O Kandɔɔ 2:1 - BII BILA

¹ Nuaa halataalaa, lɛŋnden a ɲɛm co lenin-ndon kpow n cuu cɔvɔɔ ni.

O Kandɔɔ 2:1 Referans Kwoze

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Fulaa 31:17

Tɔɔmasele kon vanin naa tɛɛn naa Israɛlla le fɛɛn a fɛɛn ni. Kani ya Mɛlɛka, i cɔw halataalaa a lɛŋnden o palɛi ndii ŋɔmpum bɛngu, o paale ŋɔmmɛwndɔlen coo, mí mal baalaa le pɛngio.›»

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

Esai 45:12

Ya cɔw lɛŋnden ni, ya pila cɔw vɛlɛ vanacieo lecoo ni, ya ni, bala nilan la tondu halataalaa ni, ya pila toosiaa kpaayala co lenin-ndan kpow ni.

Condii lisai 146:6

Mɛlɛka cɔw halataalaa ni, lɛŋnden, mɛmma ihɛllan a ɲɛm co lenin-ndon kpow, Mɛlɛka lo o lediom coo lɔ́ɔ́-lɔ́ɔ̀-o o co ni.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Condii lisai 33:9

Kani o soo pɛ, sɔɛi ken peelun, o dimi dɔ́ɔ́ pɛ ɲɔɔ tosan.

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

2Dɛnnda lemasalan 2:12

I co nɔm vanapɔnɔ kɔlkalu caa baalaa taw-vo vim, Hiram-Abi pɛɛn,

Hebreea 4:3

Naa n laalan-nda, n co luɛyɔɔ o pɛngi Hala dimi kon sɔɛi ndɔɛi-yo nin, o Hala dimi-o aa: «Mí mɛnan a kɔltuwvo aa: ‹A lueinin o lɛŋnde ya toosial nda pɛngio nin-nden te few!›» Nduyɛ, Hala ndóò cii nin vali ndɔɔ kabi telen o cii ceendo cɔvɔɔ-o.

Dɛnnda kiilaa 4:24

Ndáà tueyɔɔ sɔɔn mun, mí nda kpow a piɛi Hala o diom pilɔɔ nin aa: «Mɛlɛka, nɔm cɔw halataalaa, lɛŋnden, mɛmma ihɛllan a ɲɛm co lenin-ndon kpow ni.

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Yeremi 10:12

A kpaaya ndɔɔ Mɛlɛka cɔw lɛŋnden ni, a kɔlkalu ndɔɔ o kila ceendo ni, a dɛnɛ sinaa ndɔɔ o pɛngɛla lɛŋnden ni.

Esai 65:17

Tofa vɔ, i co halataala sɛnɛiyo a lɛŋnde sɛnɛilen cɔvɔɔ, vana loonun ndɛnin a dɛnndan paandu le, yiyan kon del-lɛnin vana o kɔl te.

Esai 48:13

Ba nuu kila lɛŋnden ni, ba ni kɛndɔɔ tondu halataalaa ni. I veelu dɔ́ɔ́ pɛ ɲɛm mun, n cɔmnun ya dɔ́ɔ́ vellaa-velle.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

O Kandɔɔ 2:4

Nuaa Hala cɔw halataalaa a lɛŋnden o ceendo kandɔɔ ni. Tuma Mɛlɛka Hala cɔw halataalaa a lɛŋnden-ndo,

O Kandɔɔ 1:10

Mí Hala ke kɔngɔ vesɛi fula-o diolan aa lɛŋnden, mó ke mɛmma diinun man nɛɛ pilɛ-an diolan aa mɛmma ihɛllan. Mí Hala ca maa ɲɔɔ naŋ.

Tɔŋ miingua 17:3

mò kɔ sooluu halaa celen, mò tundun tombun celen o labɛngunin, mò sooluu paalen, paangei, te kon te ɲɛm co o halataala-on, mɛɛ o tosa ɲɛ ya kuuna-o.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Esai 55:9

Kani mɛɛ halataalaa co lɛŋnden coo polon yɛ, lende koni nɛila nilan la hiow nɛila niaalan ni. Lende koni yiyannda nilan la hiow laniaalan ni.

SƐBƐ YƆB-O 12:9

Kani o nda kpow tɛɛn, ɔ́ɔ̀ o pɔw maa ba Hala-o cɔw ɲɛm mun ni-o?

Dɛnnda kiilaa 7:42

Kɛ mí Hala mulul nda kɔɔ, mó mal nda ɲɛm co o halataala-on sooloo. Maa mɛɛ o co o sɛvaa o sɛbɛla vanaa-tɛɛngaa-diom Hala-a nin yɛ aa: ‹Niaa cuavaa Israɛlla sei, mò va maa sálàla n'cɔlulan a sálàla kpeyanndan niaa va ya solullo o vɔsila belehiɔɔlula niaa cii nɛi-tɛɛn o lɛŋnde veselɛilen nin-ndan bɛngu ni?

Luke 2:13

Fɔ́ɔ́fɔ̀, mí mɛlɛkaa fula kunda bɛndoo o halataala, má sɔɔnguu mɛlɛkanɔ kon ikɛi. Má va Hala biiloo a dimio aa:

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,