O Kandɔɔ 2:4 - BII BILA

⁴ Nuaa Hala cɔw halataalaa a lɛŋnden o ceendo kandɔɔ ni. Tuma Mɛlɛka Hala cɔw halataalaa a lɛŋnden-ndo,

O Kandɔɔ 2:4 Referans Kwoze

O Kandɔɔ 5:1

Sɛbɛ diola cuavaa Adam-nda a cuavaa ndɔa imamaa co hoo ni: paale Hala cɔw vanndacieea len, mó toosiaa nda a velan ndɔɔ.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

SƐBƐ YƆB-O 38:28

Piɔɔ nɔ pá fuɲaa? mɔmndo yɛ, nɛ̀ɛ́-nɛ̀ velu yɛ ndu?

1Masaa 18:39

Telen vannda kpow ce kon-ndo, má deli a kuumbuannda lɛŋ, má dimi aa: «Mɛlɛka co Hala kpeekpeiyo ni! Mɛlɛka co Hala kpeekpeiyo ni!»

Fulaa 15:3

Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

O Kandɔɔ 36:1

Dɛnɛ yungu Esau-vo yɔŋnun hoo ni, Esau kon nɔ vɛlɛ diolan ni aa Edɔm.

O Kandɔɔ 1:31

Mí Hala mɛɛndan ɲɛm o cɔw-von kpow, mó ca maa n naŋ taw. Mí ɲɔɔ yɔŋnun icɔllo a ipalaa. Paale ŋɔmpumndɔlen le yɔŋnun nden ni.

O Kandɔɔ 1:4

Mí Hala ca maa ɲɛ-tengaa naŋ. O kon, mó sɛi ɲɛ-tengaa a ɲumndan.

Condii lisai 18:31

Nɛi Hala-o co o tiwnanndo, sɔɛi Mɛlɛka-e co sɔɛi toɲa. Ndu Mɛlɛka co kɔ̀ɔ̀ cɔwvo le vanaa viannun ndu o ba bɛngu-a kpow ni.

2Dɛnnda lemasalan 20:6

mó piɛi aa: «Mɛlɛka, Hala fuɲaa naa mamaa co o halataala-o. Vɛ̀ɛ̀ o co nɔm te co masalen tosaa o masɛi co o lɛŋnden kpow coo-e coo le? Nɔm o ba yoomuan a kpaayaa co ni. Lelan, vana-vana nɔla mò simul nɔm te.

Fulaa 6:16

Diola poaa Levii-a a polama ndan la co lan ni: Kɛrsɔn, Kehat a Merari. Vɔsila Levii cii yoomu o ceendo coo lan la va kɛmɛ a beleyaa a laŋɔmmɛw.

O Kandɔɔ 36:9

Dɛnɛ yungu Esau-vo yɔŋnun hoo ni, fuɲa-mama Edɔmnda pɛɛn, ó va icali o pembei Seir coo-o.

O Kandɔɔ 25:19

Polale Isaak len le yɔŋnun nden ni. Abraham velu Isaak kon ni.

O Kandɔɔ 25:12

Diola cuavaa-imamaa Ismaɛl-la la co lan ni, po Abraham velu nda Akar-o, buɛi laandu Esiptenɔ va Sara o ba-o pɛɛn.

O Kandɔɔ 11:10

Diola vanpiaandua fula o polale Sɛm-nden nin-nda la co lan ni. Sɛm ndóò nɔ vɔsilan kɛmɛ mó vialu Arpaksad. Vɔsila tiɔn o kpundɛ mɛmma bɛndoo kɔɔli kon yɔŋnun ni.

O Kandɔɔ 10:1

Kpundɛ mɛmma bɛndoo hiovɔɔ, mí poaa Noe-a, Sɛm, Ham a Yafɛt a vialu cuawva. Yungula ndalan la yɔŋnun ndan ni:

O Kandɔɔ 1:28

Mó dɔaw nda duaa, mó dimul nda aa: «La náŋ ipúlú, la kuí, la pei lɛŋnden ca mì la va vanaa bɛndua lecoo. La tosá masalen suvaa co o mɛnndan nin-nda, yovaa co coocoo-a a visia pɔmbɔa kela lɛŋ-nda kpow coo.»

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

Dɛnnda cɔɔmuanndan 16:5

Mí tuɛi mɛlɛkanɔ va mɛnndan bollen-ndo dimio aa: «A sandu, nɔm o diandaa, nɔm co má va paandu-o. A cii yamɛi nɔmnde kiolɔɔ.

Dɛnnda cɔɔmuanndan 11:17

Má va dimio aa: «N mel nɔm balika, Mɛlɛka Hala nɔ kpaayaa kpow-vo, nɔm co-o, nɔm va-o, le tùú n cɛn a kpaaya nɔm bɛndoo, má cua masalen-ndo.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Condii lisai 86:10

Kani a co o bɔɔ, a co sɔɔn kaaman tosaa, nɔm pilɛ kpé co Hala kpeekpeiyo ni.

O Kandɔɔ 1:3

Mí Hala dimi aa: «Ɲɔ́ɔ́ téngá!» Mí ɲɔɔ tèngà.

O Kandɔɔ 2:3

Mó dɔaw paale ŋɔmmɛwndɔle len duaa, mó siinguu len paale pɛngiaalen, kani ɲinkon o pɛngi a baala ndɔ cɔavaa ni.

SƐBƐ YƆB-O 38:4

«Kuɛɛ nɛ n va yɛ, telen yáà kandu lɛŋnden kilaa-o? Taa kendu pɛ kɔl, mɛɛ dimul-la.