O Kandɔɔ 2:3 - BII BILA

³ Mó dɔaw paale ŋɔmmɛwndɔle len duaa, mó siinguu len paale pɛngiaalen, kani ɲinkon o pɛngi a baala ndɔ cɔavaa ni.

O Kandɔɔ 2:3 Referans Kwoze

Tɔŋ lasálàá 23:3

La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Marke 2:27

O kon mó dimul nda aa: «Paale pɛngiaalen le toosian le vanacieo ni, kɛ o co vanacieo le toosian le paale pɛngiaalen te.

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Luke 23:56

Má muungu, má kɔ bɛɛndiaa ɲɛm cun kɛndɔn a ansan. O kon má pɛngi o paale pɛngiaalen coo mɛɛ tɔŋ ndaa va yɛ.

Fulaa 34:21

La tosa baalalan kpow o palɛi ndii ŋɔmpum bɛngu, kɛ paale ŋɔmmɛwndɔlen, la mal baalalan mì la pɛngi. O va telen lavayiaa, te kon te telen koavaa, la bɛnda mì la tosa baala o paale ŋɔmmɛwndɔlen coo le.

Nehemi 9:14

Má viam Moise vana nɔm baalaa, mó cɔm nda paale nɔmnde pɛngiaale diandaalen, o kon má pɛɛku nda sɔɔn a tɔŋnda celen.

Fulaa 23:12

O palɛi ndii ŋɔmpum bɛngu, la tiwba mì la tosa baalala niaalan kpow. Kɛ o paale ŋɔmmɛwndɔlen coo, la bɛnda mì la tosa baala le, haliko mi navaa niaa a sofɛlɛa niaa sɔla pɛngio, mì poaa cɛa niaa laandua a mialaa co niaa o bɛngu coo-a sɔla vɛlɛ yoomuma sɛnɛi.

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

O Kandɔɔ 2:2

Mɛɛ Hala cii baala kon tosa kpow, mó mal vallo, mó pɛngi o paale ŋɔmmɛwndɔlen coo.

O Kandɔɔ 2:4

Nuaa Hala cɔw halataalaa a lɛŋnden o ceendo kandɔɔ ni. Tuma Mɛlɛka Hala cɔw halataalaa a lɛŋnden-ndo,

O Kandɔɔ 1:31

Mí Hala mɛɛndan ɲɛm o cɔw-von kpow, mó ca maa n naŋ taw. Mí ɲɔɔ yɔŋnun icɔllo a ipalaa. Paale ŋɔmpumndɔlen le yɔŋnun nden ni.