu o cɛi lemasa Faraɔnnɔɔ nin.

O Kandɔɔ 2:17

kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»

Dɛnnda kiilaa 8:24

O kon, mí Simɔn mulul Piɛr nda Nsaŋ aa: «Niaa pila piɛi Mɛlɛka le ya, haliko ɲɛ-ɲɛ niaa dimi, o yɔŋnun ya le.»

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

O Kandɔɔ 20:8

Idiiyo púŋ, mí Abimelɛk veelu vanaa ndɔa baalaa, mó cɔm nda ɲɛ yɔŋnun ndu o lɔma sɔlaan nin-ndo. Mɛɛ vanaa kan tuei sɔɛi ken, mí siòònde bii nda taw.

O Kandɔɔ 23:6

«Yaŋ-ndɔ nilan, vana bɛndoo. Naa naa n co nɔm cɔu naa tɛɛn maa cua lemasa Hala-o. Lelan, o sɛila naalan nin, sɛi oo sɛi n ce pɛ mò hɛnan nɔm, a kumbu laa nɔm lenin. Vana-vana kuunanin nɔm laa nɔm kumbɔɔ o sɛi ndɔɔ nin te.»

2Dɛnnda lemasalan 30:18

Vanaa bɔɔ-bɔɔ fulaa o polama Efraim, Manase, Isakar a Sabulɔn-ndan nin ndáà dindin te, kɛ má dia ɲɛdiaa kafo-hiavaa-coo, nduyɛ o ve o sɛvan lende le. Kɛ, mí Esekia piɛi le nda, mó dimi aa: «Màá Mɛlɛka, o co vana kɛndɔɔ-o