O Kandɔɔ 2:17 - BII BILA

¹⁷ kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»

O Kandɔɔ 2:17 Referans Kwoze

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Nsaki 1:15

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

1Timote 5:6

Kɛ vanalanɔ pɔnɔ ndɔ vi mò va yeemɛi ndɔɛi ndu pila-e tosaa-o, maa vana vílɛ́i koni ndu co nin ni, hali o va bɛɛ yoomu.

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

1Korɛntea 15:22

Mɛɛ Adam yɔŋnun sabu mí piɔ́mndo va vannda kpow kuee yɛ, lende koni Krista yɔŋnun sabu le tendul vanvílɛ́iya ni.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

1Korɛntea 15:56

Kefii piɔ́mnde i co hakio ni, kpaaya hakio co tɔŋndo ni.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Esekiɛl 18:32

Nduyɛ ya, i yeema mi vana co vuo-o vi le. Lelan la mangalan mì la va yoomu.» Sɔɛi fula Maalii, o co Mɛlɛka-o o sondo-e co ken ni.

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

O Kandɔɔ 3:11

Mí Mɛlɛka Hala ɲuna ndu aa: «Nɛ̀ɛ́ cɔm yɛ nɔm maa tum fondo n co ni? Mò va maa kɔmnde yɔm ya kuuna nɔm le dioo len n de ni?»

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Esekiɛl 33:8

Te i dimul pɛ vana kɔlvesɛiyo aa: «Nɔm vana kɔlvesɛiyo a co vu!» Te nɔm (Esekiɛl) a suu o vana kɔlvesɛiyo lo a kela ndɔ vɔɔndo o kɔɔ le, vana kɔlvesɛi kon vunin lekɛ́ndɛi le tɛɛmbuu ndɔ ndu pila-o, kɛ i heelunin sɔɛi piɔ́m ndɔɔ nɔm o lebol.

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Esekiɛl 33:14

Te i dimul pɛ vana kɔlvesɛiyo maa o co vu, te vana kɔlvesɛi kon mal pɛ haki o va coo-o, mò kela kela sandaa o sakpoyɛi nin, mɛɛ o baŋa yoomu ndɔɔ.

Tɔŋ miingua 30:19

I cua hau halataalaa a lɛŋnden seilen le sɔɛi he. I kɛsi yoomoo a piɔ́mndo niaa laci, i kɛsi vɛlɛ duaa a dangaa niaa laci. Lelan, la cua yoomoo haliko mi la va yoomu, niaa a cuavaa niaa.

Tɔŋ miingua 30:15

«La tofa vɔ, i kɛsi hau yoomoo a dɛnɛ kɛndɔɔ niaa laci, i kɛsi vɛlɛ piɔ́mndo a dɛnɛ vɔɔndo niaa laci.

Esekiɛl 18:13

mó mal kueo le tɔnɔɔ sɔlaa, mó mal dɔndɔɔ le ndu mingullo a tɔnɔɔ lecoo, vɛ̀ɛ̀ po kon viawnin pá yoomu? O viwnin yoomu le! Le dɛnnda o tosa lan-ndan, o bɛnda mò vi kangalan, ndu pila nuwviaa piɔ́m ndɔ kon ni!

1Masaa 2:42

O kon mí masaa Salomɔn viam vanndo le Semei veeloo. Mó dimul ndu aa: «A sina maa mí yáà mɛnalan nɔm o diola Mɛlɛka lan maa paale n faŋannin Yerusalɛm mà kɔɛ nɛɛ celen-nden, a co ɲinkon piɔ́mndo sɔla. Mí nɔm pila mulul-la aa: ‹Ava, i tuei, o bɛnda.›

1Samiɛl 14:39

Te Mɛlɛka co yoomu, Mɛlɛka co vana ciindiaa Israɛlla-o pɛɛn, vana-vana sɔɛi ken bii pɛ, o bɛnda mò vi, hali Yonatan po ni sɔɛi ken bii ni!» Kɛ o vanaa cɔvaa kan kpow tɛɛn, vana-vana mulul ndu le.

Tɔŋ miingua 27:26

Màá dangaa va vana kɛɛnin le sɔɔn tɔŋndo biyɔɔ, mò kɛɛ le kelaa lecoo-o coo! Vannda kpow a cɛlnin aa: ‹Amiina!›»

Kundalan 26:65

kani Mɛlɛka ndóò dimul nda nin maa a co cuvɔɔ vu kpede o lɛŋnde veselɛilen nin. Vana pilɛ bɛɛ ve lɛ yoomu le, fɔ Kalɛb po Yefune-o a Yosue po Nun-ndo.

O Kandɔɔ 20:7

Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

O Kandɔɔ 2:9

Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.

Dɛnnda cɔɔmuanndan 20:6

Dɛnɛ kɛndɔɔ co le vanaa tendul tendul tase kon, má muungu yoomu-a. Vanaa diandaa nda co ni. Piɔ́m diinndɔɔ nɔ lɛ nda kpaaya coo le. Nda vanin vanaa-solia-lasálàá le Hala a le Krista ni. A tosanin masalen nda ndaa latulu o vɔsila vaa pilɛlan bɛngu.

Yeremi 26:8

Telen Yeremi va vanaa kan sɔɔn Mɛlɛka dimul ndu le nda tɛɛngullo-on siowvo dimullo-o, má bii ndu a dimio aa: «A bɛnda ma sɔla piɔ́mndo.

1Samiɛl 22:16

Mí masaa dimul Ahimelɛk aa: «Nɔm Ahimelɛk, diwvo ya co niaa ni kpow niaa yungu nɔmndo.»

1Samiɛl 20:31

Kɛ nduyɛ, te po Yisai-yo ho co vɔ pɛ yoomu o lɛŋnden nden coo, nɔm a siŋnunnin vanapɔnɔ lɔ́ɔ́-lɔ́ɔ̀ le, hali masale nɔmnden bɛɛ le venin lemasa le. Lelan viom vannda mà kɔ bii ndu, mà cuu ya ndu nanu, kani o bɛnda mò vi.»

1Samiɛl 14:44

Mí Saul mɛnan aa: «Nɔm Yonatan, taa sɔla piɔ́mndo le, mɛɛ Hala tuisí sanga hiow sangalan kpow-vo ya coo!»

1Masaa 2:37

Sina pɛngu maa paale n faŋannin ciee nanu mà taŋ pee pɔmbɔɔ Sedrɔn-nden, a co vu ɲinkon. A vi yɛ pɛ mɛɛ nɔm pila nuwviaa piɔ́m kon ni.

Masaa kialaa n'yamaa 3:2

Ndóò yeema mì Israɛlaa felengia va cɔnɔnndo sɛnɛi-ya, áà sina vɔ dɛnɛ cɔwvo le-a ndáà pɛɛku cɔwvo.