O Kandɔɔ 19:22 - BII BILA

²² Kɛ nɔm yɛ, mɛɛ keleŋa lakɔ ma kɔ vionnun dɛ! Kani i co nɔm cum háá mà tiiya lon malan ya tuisi dɛnɛ palaa vannda ha coo.» Lelan nda ke kobile len diolan ni aa Soar (kon co dimio ni aa «Ɲɛ-pɔmbɔɔ»).

O Kandɔɔ 19:22 Referans Kwoze

O Kandɔɔ 13:10

Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

O Kandɔɔ 14:2

Mí masaa hiɔɔlua kan kɔ del Bera masaa Sodɔm, Birsa masaa Komɔr, Sineab masaa Adma, Semɛebɛr masaa Seboyim a masaa Bela (kon co dimio ni aa «Soar») coo a cɔwvo.

Tɔŋ miingua 9:14

Lelan mal-la mì dɔw nda yɛɛvɛ, mì diw nda kpow, mì diola ndalan la ɲum o lɛŋnden coo. Kɛ nɔm, mì soli vanaa-mangalaa-isɔaa hiow vannda ha vaa sɛ́lɔ́ɔ́ a kpaayaa-a nɔm o ipulu.›

Fulaa 32:10

Lelan, mal-la mì tuisi nda kɔl ni tuwvo coo, mì diw nda kpow. Kɛ nɔm, i solinin vanaa-mangalaa-isɔɔa sɛ́lɛ́ bɛndoo taw nɔm o ipulu.»

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

2Timote 2:13

Te naa n lo o lediom coo le, ndu ndu lonin o diomnden coo, kani ndu pila sɛɛngiannin te.»

Marke 6:5

Yeesu nɔ́lá kaamaa kɛ́-kɛ̀ tosa lon te, fɔ vanaa o handu balan coo mó singi nda-a.

Yeremi 48:34

Vannda Hɛsbɔn a co yeelan mɛlio le vana malaa sɔlaa. Vana lo Eleale pɔ́ mà tuei nda diom. Diomnda ndalan la co tiiyaa Yahas dí. A va Soar, Horonaim a Ɛklat-Sɛlisia dí mà tuei nda diom. Kani hali soon mamɛnndo Nimrim, o vela mí vannda piaw lon.

Esai 65:8

Nuaa Mɛlɛka dimi ni aa: «Te vana komal pɛ kpɔ̀nyɔ̀ n'rɛsɛn nɔ mɛnndan lenin taw-vo, mò dimi aa la tɛɛmbuu ndu le, kani tɔnɔɔ co lenin, lende koni ya bɛɛ tosanin le vanaa baalaa niaa ni, yɔŋii nda tɛɛmbuu nda kpede.

Esai 15:5

Kɔl nuu co yondaa a mɔnɛi biyɔɔ le lɛŋnde Moab len, kani vanaa ndɔa co ɲaanɔnndo ma va kɔnndan Soar, háá Ɛklat-Sɛlisia, a co pembei Luhit helɔɔ a caŋndo, ma va kɔlan o nɛi Hɔrɔnaim-ndo coo a koŋullo kpélén.

O Kandɔɔ 19:21

Mí mɛlɛkanɔɔ dimul ndu aa: «Bala tiɔn. I cɛl vɛlɛ sɔɛi n dimi ken-nde. I tuisinin dɛnɛ palaa o kobi pɔmbɔ kon coo le.

O Kandɔɔ 19:23

Tuma Lɔt tiiya Soar-o kínɛí paalen le sɛ ni.

Tɔŋ miingua 34:3

Mó cɔm ndu vɛlɛ tàndàá Nekɛv a dɛɛlalan Yeriko, kobi mavawvo pɛɛn, kɔlan tiiyaa háá Soar.