O Kandɔɔ 20:12 - BII BILA

¹² Kɛ hali a kon, yema nuu lekɛ́ndɛi o co ni. Kani fuɲa pilɔɔ naa n co naa ndu ni, kɛ n co kala pilɛ le. O co macoaa o siŋnun nin laa ni.

O Kandɔɔ 20:12 Referans Kwoze

O Kandɔɔ 11:29

Mí Abram yil lanɔɔ, diolan Sarai. Mí Nahɔr bɛɛ yil lanɔɔ, diolan Milka, cua Haran-ndo o va ni. Haran kon koni velu vɛlɛ Yiska ni.

1Tesalonikea 5:22

La mandán le dɛnnda vɔɔnndan kpow.

O Kandɔɔ 12:13

Lelan, a ɲuna nɔm pɛ, a dimul nda aa yema nuu n co ni, le mɛɛ nda ca ya ɲia mì lo yoomu le nɔm yɛ.»

O Kandɔɔ 20:2

Mó dimul vannda maa yema ndɔ Sara co ni, nduyɛ laa ndɔ o va ni. O kon, mí Abimelɛk, masaa Kerar cua ndu le ndu siinguuo laa ndɔ.

O Kandɔɔ 20:11

Mí Abraham mulul ndu aa: «Yiyan nuu va ni maa ɲɛ-pɔmbɔ bɛɛ vannda ha nanu a nɔ siòòŋii Hala le, maa taa sina pɛ maa laa nuu cuaa ho co ni, a dii ya le ndu.

O Kandɔɔ 20:13

Tuma Hala faŋa ya o yungu fuɲa nuu nin mí can kelaa o lɛŋnde nin-ndo, mí dimul laa ni kalaa maa fonda oo fonda naa n tiiya pɛ, o yiyan ya coo mò dimul vanaa naa n komalnin lon-nda maa yema ndɔ ya co ni.»

O Kandɔɔ 26:7

Mɛɛ pilacieea Kerar a ɲuna ndu a dɛnɛ laa ndɔ-o o kɔɔ, mó mulul nda aa: «Yema nuu o co ni.» O cɛl le dimio maa laa ndɔ le Rebeka va le. Kani siòònde va ndu ni, yɔŋii vanaa kan ndáà dii ndu o laa ndɔ coo, bau Rebeka laa ndɔ ndóò naŋ taw.

2Samiɛl 13:13

Kuɛɛ nɛ ya kɔa yɛnin a siɛmbula lan? Ken tosan pɛ, nɔm bɛɛ siŋnun vana fondo-fondoo Israɛlla tɛɛn. Taa yeema ya pɛ, o co fisa ma kɔ fula masaa o hɔl. O kɛɛnin mò tuŋ nɔm ya le.»