O Kandɔɔ 2:25 - BII BILA

²⁵ Vanapɔnɔɔ nda laa ndɔ á va tumnda fondo nda ŋiɔn kpow, kɛ vana-vana ve lasiɛmbu yɔŋ a o pilɔɔ le.

O Kandɔɔ 2:25 Referans Kwoze

O Kandɔɔ 3:7

O kon, mí hɔlta ndalan la kumbin nda ŋiɔn kpow, má cannan maa tumnda fondo nda va ni. Le hee, má sɔandu pei voosoei, má yiwnun ndi o caŋ maa lakola.

Rɔmnda 10:11

Sɛbɛ Hala-o dimi aa: «Vana-vana laalan ndu pɛ, siɛmbula biinin ndu le.»

Yɔɛl 2:26

La vanin ɲɛdiaa dioo a pumndo, la lisanin Mɛlɛka Hala niaa, o tosa dɛnnda kaamaala bɛndulan le niaa-o pɛɛn. Le fɛɛn a fɛɛn nin, siɛmbula bii lɛnin yungu nuu le.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Esai 47:3

La fulanin tumnda fondo kpendekele, mì la tambu labɛɛ kpede. I minginin màá nuu, i kpakpalanin vana-vana le.

Luke 9:26

Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.

Esekiɛl 16:61

A loonunnin a kela nɔmndo o kɔɔ mì siɛmbulan la bii nɔm lɔ́ɔ́ n sɔɔnguunin bɛndaa nɔmaa laandua a à pɔmbɔa ikɛi-yo. I yɔngunin nɔm nda mà siŋnun maa cuavaa nɔmaa laandu, kɛ o co le kpema co naa tɛɛn naa nɔmndo le!

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Condii lisai 25:3

Vanaa tiindan nɔm-nda kpow, o kɛ́-kɛ̀ siɛmbula biinin te. Kɛ vanaa co nɔm dúmbóó yiiyo-a siɛmbulan la biinin ni, mà lo bala fondo.

Fulaa 32:25

Mí Moise sina maa vannda co a malnannda, má va yeemɛi nda pila-e tosaa, kani Aarɔn léndu nda hɔlla coo le, o mal nda má cuu labɛɛ yaamɔaa ndaa o hɔl.

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Esai 44:9

Vanaa cɔaw piɔmnda-a, vanaa fondoa fúú nda co ni. Ɲɛm ndan kɛndɛn hiow naŋɔɔ-on n nɛŋi kpeku oo kpeku le, ɲɛm mun pila co seilen tɛndaa kpendekele: ɲɛm nda cɔaw-von ci le, n sina ɲɛ-ɲɛ le. Siɛmbulan la tol nda pila vanaa cɔw mun-nda.

Condii lisai 31:17

Teengiaa hɔlaa nɔmnda ya coo, ya vana nɔm baalaa. Ciindiaa ya le vanakɛndɛyɛi nɔmnde.