O Kandɔɔ 18:6 - BII BILA

⁶ O kon, mí Abraham luɛi cɔ́-cɔ́ o cɛi-kola-toandaa ndɔɔ nin, mó dimul Sara laa ndɔ aa: «Kɔndu kpeyan hiow naŋɔɔ-o kiloo bidiin a leŋuɛɛnu, ma linda ndu cɔ́-cɔ́, ma toŋ dɛɔ.»

O Kandɔɔ 18:6 Referans Kwoze

Matie 13:33

Mí Yeesu dimul nda vɛlɛ tale celen aa: «Masale halataala len le co ko vɛlɛ kpen a lɛvɛnndo, o vanalanɔɔ pum cua mó vow o kpeyan kilo leyáá-o nin-ndo. Mí lɛvɛn kon tosa mí kpeyan kon kpow hindu hindɔɔ pila.»

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

Hebreea 13:2

La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Dɛnnda kiilaa 16:15

Mɛɛ o sɔla yinɔɔ nda yungu ndɔɔ kpede, mó veelu naa aa: «Te la laalan pɛ maa vana laalan Mɛlɛka-o ya co ni, mɛɛ la hun mì la va o yiya o ya lo cɛinin.» Mó baŋ naa, mí n cɛl kangalan.

Esai 32:8

Kɛ vana tɔ́ɔ́ kɛndɔɔ ndu, sɔɔn latɔ́ɔ́-tɔ́ɔ́n o tuu ni, o tuu vɛlɛ pɛ sɔɔn bɛndun vaa lende, o sim yili, le lou lecoo.

O Kandɔɔ 18:5

La mɛi-yɔ, i cuu vɔ niaa ɲɛdiaa ɲɛ-pɔmbɔ, haliko mi la sɔla yoomuan malan niaa hiaw nɛɛ niaa co kɔlan-nda. Kani o dɔ́ɔ́ngɔ́ vana niaa baalaa ikɛi niaa kei nuaa ni.» Má mulul ndu aa: «Bala tiɔn. Tosa mɛɛ n dimi yɛ.»

O Kandɔɔ 18:7

Mó kɔa vɛlɛ a kiltan nɛɛ cɔlua ndɔa va-a, mó kɔ bii naw téndé kɛndɛ-kɛndɔɔ, o dialun ndɔn peelu ɲɛkɛndɛi-yo, mó yoo buɛi ndɔɔ pum, mí buɛi kon yaw ndu a kiltan.

O Kandɔɔ 19:3

Kɛ o lo nda landɔnndo tei, má cɛl le kɔlan o ndu lo cɛinin. Mɛɛ nda tiiya lon, mó bɛɛndial nda ɲɛdiaa, mó lum nda bulu toosian a lɛvɛn too, má dia.

Masaa kialaa n'yamaa 6:19

Mí Sedeɔn kɔa, mó kɔ yaw cuin téndóó, mó toosiaa buloo a kpeyanndo kiloo ca, kɛ o vow lɛvɛn lenin te. Mó vow vision o kambɛiyo nin, mó vow mɛmma n'rɛsɛnndan o hemndo nin, mó kɔ kɛsi o terebɛnteo bɛngu, mó cɔm ndu.

1Samiɛl 28:24

Fɔ́ɔ́fɔ̀, mí cuaa bii naw téndé celulaa, mó dii ndu. Mó cua kpeyanndo, mó linda, mó toaŋ bulula o vow lɛvɛn nin te lan.

2Samiɛl 13:6

Mí Amnɔn hinin, vanáà ca ko aa a nàá o va ni. Tuma masaa hin ndu yilɔɔ-o, mí Amnɔn dimul ndu aa: «I yeema mì Tamar yema ni hun toosial-la dɛɛla toaŋaalan tan tiɔn ya pila o hɔl nanu, mò yɔngu ya, mì de.»

Condii lisai 119:60

I co keleŋaa, i yangaanin le silala nɔmndan biyɔɔ le.