O Kandɔɔ 2:14 - BII BILA

¹⁴ Tɛyii yàándɔɛi va Tikre ni, ndi kei o lɛŋnde Asiri len a ba paalen le can-ndo ni. Tɛyii hiɔɔlundɔɛi pee kon va Efrate ni.

O Kandɔɔ 2:14 Referans Kwoze

Daniɛl 10:4

O paale bidiin a lehiɔɔlundɔlen coo o paangii tasei nin, i va isisi o pee bɛndoo Tikre kɔngɔ,

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

Dɛnnda cɔɔmuanndan 9:14

mó dimul mɛlɛkanɔ ŋɔmpundɔ bulu hɔŋaa va o ba-o aa: «Tiimbuu mɛlɛkaa hiɔɔlua co haa a yiyaa a yɔlɔn o pee bɛndoo Efrate kɔngɔ-a.»

Tɔŋ miingua 11:24

Fonda oo fonda niaa pila pɛ pelei, niaa nɔnin fonda kon ni. Lɛŋnde niaalen le cannin a lɛŋnde veselɛilen, mì le kɔ tiiya háá Liban, le cannin vɛlɛ a pee bɛndoo Efrate, mì le kɔ tiiya háá o mɛmma ihɛllan Mediteranee.

Tɔŋ miingua 1:7

Lelan, la puusiaa dɔ́ɔ́ngɔ́ɔ̀ mì la kɔɛ laci. La kɔ o tàndá n'pembu Amoriia nin a o tàndàla balu lon-ndan kpow nin: dɛɛlala vesɛilan, pembon, dɛngbɛlan, tàndá co o mɛmma ihɛllan kɔngɔ-o, Nekɛv a o mɛnndan demullo. La luɛi o lɛŋnde Kanannda nin a o lɛŋnde Liban-nden nin háá o pee bɛndoo Efrate.

O Kandɔɔ 25:18

Mí cuavaa ndɔa a cuavaa ndɔa imamaa cal o lɛŋnde cɛn Havila le kɔlan Sur len nin, o lɛŋnde Esipte len ikɛi, le kɔlan a ba Asiri-o. Lende nda cal polama cuavaa tɔ̀a Abraham-nda levil ni.

O Kandɔɔ 10:22

Poaa Sɛm-nda va haa ni: Elam, Asur, Arpaksad, Lud a Aram.

O Kandɔɔ 10:11

Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala,

O Kandɔɔ 2:13

Tɛyii diinndɔɛi pee kon va Kihon ni. Ndi balu lɛŋnde Kus len kpow ni.

O Kandɔɔ 2:15

Mí Mɛlɛka Hala cua vanapɔnɔɔ, mó mal ndu o nakɔɔ Edɛn nin le baalaa tosaa lenin a le nakɔ kalaa mandaa.

Esekiɛl 23:23

Poaa Babilɔn-nda, Kaldea kpow, vannda Pekɔd, haa Soa, haa Koa a poaa Asiri-a kpow a vanin nda ndaa latulu, felengia naŋ hɔlla-a nda co ni, nda kpow masaa n'bungaa a simlacia nda co ni, vanaa bɛndua lelɛŋnda a vanaa ɲaanun o soa coo-a nda co ni.