O Kandɔɔ 19:3 - BII BILA

³ Kɛ o lo nda landɔnndo tei, má cɛl le kɔlan o ndu lo cɛinin. Mɛɛ nda tiiya lon, mó bɛɛndial nda ɲɛdiaa, mó lum nda bulu toosian a lɛvɛn too, má dia.

O Kandɔɔ 19:3 Referans Kwoze

1Samiɛl 28:24

Fɔ́ɔ́fɔ̀, mí cuaa bii naw téndé celulaa, mó dii ndu. Mó cua kpeyanndo, mó linda, mó toaŋ bulula o vow lɛvɛn nin te lan.

Masaa kialaa n'yamaa 6:19

Mí Sedeɔn kɔa, mó kɔ yaw cuin téndóó, mó toosiaa buloo a kpeyanndo kiloo ca, kɛ o vow lɛvɛn lenin te. Mó vow vision o kambɛiyo nin, mó vow mɛmma n'rɛsɛnndan o hemndo nin, mó kɔ kɛsi o terebɛnteo bɛngu, mó cɔm ndu.

Hebreea 13:2

La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

1Korɛntea 5:8

Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

Fulaa 12:39

Má loam bulu toosian a lɛvɛn too a dɛɛ lindaa nda cɛn Esipte-o, kani telen nda tow nda le faŋanndo o lɛŋnde Esipte len nin-ndo, ndáà vow vɔ lɛvɛnndo o dɛɛ kon nin te. Lelan, a tamala lɛ le faŋanndo lon te, hali ɲɛm dian a nɔla lɛ mun toosiaa le keiyo dioo nɛi-tɛɛn te.

2Korɛntea 5:14

Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.

Nsaŋ 12:2

Má toosial ndu ɲɛdiaa isumiallo, Marte va ɲɛdiaa piɔwvo ni. Lasar va vana pilɛ o vanaa va ɲɛdiaa kon dioo nda Yeesu-a latulu-a tɛɛn.

Luke 14:23

Mí vana bɛndoo dimul ndu vɛlɛ aa: ‹Kɔ o nɛilan a o kungalan demullo, ma baŋ vannda le luɛyɔɔ haliko mi cɛi nuu ho pɛ cá.

Luke 11:8

Mì dimul niaa, hali mò cen mò yɔngu ndu le tùú o co caan ndɔ-o le, kɛ mɛɛ mò cɛn, mò yɔngu ndu ɲɛ-ɲɛ o yeema le baŋnɔn o baŋnun ndu ɲunaa-o.»

Luke 5:29

Mí Levii tuisi kafo bɛndoo o ndu lo bɛɛ, vanaa biyaa mulua bɔɔ-bɔɔ a va lon. Vanaa celen a va vɛlɛ lon, ma va ɲɛdiaa dioo nda ndaa.

2Masaa 4:8

Paale pilɛ, mí Elise kei Sunɛm. Vanalanɔɔ pum va o ciee kon nin, vana bolofaa o va ni. Mí vanalanɔ kon veelu Elise le kɔlan ɲɛdiaa dio o ndu lo cɛinin. Kandɔɔ yɛnin paale len, lɔ́ɔ́-lɔ́ɔ̀ Elise ndóò kɔɛ pɛ kpengii ken, lon ndóò kɔa ɲɛdiaa dioo ni.

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

O Kandɔɔ 21:8

Mɛɛ Isaak sul, mí Sara soli ndu mɛɛlen o sondo. Paale nda soli ndu mɛɛlen o sondo len, mí Abraham tosa kafo bɛndoo, mó toosiaa ɲɛdiaa taw.

O Kandɔɔ 19:2

Mó dimi aa: «A yandi vanaa nia bɛndua, la cɛl mì la kɔ pɛngi o vana niaa baalaa lo cɛinin. La kɔ pulu pelon mì la lɔl lon. Siɔdii idii, la pena hiovɔɔ nɛɛ niaa co kɔlan-nda.» Kɛ má mulul ndu aa: «Mal haki. O bɛɛ co o cieo tɛɛn-ndo naa n co malɔ ni.»

O Kandɔɔ 24:31

mó dimul ndu aa: «Hun o yiya o naa lo cɛinin, nɔm Mɛlɛka dɔw hoo duaa-o. Vɛ ma va isisi ciee-lekɔɔ nanu? I cii nɔm cɛi hinia toosial, mí bɛɛndiaa vɛlɛ fondaa le ɲɔɔmɛaa nɔmnda.»

O Kandɔɔ 26:30

Mí Isaak toosial nda ɲɛdiaa lemasa kɛndɛ-kɛndɔɔ, má dia, má kol.