O Kandɔɔ 18:5 - BII BILA

⁵ La mɛi-yɔ, i cuu vɔ niaa ɲɛdiaa ɲɛ-pɔmbɔ, haliko mi la sɔla yoomuan malan niaa hiaw nɛɛ niaa co kɔlan-nda. Kani o dɔ́ɔ́ngɔ́ vana niaa baalaa ikɛi niaa kei nuaa ni.» Má mulul ndu aa: «Bala tiɔn. Tosa mɛɛ n dimi yɛ.»

O Kandɔɔ 18:5 Referans Kwoze

Masaa kialaa n'yamaa 13:15

Mí Manoa dimul mɛlɛkanɔ Hala-o aa: «Cum-ndɔ mì n kɔ bɛɛndial nɔm cuin téndóó ma de.»

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

Masaa kialaa n'yamaa 19:5

O paale hiɔɔlundɔlen, má can idiiyo púŋ. Lɔ́ɔ́ leviinɔɔ congun le kɔnndan-ndo, mí lefu ndɔ piaandoo dimul ndu aa: «La kiolu fɔlɔn saasan le yoomuan sɔlaa, malan niaa kɔa.»

Masaa kialaa n'yamaa 6:18

Fáŋàn nanu le, háá mì kɔ hun a sálà ya yeema le nɔm solullo-o, mì hun kɛsi ndu nɔm o hɔl.» Mí Mɛlɛka dimul ndu aa: «Mɛɛ i co lo nanu háá ma kɔ hun.»

O Kandɔɔ 33:10

Mí Yakɔb muli aa: «Kɛì-kɛì bɛɛ! I tɛɛlun nɔm, taa naŋ pɛ kɔl a ya lekɛ́ndɛi, mɛɛ bii ɲɛ ya cuu nɔm hoo-o. Kani ciikanndo ho naa nɔm, o co ko kpen a mɛɛ vana ciikan a Hala nuaa yɛ. Nduyɛ, a demul-la bɔɔ a kɔlkɛndɔɔ.

O Kandɔɔ 19:8

I nɔ cuaambɔa laandua hiw-vɔ vanapɔnɔ kɔɔli le-a nda ŋiɔn, i co niaa nda solul mì la tosa ɲɛ hɛnan niaa-o a nda. Kɛ la tósal langbaa ha dɛnɛ vɔɔn te, kani sumialii ni nda co nanu ni.»

Esai 3:1

«Éé, la tofa vɔ, Maalii, Mɛlɛka-Nɔ-Kpaayaa-Kpow-vo co Yerusalɛmnda a Yudaa ɲɛ nda tiindan-ndo a ɲɛ nda kɔngan-ndo hiɔlɔɔ o ba, o co nda ɲɛdiaa nda co mandaa-o a mɛmma nda co mandaa-an poonda o ba,

Matie 6:11

Yɔngu naa n diaa lepalaa-lepala-o le paalen nden hau.

O Kandɔɔ 18:6

O kon, mí Abraham luɛi cɔ́-cɔ́ o cɛi-kola-toandaa ndɔɔ nin, mó dimul Sara laa ndɔ aa: «Kɔndu kpeyan hiow naŋɔɔ-o kiloo bidiin a leŋuɛɛnu, ma linda ndu cɔ́-cɔ́, ma toŋ dɛɔ.»

Masaa kialaa n'yamaa 6:19

Mí Sedeɔn kɔa, mó kɔ yaw cuin téndóó, mó toosiaa buloo a kpeyanndo kiloo ca, kɛ o vow lɛvɛn lenin te. Mó vow vision o kambɛiyo nin, mó vow mɛmma n'rɛsɛnndan o hemndo nin, mó kɔ kɛsi o terebɛnteo bɛngu, mó cɔm ndu.

Masaa kialaa n'yamaa 13:16

Mí mɛlɛkanɔ Hala-o muli aa: «Hali i cum bɛɛ, i dinin ɲɛdiaa n co ya bɛɛndial-lo le. Kɛ taa yeema pɛ, a bɛɛndiaa sálà loamaa, a solul Mɛlɛka ndu.» Manoa ve sina maa mɛlɛkanɔ Hala-o le.

1Masaa 17:11

Tuma cuaa va kɔlan mɛnndan kɔndɔɔ-o, mí Elii koma veelu vɛlɛ ndu, mó dimul ndu aa: «Ma cuu ya vɛlɛ buloo ɲɛ-pɔmbɔ.»