O Kandɔɔ 2:7 - BII BILA

⁷ Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

O Kandɔɔ 2:7 Referans Kwoze

1Korɛntea 15:45

Nduyɛ o sɛvan aa: «Vanaciee tasoo, o co Adam-ndo, o falun ivanacieeyaan nin o va ni, kɛ Adam mɛɛlaa ndu, kɔl yɔngu vana yoomoo-o o yɔŋnun ni.»

SƐBƐ YƆB-O 33:4

Kɔl Hala-o toosiaa ya ni, Hoiyii Ó-Hiow-Kpaayaa-Kpow-vo-e co tosaa ni mì va yoomu.

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

Dɛnnda kiilaa 17:25

O nɔ mako mì vana yɔngu ndu ɲɛ-ɲɛ le, kani ndu ke vana yoomoo, kɔllo a ɲɛm tɔ̀un kpow ni.

1Korɛntea 15:47

Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

SƐBƐ YƆB-O 27:3

maa te yoomoo co vɔ pɛ ya o n'dial, mì hoeyii Hala-e co vɔ ya fulaa o milin,

O Kandɔɔ 7:22

Mí ɲaa yoomaa hoeiye va fulaa o milin-nda kpede, a va o lɛŋnden coo-a, a cuu vu.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Condii lisai 103:14

Mɛlɛka sinà mɛɛ o toosiaa naa yɛ, o sinà maa a puuloo ɲɛ-pɔmbɔ daama naa n cownun ni.

Condii lisai 100:3

La sinà maa Mɛlɛka co Hala ni, ndu cɔw naa ni, a ndɔa naa n co ni, vanaa ndɔa pɛɛn, vanaa o co baloo dɔvɔɔ-a.

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

Esai 2:22

Yɛɛ nɛ vanacieo co yɛ kpeekpei!» Yoomu co ndu o milin-ndo bendu le. Lelan, la pɛngi vanacieo kɔnganndo.

O Kandɔɔ 3:23

Le hee, mí Mɛlɛka Hala toaw vanacieo, mó soli ndu o nakɔɔ Edɛn nin, haliko mo kɔ va vallo tosaa o lɛŋnde o fula o puulu ndɔɔ nin-nden coo.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Talelan 20:27

Fitina Mɛlɛka tosa le yoomu vanacieo-vo co kɔl ndɔɔ ni, ndu teengiaa yiyannda co ndu nin-ndan ni.

SƐBƐ YƆB-O 33:6

Hala o hɔl, maa nɔm ya co ni, ya bɛɛ o puuloo nin ya fula ni.

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

2Korɛntea 4:7

Kɛ naa nɔ ɲɛ-sɔlaa kɔl kon-nda co macoaa maa kpɛɛnɛn puulu. Haliko mi vana sínà maa Hala o ba kpaaya bɛndu kon fula ni, o co naa o ba le.

Nsaŋ 20:22

Mɛɛ o cii sɔɔn mun dimi, mó hul nda, mó dimi aa: «La sɔla Hala Kɔl-Diandaa.

SƐBƐ YƆB-O 4:19

vɛ̀ɛ̀ o laalan yɛnin vanacieaa co haa icali o cɛila cɔwnun a bɔ́wvo lan nin-nda? Vɛ̀ɛ̀ o laalan yɛnin vanaa calta ndalan la kilan haa o cundoo nin-nda, à vana pusu haa cɔ́-cɔ́ maa dɛlu-a?

Kundalan 27:16

«Màá nɔm Mɛlɛka Hala pila, nɔm nɔ yoomu ɲɛm yooman cɔwnun-ndon kpow o ba-o hɛli simlacinɔɔ le vannda ha!

Vana Kɔlkaloo 3:7

Telenndo co le sɛɛsaa, telenndo co le sɔndɔɔ, telenndo co le meiyo, telenndo co le sɔɛi.

1Timote 2:13

Kani Adam fɔlɔn cɔwnun ni, o kon kɔɔli Hava.

O Kandɔɔ 2:6

Fɔ mɛmma va fulaa lɛŋ-ndan ma va lɛŋnden pɔɔliaa ni.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Esekiɛl 37:5

Nuaa Maalii, o co Mɛlɛka-o dimul niaa paalan ni aa: La tofa vɔ, i co niaa yoomoo mingi nin, mì la muungu a kiyɛi.

O Kandɔɔ 1:27

Mí Hala cɔaw vanndacieea a velan ndɔɔ, a velan ndɔ ndu pilaa o cɔw nda ni, vanapɔnɔɔ a vanalanɔɔ o cɔw ni.

Esekiɛl 37:6

I minginin ɲɛsuan niaa coo, mì tosa mì vision vil niaa coo, mì kumbu niaa a yáw n'visio, mì mingi niaa yoomoo nin, mì la muungu a kiyɛi. La sinanin o kon maa ya co Mɛlɛka ni.»