O Kandɔɔ 19:25 - BII BILA

²⁵ Mó tɛɛmbuu kobila lan a cieon va o tàndà kon nin-ndon kpow. Mí vanndacieea a yondo puiyaa va o tàndà kon nin-ndo cuu ŋɔ selemenden.

O Kandɔɔ 19:25 Referans Kwoze

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

O Kandɔɔ 14:3

Mí masaa nda kuel kan a cɔwvo-a bɛɛ cuungiaa vanaa ndaa cɔwva o dɛɛla bɛndoo Sidim nin, nɛɛ mɛmma hɛlii bɛnduan ma co nin hau-va.

O Kandɔɔ 13:10

Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

2Piɛr 2:6

Hala yaala kobilan Sodɔm a Komɔr le lan tɛɛmbuuo, mó mingi lan pultan, mí ken va silaa le vanaa hun sinanin Hala le-a,

O Kandɔɔ 13:12

Mí Abram ndu cal o lɛŋnde Kanaan-nden nin, mí Lɔt cal o kobila va o dɛɛla kon nin-ndan nin, mó simi cɛila-kolala-toandaala ndɔlan háá Sodɔm ciee-lekɔɔ.

Tɔŋ miingua 29:23

vanaa kan ɲunannin aa: ‹Le kɔlɔ yɛɛ nɛ Mɛlɛka tuisi yɛ sangalan ndan vannda ha coo? Yɛɛ nɛ yɔŋ yɛ mó tuulu kɔl a nda nuaa taw-taw?›

Esai 13:19

O kon, kobio Babilɔn, o cɔm salamayɛi masɛi-yo, kobi kɛndɛ Kaldea co kon sangalanndo-o siŋnunnin maa Sodɔm a Komɔr, kobila Hala tɛɛmbuu lan-ndan pɛɛn.

Yeremi 20:16

Màá vana kon siŋnun maa kobila Mɛlɛka tɛɛmbuu ɲíí bii ndu le lan! Màá o tuei caŋnda imɔnɔlan idiiyo, mò tuei yondala cɔwlan a paalen o pol!

Yeremi 49:18

Ɲɔɔ yɔŋnunnin mɛɛ kpundɛ tɛɛmbuu Sodɔm a Komɔr a kobilaa balu ndu sɔ́ lan yɛ. Vanndo pilɛ bɛɛ kue lɛnin calle lon te, vanaciee yoomaa bɛɛ kue lɛnin ndon te.

Yeremi 50:40

I co ndu hunɔɔ muli mɛɛ ya muli Sodɔm, Komɔr a kobilaa balu lan-ndan yɛ. Vana-vana cel-lɛnin ndon te, vanaciee kɛ́-kɛ̀ kue lɛnin ndon te.» Sɔɛi fula ya Mɛlɛka o sondo-e co ken ni.

Cɛɛŋɔnnda Yeremi lan 4:6

Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Esekiɛl 16:50

Má siŋnun vanaa yongaa, má tosa dɛnnda nɔɔlɛilan ya o hɔl. Mɛɛ ya ce lende, mí ciinda diw kpede!

Amɔs 4:11

Mí hiiluu niaa vooku-vooku mɛɛ ya hiiluu kobio Sodɔm a kobio Komɔr mí tɛɛmbuu lan yɛ. Niaa, mí la yɔŋnun vɔngɔɲɔn maa kili nda soli o yin-ndo. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Sofoni 2:9

Lelan, le yoomu nuu, ya Mɛlɛka-Nɔ-Kpaayaa-Kpow-vo soo nuaa ni, ya Hala Israɛlla pɛɛn, Moab co hunɔɔ itambu mò siŋnun maa Sodɔm, mì poaa Amɔn-nda siŋnun maa Komɔr. Lɛŋnde ndalen le vanin maa yondo n'kayon, le siŋnunnin maa fonda ihɛl, maa fonda tambu le fɛɛn a fɛɛn-ndo. Vanaa lonin yoomu o yungu nuu nin-nda poondanin ɲɛm vanin lon-ndon, a sɔlanin lɛŋnde len kɛ́ɔ.