O Kandɔɔ 19:7 - BII BILA

⁷ Mó dimul nda aa: «Yandi caaŋaa nia, la tosà mààla vaa lende le.

O Kandɔɔ 19:7 Referans Kwoze

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Rɔmnda 1:24

Lelan Hala mal nda dɛnnda vɔɔnnda kɔlta ndalan láà yeema lan tosaa ni. O kon, mí nda pila tuisin siɛmbulan o dialun ndan nin.

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

Masaa kialaa n'yamaa 19:23

Mí fallo fula mó dimul nda aa: «Puapilɛa niaa, i tɛɛlun niaa, la tosa dɛnɛ vɔɔn súú vaa nuaa le, la tosa dɛnɛ lamàà súú vaa nuaa le, kani sumialii nii langbanɔɔ ho co ni.

Tɔŋ miingua 23:17

Cɛ kon nɔla mò cal niaa tɛɛn o lɛŋnde niaalen nin, o fonda hɛnannin ndu-o, o kobila niaalan o pilɛ nin. La bɛnda mì la saangiaa ndu le tɔnɔ soli ndu o n'dial te.»

Tɔŋ lasálàá 20:13

Te vanapɔnɔɔ tosa pɛ kpelemɔɔsaa a vanapɔnɔɔ celen mɛɛ vana tosa kpelemɔɔsaa a vanalanɔɔ nuaa yɛ, nda ŋiɔn kpow a bɛnda mà sɔla piɔ́mndo. Kani mààla bɛndu-bɛndulan pila nda tosa lan ni. Nda pila nuwviaa piɔ́m ndaa ni.

Tɔŋ lasálàá 18:22

Nɔm vanapɔnɔɔ, a bɛnda ma tosa kpelemɔɔsaa a vanapɔnɔɔ mɛɛ vana tosa kpelemɔɔsaa a vanalanɔɔ nuaa yɛ le. Taa tosa lende pɛ, mɛɛ mààla vɔɔnndan pila n tosa lan ni.

O Kandɔɔ 19:4

Ndáà hini vɔ le, mí vannda Sodɔm kpede, kandɔɔ a felengia kɔ bii a kaasoŋaa yuuvɛiya, a kɔ balu cɛi Lɔt-o pindo, má tiila nda.

O Kandɔɔ 19:6

Mí Lɔt fula nɛɛ nda va-a, mó sim o kèédei coo, mó kinda dioo a makɔɔ.

O Kandɔɔ 19:8

I nɔ cuaambɔa laandua hiw-vɔ vanapɔnɔ kɔɔli le-a nda ŋiɔn, i co niaa nda solul mì la tosa ɲɛ hɛnan niaa-o a nda. Kɛ la tósal langbaa ha dɛnɛ vɔɔn te, kani sumialii ni nda co nanu ni.»

Masaa kialaa n'yamaa 9:26

Paale pum, mí Kaal po Ebɛd-o hun Sikɛm nda puapilɛa ndɔa, mí vanaa bɛndua Sikɛm laalan ndu.