O Kandɔɔ 19:9 - BII BILA

⁹ Má mulul ndu aa: «Faŋan naa o hɔl! Nɔm hin kaunalen o naa lo-o a hin naa tɔŋndo hendul. N co mɔnɛ soli a nɔm mò hiow bɛɛ ɲɛ naa n co tosa a nda-o, a co bila biinɔn.» Má ɲindu Lɔt voŋ, má hiaw le kɔlan dioo bɛŋio.

O Kandɔɔ 19:9 Referans Kwoze

Fulaa 2:14

Mí langbanɔ kon mulul ndu aa: «Nɛ̀ɛ́-nɛ̀ siinguu yɛ nɔm simlacinɔɔ a yamanɔɔ naa coo? Bàà a yeema ma dii ya mɛɛ n dii ciɛi Esiptenɔɔ yɛ?» Mɛɛ Moise ce maa vannda sina sɔɛi ken, mí siòònde bii ndu.

O Kandɔɔ 13:12

Mí Abram ndu cal o lɛŋnde Kanaan-nden nin, mí Lɔt cal o kobila va o dɛɛla kon nin-ndan nin, mó simi cɛila-kolala-toandaala ndɔlan háá Sodɔm ciee-lekɔɔ.

Matie 7:6

La ke tunnda ɲɛm diandan te, yɔŋii nda mulin ma kisikisi niaa. La vuulu pewva ɲɛm niaan báà kalan te, yɔŋii nda nɛw mun.»

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Esai 65:5

a co dimio aa: «Nannun ndon polon, sɔɔnguu ya ikɛi le, kani (taa pilan pɛ ya), a siŋnun o diandaa siŋnun teengen-ndo». Kon kpede kumnde o co ya o milin ni, yinnde co niinoo sandei kpɛŋ nden o co ni.

Vana Kɔlkaloo 10:13

Kani o kandu pɛ sɔɛi o dimi sɔɔn idiɔmndon, o va vɛlɛ pɛ siowvo o dimi sɔɔn fondo-fondon.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Talelan 27:3

Pow bɛndoo lusul, sióónndon bɛɛ n lusul, kɛ kɔltambɛiyo diɔm sondo vesɛiyo hiow ɲɛm mun kpede lusullo.

Talelan 17:12

O co fisa mì vana bɔŋan a kɔ́lɔ́vúlu nda cuel cuavaa ndɔa-o, a bɔŋanndo a diɔm seemaa pɛ o kɔl-lo.

Talelan 14:16

Vana kɔlkaloo nɔ siòòŋii dɛnɛ vɔɔndo, lelan o kpakpala ndu ni. Kɛ diɔm sondo vesɛiyo ndu nɛi bollen vow o dɛnɛ nin te, kani o laalan a ndu pila.

1Samiɛl 25:17

Lelan nɔm bɛnda nihau ni mà yiyan mɛɛ n co sɔɛi kalɛi biyɔɔ yɛ, kani dɛnɛ palaa cuu kiolɔn le tolɔɔ vana naa bɛndoo nda yungu ndɔɔ coo. Kani o hiw ba vɔwlen, vana tɔ́ɔ́ndàn bɛɛ le ndu isɔɔ dimul te.»

1Samiɛl 17:44

mó dimul vɛlɛ ndu aa: «Tiiya vɔ nanu, i co yovaa co balɔɔ coocoo-a a visia yondoa dialun nɔmndon yɔngu, má dɔwnun balo a mun!»

O Kandɔɔ 11:6

Mɛɛ o cii mɛɛndan, mó dimi aa: «Vanaa pilɛa vannda ha kpede a co ni, sɔɛi mangalɛi pilɛi kpé nda co dimio ni, taa kandu pɛ dɛnɛ vaa nuaa tosaa, le fɛɛn a fɛɛn nin, ɲɛ-ɲɛ nɔla lɛ mò kuuna nda ɲɛ nda tuu le tosaa-o tosa le.

1Samiɛl 2:16

Te vana kon ndóò mulul ndu pɛ aa: «Cum-ndɔ mì vana lom fɔlɔn visin macuɛiyon, o kon a cua niko o hɛnan nɔm-ndo», buɛi kon ndóò mulul ndu aa: «Ɛ-ɛ, sisa n bɛnda ma ke ya ni, te o co kon te, i cua a paa-kala.»

Esekiɛl 16:49

Ɲɛ yɔŋnun mí tɛɛmbuu Sodɔm pɔmbɔ nɔm laandu-o va hoo ni: ndu a cieon ndɔn, má luɛi kuundianndo, kani ɲɛdiaa va nda o ba taw, a vannun vɛlɛ icali nila ɲulu, a ve buulan le ɲɛ-ɲɛ le. A cɛl le vanaa bala fondoa a vanaa ikɔɔa malaa le.