O Kandɔɔ 2:8 - BII BILA

⁸ O kon kɔɔli, mí Mɛlɛka Hala soli nakɔɔ o lɛŋnde Edɛn-nden nin, a ba paalen le can-ndo, mó mal vanapɔnɔ o cɔw kon-ndo o nakɔ kon nin.

O Kandɔɔ 2:8 Referans Kwoze

Esekiɛl 28:13

A va icali Edɛn, o nakɔ Hala-o nin, a va o kumbaa a powta báà kàlàla súú-súù ka: sarduan, topas, diamannde, krisolite, onikse, yaspe, safir, pow siaŋa báà kalaa a emerɔd. Kelan nɔmndon va n'cɔavaa a sianion, paale n cɔwnun-nden kelan mun bɛɛndian ni.

O Kandɔɔ 3:24

Mɛɛ Mɛlɛka soli ndu o nakɔɔ nin lende, mó handu mɛlɛkaa kanda ɲɛm Hala-on-nda kpalillo o nakɔ kon sondoo a mɔɔn leyinndon o laba. Má va mun hiŋndo le nɛi yɔm cindaa kon cumullo.

O Kandɔɔ 13:10

Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

Yɔɛl 2:3

Yinnden le co kɔlan a ɲɔɔn lomɔɔ nda laci, yelenyelenndo co kɔlan a ɲɔɔn siowvo cuuloo mungén nda kɔɔli. Paandu, lɛŋnden le vannun maa nakɔɔ Edɛn, kɛ kabi nda luɛi lenin, le siŋnun lɛŋnde veselɛile imɔnɔlen. Ɲɛ-ɲɛ helun nda le few.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

2Masaa 19:12

Vɛ̀ɛ̀ mí halaa vanaa-mangalaa-isɔaa fuɲaa nia mamaa diw-va tiw pá ba nda baŋaa? Vannda Kosan, vannda Haram, vannda Rɛsɛf a poaa Edɛŋaa co Telasar-a pɛɛn.

O Kandɔɔ 4:16

O kon, mí Kain faŋan Mɛlɛka o hɔl, mó kɔ calnun o lɛŋnde Nɔd len nin, lɛŋnde len le va lɛŋnde Edɛn-nden a ba paalen le can-ndo.

Esekiɛl 31:16

Tuma ya va ndu tuisio ciee-piɔ́m nda vanaa co tolɔɔ o soondo nin o puuloo bɛngu-a latulu-o, telen o va kombaa-o, mí hiiluu vanaa-mangalaa-isɔɔa, má ɲiiya. Mí yɔmnde Edɛn kpow i sɔla ɲɔɔloo o puuloo bɛngu di-di, mí yɔmii hiow naŋɔɔ a sɔvɛyɛi Liban-nde, i nɔ mɛnndan lebɛngu-e i hini kɔl ɲɛkɛndɛi.

Esekiɛl 31:18

O yɔmnde Edɛn tɛɛn faw, a nɛ̀ɛ́-nɛ̀ n velan yɛ o biiloo a o bɔɔbɔɔyɛi nin? Nɔm yɛ, a co nɔm tuisi o puuloo bɛngu di-di niaa yɔmii ken Edɛn latulu. A yambunin nɔm vanaa dii tooma le-a tɛɛn niaa vanaa vi o mɔɛi cɔwve bɛngu-a! Lende dɛnɛ masaa Esipte a dɛnɛ vanaa ndɔa sɛ́lɛ́a vanin ni. Ya Maalii, ya co Mɛlɛka-o soo nuaa ni.»

Esekiɛl 27:23

Haran, Kannee a Edɛn, yulaa Saba, haa Asiri a haa Kilmad va vɔngula ndalan tosaa niaa ndaa,

O Kandɔɔ 3:23

Le hee, mí Mɛlɛka Hala toaw vanacieo, mó soli ndu o nakɔɔ Edɛn nin, haliko mo kɔ va vallo tosaa o lɛŋnde o fula o puulu ndɔɔ nin-nden coo.