14 Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.
La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.
Mó dimul vannda aa: «La faŋan o cɛila-kolala-toandaala vanaa kɔlvesɛiya ha ikɛi, la pilan ɲɛ-ɲɛ nda le, yɔŋii niaa bɛɛ sɔla piɔ́mndo le yɔŋnda vɔɔnnda ndalan kpow.»
Mí kiilaa balu o kobila yɛ́-yɛ́la va o tàndá Efraim-ndo nin a o tàndá Manase-o nin-ndan nin, kɔlan háá o tàndá Sabulɔn-ndo nin. Kɛ mí vannda muungu nda mamɔɔ, a saalan sɔɛi ndɛi le.
Lelan sunsun, la pɛngi vannda mamɔɔ, yɔŋii yɔlɔn nda yii niaa-on ŋɔwnun peŋ, kani i cuu kiolɔn le lɛŋnden kpow tambei. Maalii, Mɛlɛka-Nɔ-Kpaayaa-Kpow-vo o sondo ya tuei ndi ni.
Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.
Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.
Telen poombɔɔ va Yeesu sɔɔnguuo ikɛi-yo, mí ɲina vɔɔndo mal ndu lɛŋ, mó yusuŋia ndu falon taw. Kɛ mí Yeesu deŋul ɲina kon, mó singi poombɔɔ, mó mingi ndu fuɲa ndɔ o ba.
Tofa vɔ mɛɛ dɛnɛ violɔn Yeesu Krista-o yɔŋnun yɛ. Yosɛf ndóò fula Mari kala ndɔ kɔɔli le ndu cuaa o nɔ̀u nin ni, kɛ lɔ́ɔ́ pá mí Yosɛf sina ndu vanalanɔ, mó cua folio a kpaaya Hala Kɔl-Diandaa.
Le hee, mí Faraɔnnɔɔ veelu Moise nda Aarɔn o ɲumma man nin, mó dimul nda aa: «La cɔn mì la kɔɛ. La faŋan o lɛŋnde nilen nin few. La kɔndu Israɛlla mì la kɔɛ a nda. La kɔ biilu Mɛlɛka mɛɛ niaa dimi yɛ.
Kɛ nɔm yɛ, mɛɛ keleŋa lakɔ ma kɔ vionnun dɛ! Kani i co nɔm cum háá mà tiiya lon malan ya tuisi dɛnɛ palaa vannda ha coo.» Lelan nda ke kobile len diolan ni aa Soar (kon co dimio ni aa «Ɲɛ-pɔmbɔɔ»).
Mɛɛ nda soli nda o kobio kɔɔli lende, mí mɛlɛkanɔɔ pilɛ dimul Lɔt aa: «Ɲaanun ma kɔɛnnun kɛ, haliko ma lo yoomu. Tofan kɔɔli le dɛ! Kei vɛlɛ isisi nɛi-tɛɛn o dɛɛlaa nin tei. Taa yeema mà vi le, mɛɛ ɲaanun o pembei coo dɛ!»
A telen paale siaalen, mí mɛlɛkaa tisa Lɔt kɔɔli le faŋanndo lon cɔ́-cɔ́. Má dimul ndu aa: «Cɔn ma cua laa nɔm a cuavaa nɔmaa laandua ŋiɔŋaa co nanu-a, mì la kɔɛnnun, yɔŋii niaa bɛɛ sɔla piɔ́mndo o dɛnɛ palaa Mɛlɛka kɔngɔlan le kobio ho tuisio coo-o bɛngu.»
mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»