O Kandɔɔ 19:16 - BII BILA

¹⁶ Lɔt lo kiisanndo, mí mɛlɛkaa kan saa ndu baa a paa-kala, nda laa ndɔ a cuavaa ndɔa ŋiɔnda, má soli nda o kobio kɔɔli. Kani Mɛlɛka ndóò yeema le nda tɛɛmbuu le.

O Kandɔɔ 19:16 Referans Kwoze

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

2Korɛntea 1:3

N melnun Hala balika, Fuɲaa Maalii naa Yeesu Krista. Fuɲa nɔ ɲííye taw-vo o co ni, Hala ɲɔɔlu vana kɔllo o dɛnndan kpow nin-ndo.

Nsaŋ 6:44

Vana-vana nɔla hunɔɔ o ya lo le, fɔ mì Pua sim vana kon laci, i tindinin ndu fulaa vanvílɛ́iya tɛɛn o paale mɛɛlaa len.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Condii lisai 136:1

La lisa Mɛlɛka, kani o naŋ, kani kaola ndɔɔ nɔ lamɛɛlu le.

Condii lisai 119:60

I co keleŋaa, i yangaanin le silala nɔmndan biyɔɔ le.

Condii lisai 118:1

La lisa Mɛlɛka, kani o naŋ, kaola ndɔɔ nɔ lamɛɛlu le.

Condii lisai 111:4

Mɛlɛka yeema mì n va dɛnnda kaamaala ndɔlan loonɔnndo. O nɔ kɛndɛi, o nɔ vɛlɛ ɲííye.

Condii lisai 107:1

La lisa Mɛlɛka, kani o naŋ, kaola ndɔɔ nɔ lamɛɛlu le.

Condii lisai 106:8

Kɛ mí Mɛlɛka ciindiaa nda le diola ndɔlan bɛɛlen keo, le kpaaya ndɔ bɛndoo cɔmndo.

Condii lisai 106:1

La lisa Mɛlɛka! La lisa ndu, kani o naŋ, kaola ndɔɔ nɔ lamɛɛlu le!

Condii lisai 103:13

Mɛɛ fuɲaa kaola cuavaa ndɔa nuaa yɛ, lende koni Mɛlɛka kaola vanaa nɔ siòòŋii ndɔɛi-ya ni.

Condii lisai 86:15

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

Condii lisai 34:12

Poaa nia, la hun mì la yaŋ ya nilan, mì pɛɛku niaa a siòòŋii Mɛlɛka-e nɔu o kɔɔ.

1Dɛnnda lemasalan 16:34

La biilu Mɛlɛka, kani o naŋ, ɲíí ndɔɛi co le fɛɛn a fɛɛn.

Tɔŋ miingua 4:31

Kani Mɛlɛka Hala niaa, Hala nɔ ɲííye-o o co ni, o melnin niaa le, o tɛɛmbuunin niaa le. O pɔɛɛnunnin kpema o yiilu fuɲaa niaa mamaa mó mɛnalan nda le ndu peeloo-o le.»

Kundalan 14:18

‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›

Fulaa 34:6

Mó kei Moise o hɔl a dimio aa: «Mɛlɛka! Mɛlɛka! Hala nɔ ɲííye a kɛndɛi taw-vo! I yala kɔl tuulu le, i nɔ kɛndɛi taw, Hala lo o lediom coo-o ya co ni.

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Yosue 6:22

Mí Yosue dimul langbaa ŋiɔŋaa kɔ mɛɛndian lɛŋnde len-nda aa: «La kɔ o Rahab vanalanɔ suundɛiyo lo cɛinin, mì la kɔ soli ndu a vanaa co o ndu lo cɛinin-nda mɛɛ niaa mɛnalan ndu yɛ.»

2Piɛr 2:7

kɛ mó ciindiaa Lɔt vana sandaa, o va o mɔnɛi nin le kela vɔɔn vanaa kan-ndo.

O Kandɔɔ 19:15

A telen paale siaalen, mí mɛlɛkaa tisa Lɔt kɔɔli le faŋanndo lon cɔ́-cɔ́. Má dimul ndu aa: «Cɔn ma cua laa nɔm a cuavaa nɔmaa laandua ŋiɔŋaa co nanu-a, mì la kɔɛnnun, yɔŋii niaa bɛɛ sɔla piɔ́mndo o dɛnɛ palaa Mɛlɛka kɔngɔlan le kobio ho tuisio coo-o bɛngu.»

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Tɔŋ miingua 6:21

La mulul nda aa: ‹Cɛa Faraɔnnɔɔ naa n yɔŋnun o lɛŋnde Esipte len nin ni, kɛ mí Mɛlɛka soli naa lon a ba ndɔ kpaaya bɛndoo.

Tɔŋ miingua 7:8

kɛ le tùú Mɛlɛka kaola niaa taw-vo, le tùú o yeema le kpema o yiilu fuɲaa niaa mamaa mó mɛnalan nda-o peeloo-o, lelan o puu niaa Faraɔnnɔɔ, o co masaa Esipte-o o ba a kpaayaa ni, mó soli niaa o celen nin.

Condii lisai 32:10

Dɛnɛ palaa co le vanaa kɔlvesɛiya-o co o bɔɔ, kɛ Mɛlɛka co vanaa co ndu tiindanndo-a kɛndɛi tosallo.

Condii lisai 33:18

Kɛ Mɛlɛka nɔ hɔlten vanaa nɔ siòòŋii ndɔɛi-ya coo, vanaa co kɛndɛi ndɔɛi tiindanndo-a pɛɛn.

Condii lisai 33:19

O nɔ nda hɔlten coo le kɔlta ndalan solio ciee-piɔ́m, mò manda yoomula ndalan o telen yima fofolan.

O Kandɔɔ 43:10

Te náà n hun viw nanu a kiisanndo le, maa náà n muungu nin bɛmbɛ lediin.»